.. أشرق نور الشمس الخافت والجو ما زال باردا جدا ، استيقظت مودة وفتحت عينيها ببطء ونهضت بتكاسل ، ولم تعرف متي حصلت علي تلك الغطاء الفرو الدافئ التي عندما رفعته من عليها شعرت بالبرودة مره اخري ، قررت الذهاب للمرحاض واستحممت ومشطت شعرها ورجعت مكانها أمام المدفأه والتفت بالغطاء مره اخري ، بعد دقائق قليله وطرق الباب وذهبت لتفتح ودلف فراس ..
فراس .. بابتسامه .. اخيرا غيرتي هدومك
مودة وهي تنظر اليه .. اه ، حاولت اتحدي نفسي شويه
فراس .. ما شاء الله نبيها ، المهم الشنطه دي فيها طقم شتوي ، وده فطار ، معلش ملحقتش اخد رأيك
مودة ..بابتسامة غاضبه .. مش مشكله ، اهو يوم ومش هيتكرر تاني
فراس .. مش هتبصي ع الفطار ، وتعملي عركه زي امبارح ، خناقه ع حبه فلفل
نظرت إليه وهي تضيق عينيها ... اممم ، حضرتك بتتريق عليا
فراس .. لا متقوليش كده ، انا بتريق ع تفاهتك بس ، المهم
يلا اقعدي عشان ناكل
مودة .. حاضر
.. وجلسوا سوياً واكلا ثم ذهبت مودة الي الحمام وغيرت ملابسها ولبست ذلك الهدوم الشتويه الانيقه وخرجت وابتسم فراس لها ..
مودة .. حلوة اوي الهدوم دي، شكرا
فراس .. طيب كويس ، يلا بينا هنخرج
" وذهبا الي الخارج وذهبوا لمول ضخم من افخم المولات في دبي ..
.. نظرت اليه مودة بذهول وهي لم تفهم ما يدور في رأس فراس ، اوقفته وتحدثت بصوت حازم .. هو لو سمحت حضرتك احنا جايين هنا لي
.. نظر إليها فراس .. هجيب حاجات لاخواتي ، واهي خروجه ، لو عجبتك حاجه اشتري انتي كمان ، هو انتي هتيجي كل يوم هنا ، دي مره ف عمرك
عقدت مودة ذراعيها امامها ونظرت إليه بغيظ .. مين عالم ، محدش يعرف نصيبه فين ، منا مكنش ف حسباتي اني هاجي هنا ف يوم من الايام واهو جيت
رمقها فراس بحب .. عشان انتي طيبه ، يلا انا هنقي لاخواتي حاجات لو حابه تساعديني تمام
رمقته بابتسامه ثم اردفت بلطف .. اه اساعدك تمام ، هتشتري ل شرين
نظر إليها وهتف بجمود .. لاا مش هجيب ، شرين بتسافر اكتر مني ، جوزها اصلا مقيم برا مصر وهي بتنزل مصر وقت الدراسه بس عشان الاولاد
أنت تقرأ
هي ملكي ( شائت ام أبت )
Roman d'amourكان حبه لها يتخطى حدود العاطفة العادية، فهو لم يكن يرغب فقط في حبها، بل في التحكم فيها، وامتلاكها بكل ما تعنيه تلك الكلمة. كان ينظر إليها ك ممتلكه الخاص. كان يراقب كل خطوة تخطوها، ويسعى للسيطرة على كل جزء من حياتها ، وأنه الشخص الوحيد الذي يملك الق...
