Uni
မေကြီးရဲ့ ဆန္ဒအရ နှိုင်း သူမကို ရန်ကုန်နဲ့မနီးမဝေး တရားရိပ်သာ တစ်ခုသို့ လိုက်ပို့ပေးသည်။
မေကြီးက အစက မယ်သီလရှင် ဝတ်မယ်လို့ ရည်ရွယ်ထားပေမဲ့ ၊ ဘာကြောင့်လဲတော့မသိ မဝတ်ဖြစ်လိုက်။
" မေကြီး သား မကြာမကြာလာတွေ့မယ်နော် ၊ မေကြီး အိမ်ပြန်လာချင်လဲ သားအချိန်မရွေးလာခေါ်မယ်နော်၊ ကျန်းမာရေးလဲ ဂရုစိုက်နော်.."
ဒေါ်ခတ္တာနွယ် သူမ ရဲ့သားဖြစ်သူကို တစ်ချက် ကြည့်လိုက်သည်။
သားငယ်က သူမကို စိတ်မချနေသည့်ဟန် ၊ ဒါပေမဲ့ သူမလည်း မတတ်နိုင်တော့ပါ ၊ မြို့ကြီးပြ ကြီးမှာ နေတာထက် ဒီလို အေးချမ်းတဲ့ တရားရိပ်ဘုရားရိပ်မှာပဲ နေချင်သည်လေ။
" အင်းပါသားရယ် ၊ မေကြီးကိုစိတ်ချနော်...၊ သားလည်း အလုပ်ကြိုးစားလုပ်ဟုတ်ပြီလား "
" ဟုတ်ကဲ့ မေကြီး ၊ အဲ့ဒါဆိုသားသွားတော့မယ်နော်..."
" အင်းအင်း ၊ ဂရုစိုက်ပြန် "
ဒီနေရာက ရန်ကုန်နဲ့ အနည်းငယ်ဝေးသည်မို့လို့ ကားမရှိတဲ့ နှိုင်းအဖို့ taxic ဖြင့်သာ လာခဲ့ရသည်။
အသွားတုန်းကတော့ မေကြီးနဲ့ နှစ်ယောက် ၊ အခုတော့ တစ်ယောက်ထဲ အိမ်ကိုပြန်လာခဲ့ရသည်။
Ring Ring
ရန်ကုန်ကို အပြန်လမ်းမှာ ရှုခင်းတွေကို ကားပေါ်ကနေ ကြည့်နေတုန်း ဖုန်းကအသံမြည်လာသည် ။
" နှိုင်းလွန်းသာနွယ် ၊ မင်းအခုဘယ်မှာလဲ "
ဖုန်းကို ကိုင်လိုက်လျှင်ကိုင်လိုက်ချင်း အလောတကောအသံ ဖြင့်ထွက်လာပါတော့ တစ်ဖက်လူရဲ့ အသံ။
" ကျွန်တော်အခု ရန်ကုန်မှာမဟုတ်ဘူး ၊ ဒီနေ့တော့ခွင့်ယူတယ်ဗျာ.."
" ခွင့် မပေးဘူး မင်းကို ၊ ဒီနေ့ အရေးကြီးပါတီ သွားရမှာကွ... "
" မ လိုက် ဘူး "
နှိုင်းတစ်လုံးချင်းကို ပီပီသသ ပြောလိုက်သည်။
ဟုတ်တယ်မလား ၊ သူနဲ့အလုပ်တွဲလုပ်နေစဥ်အတွင်း နှိုင်းတစ်ရက်မှ ခွင့်မယူခဲ့ ၊ ဒီနေ့ တစ်ရက်ပဲ ခွင့်ယူဖူးတာ လေ။
" မလိုက်လို့မရဘူး ၊ အရေးကြီးတယ် ၊ မင်းရဲ့ apartment မှာ ငါစောင့်နေမယ် ၊ ဘယ်ကိုရောက်နေနေ မြန်မြန် ပြန်လာခဲ့ "
YOU ARE READING
Only for you ( မင်းအတွက်သာ)
Romantiekမင်းကိုဘယ်ကနေ စချစ်မိမှန်းငါမသိခဲ့ဘူး။ #ရှိုင်းဝဋ်သာလွန် အစ်ကို့ကို ချစ်ပါတယ် ဘဝနဲ့ရင်းပြီးတော့ပေါ့ #နှိုင်းလွန်းသာနွယ်
