Uni
ရက်အနည်းငယ်ကြာတော့ ဟိုလူက နေပြန်ကောင်းလေသည်။ သူ့ကို အိမ်ပြန်ပါ အိမ်မှာ ခင်များအမေတွေအစ်ကိုတွေက ပြုစုပေးလိမ့်မယ်လို့ပြောလိုက်ချင်ပေမဲ့ ၊ သဘောထားကြီးလွန်းတဲ့ မေကြီးကြောင့် ကိုယ့်မှာ ပြောပြန်ရင်လည်း လူကြမ်းကြီးက ဖြစ်ပြန်အုံးမည်။
ထို့ကြောင့်ပင်... သူနေမကောင်းသည့်တလျှောက်လုံး နှိုင်းကသာ ပြုစုပေးရသည်။ မေကြီးကလည်း ဝင်ကူပေမဲ့ နှိုင်းက မေကြီး အတွက် မပင်ပန်းလေအောင် နားနားနေနေသာ နေခိုင်းသည်။
" ဟော..သားတောင် ပြန်တော့မှာကို "
ဧည့်ခန်းထဲမှာ ပုတီးစိတ်ကာ ထိုင်နေပါသော မေကြီးက ကိုယ်နဲ့ ဟိုလူ့ကိုတွေ့တော့ အနားကိုလာကာ ဟိုလူ့ကိုနှုတ်ဆက်လေသည်။
" ဟုတ်တယ် အန်တီ ၊ ဒီအတောအတွင်း ကျွန်တော့်ကို ကူညီပေးခဲ့လို့လဲ ကျေးဇူးတင်ပါတယ် "
" မဟုတ်တာကွယ် ၊သားတကယ် ကျေးဇူးတင်ရမှာက အန်တီ့ရဲ့သား နှိုင်းကိုပဲကွယ် "
မေကြီးက ထိုသို့ပြောလိုက်တော့ ဟိုလူက နှိုင်းဘက်ကို ခဏ လှည့်ကြည့်လာသည်။ ပြီးတော့
" ဘာပဲ ဖြစ်ဖြစ် ကျေးဇူးတင်ပါတယ်ဗျာ ၊ ကျွန်တော်သွားလိုက်ပါအုံးမယ် "
" ဟုတ်ပါပြီကွယ် ၊ နှိုင်းလေး သား ရှိုင်းကို လိုက်ပို့လိုက်အုံးနော် "
" ဟုတ်ကဲ့မေကြီး "
ဒီအမေက သူ့ကို အမြဲဟိုလူ့အနားကိုတွန်းပို့နေတာ ၊ သူ့သား လင်ရသွားမှာကို မြင်ချင်နေသလားပဲ ။ ကိုယ်က ဖြင့် ကိုယ့်မေမေကို ပြုစု စောင့်ရှောက်ပေးချင်သေးတာကို ။
နှိုင်းတို့နှစ်ယောက် ယှဥ်တွဲကာလမ်းလျှောက်ပြီး ကားပါကင်ဆီသို့ ရောက်မှန်းမသိ ရောက်သွားရသည်။
ဟိုလူက ကားထဲမဝင်သေးဘဲ နှိုင်းရဲ့ဘက်ကိုလှည့်လာကာ...
" ကျေဇူးတင်ပါတယ်... နှိုင်း..."
ဒီလူက ကိုယ့်ကို နှိုင်းတဲ့ ၊ ရှားရှားပါးပါးကြားရခဲတဲ့ သူ့ဆီက ဒီလိုခေါ်သံ... ၊ အရင်တုန်းက ဆိုရင် နာမည်အပြည့်ခေါ်တာတို့ မင်း တွေ ငါတွေနဲ့ပြောတာတို့ပဲ ကြားဖူးခဲ့သည်၊ သူများတွေလည်း ထိုသို့ခေါ်ကြပေမဲ့ ၊ အခုသူခေါ်မှာ ဘယ်လိုကြီးလည်း ရင်ဘတ်ထဲက တစ်ခုခုက လှုပ်ခတ်နေသည်။
YOU ARE READING
Only for you ( မင်းအတွက်သာ)
Romanceမင်းကိုဘယ်ကနေ စချစ်မိမှန်းငါမသိခဲ့ဘူး။ #ရှိုင်းဝဋ်သာလွန် အစ်ကို့ကို ချစ်ပါတယ် ဘဝနဲ့ရင်းပြီးတော့ပေါ့ #နှိုင်းလွန်းသာနွယ်
