"في المنزل .. "
" يجتمعون علي العشاء .. "
صلاح .. عامله اي ف الشغل
مودة .. الحمد لله بخير والشغل تمام بردو
صلاح .. سمعت ان فراس السويدي عنده عقارات تاني مش بس الشركه بتاعته ، يعني عنده عماير وابراج
موده .. بابتسامه .. ايوة ده عنده كتير اوي ، هو واخواته ، الراجل ده اصلا طلع غني فوق ما تتخيل
صلاح .. ربنا يزيده ويدينا ي بنتي ، طب علي كده ال عايز ياخد شقه من الشقق بتاعته دي ، تتوقعي ايجارها كام
مودة.. الاجارات من ٥٠٠٠ وانت طالع ، ي بابا الشقق دي غاليا اوي اوي
صمت قليلاً ثم أعاد نظره إليها بصدمه .. لي كده
مودة .. وهي تنظر بغرابه .. طيب لي الأسأله دي ؟ مين عايز ياخد شقه يعني ؟
صلاح .. عماد كلمني ف قولت أسألك
وهي تشعر بالغضب .. وعماد عايز شقه لي ، مهو شقته ال فوق دي كويسه وفاضلها حاجات بسيطه وتخلص ، عماد ي بابا مستحيل يقدر علي إيجار شقه زي كده ، ده مرتبه ٢٥٠٠
صلاح.. الحاجات البسيطه ال بتتكلمي عليها عايزة فوق ال ٧٠ الف ، عماد مجابش اي عفش خالص ، وعايز يتجوز ، وانا بصراحه عايزكم تتجوزو بردو مش مجرد كتب كتاب وخلاص ، فهو فكر ف حاجه ، انك تعيشي ف الشقه بتاعتهم وتاخدو اوضه وبس علي ما ربنا يفرجها
تركت ما بيدها ونظرت له بصدمه .. اقعد مع عيلته ؟ بابا بترجاك قولي انك بتهزر
صلاح .. لا مبهزرش ، انتي مش طول عمرك بتحبي البساطه
غاده وهي ترمقها بغضب وتردف بنبره ساخره .. كان زمان ده ي صلاح ، بنتك البسيطه ال كانت بترضى باي حاجه كانت زمان ، دلوقت اتعودت علي الشركه والوسع
لتنهض مودة بانزعاج من حديثها وتنظر لها بحزن وتعلو نبره صوتها .. لا ي مامااا بقا ، كده مبقتش عيشه ، هو انا مش من حقي اعيش ، ومش من حقي اعترض ، ي ماما بلاش تضغطي عليا بالطريقه دي ، انا مش هقدر اعيش مع عمي ومراته ويدوب اخد اوضه وبس ، صعبه عليا مش هاخد راحتي مش هعرف البس ولا اتحرك هبقا محكومه ف اوضه زي السجن وبس, بترجاكم ده مش هينفع
صلاح .. يعني افهم من كده انك مش موافقه علي العرض ده
مودة وهي تنظر لهم بدموع ونفاذ صبر .. اه مش موافقه ، بعد اذنكم ...
__________________
" في صباح اليوم التالي "
" بدل فراس ملابسه واستعد ليوم العمل الجديد. ذهب إلى جناح شقيقاته فوجد شيرين تدخل المنزل بسرعة وتقترب منه..
فراس .. بدهشه وتساؤل .. في اي ع الصبح؟
أنت تقرأ
هي ملكي ( شائت ام أبت )
Любовные романыكان حبه لها يتخطى حدود العاطفة العادية، فهو لم يكن يرغب فقط في حبها، بل في التحكم فيها، وامتلاكها بكل ما تعنيه تلك الكلمة. كان ينظر إليها ك ممتلكه الخاص. كان يراقب كل خطوة تخطوها، ويسعى للسيطرة على كل جزء من حياتها ، وأنه الشخص الوحيد الذي يملك الق...
