الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل111
فكلامو هزات راسها كضحك من نيتها وهما من سمعو ضحكها تنهدو براحة ...
شهد شاد تليفون من جهة لاخرى لاصقين بجوج عليه وشكلهم كيضحك لكن كلشي فسبيلها خافو عليها دير شي كارثة وتا من سيف وصاهم عليها حيت من كتصابي بمصيبة وكضلام عليك دنيا وتلقاي راسم بوحدك كيجبوك افكار مضلمة تقدري تنهي حياتك هادشي علاش كل واحد كيتاصل ويحاول يغير ليها الجو و يضحكها و بحسسوها انها جزء مهم و كبيير عندهم ومحتاجين ليها ضروري
..
كيتكلمو معاها و دخل تا كمال بعد منهم كيهضر معاها بشوي...
كمال: مزال مغادي تجي وحنا من صباح وحنا كنتسنوك تجي تفكي هاد لحريرة لي داخلين ليها...
سثيلا تبسمات من نيتها : واش ضروري خاصني نكون...
كمال: واش عاد كتسولي معلوم ضروري وبلا بيك يضربنا لخلا ....
وقفات كتعكل فمشيتها بكثرة دم لي جمد ليها فالجلاس و كتدوي معاهم بواحد لهجة فيها طاقة هي و محساش بنفسها..
سثيلا :وقتاش اتوصلو باش ندير بحسابكم...
كمال : تمنية ديال سوايع نكونو عندك والله يرحم والديك ديري ديك الكيكة المالحة لي درتيها داك نهار من نهار كليتها عندك ما قدرت نساها و مشهيها بزاف..
حلات تلاجة لقاتها خاوية وهي توجه لساروت مبتاسمة وملامحها فيهم الحياة وردات عليه بسرعة ..
- من توصل تلقاها موجودة ...
كمال : يخليك ليا العمر ..
مد تليفون لنور لي بقا واقف خلاهم تا سلاو عاد بدا كيهضر معاها و يوصيها تلبس حوايج سخان باش ميضربهاش لبرد..
كيتكلم بهدوء ورزانة كيف عادتو و كيوصي على المهم..حسسوها انها وسط عائلتها وانها فرد مهم وبلاصتها معاهم خلاوها تحس بالحياة و تشوف الضوء وسط ضلامها ...
"نحن نستحق كثير من المحاولات للوصول إلينا ، نستحق أشخاص يخافون علينا كخوف الأم على طفلها الوحيد ..
لربما لم نكن الأفضل في حياة الآخرين لكننا كنا الأصدق ولأكثر تحملا ...
لا يهم أن لا يحاول أحد الوصول إلينا المهم أننا نعرف أننا كنا سندا حقيقيا لجميع من وصلوا حتى بعد أن رحلو عنا إلى غرباء آخرين"...
سثيلا عودة الى وطن الصداقة....
#تتبع
تعليقاتكم ..خليو تعاليق بزااف ..
الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
