Lesson 19
Unsay bay gihisgotan sa kapitulo 7?
Magdahom ta nga dinhi aning kapitulohan mahisgotan kung unsay: kaminyoon, pagpabilin nga single (celibacy), unsa ang sexual immortality, ug unsa maayong tambag sa usa ka balo.
1a Karon hisgotan nato kadtong mga butang nga inyong gisulat kanako.
Atong makita nga sa wala pa gisulat ni Pablo ang unang Corinto, aduna nay sulat nga nadawat si Pablo gikan sa taga-Corinto. Ug naa didto sa maong sulat ang ilang pangutana kang Pablo mahitungod sa kaminyoon ug pangutana mahitungod sa mga balo.
1b Maayo alang sa usa ka tawo nga dili magminyo.
Ngano?
Tungod kay ang kinabuhing minyo usa ka "commitment"— Ug unsa may commitment: una, sa kaminyoon, ang kamatayon ray makapahimulag.
Sa Roma 7:2 nagsulti "Pananglitan, ang babayeng minyo ubos sa gahom sa iyang bana sumala sa balaod samtang buhi pa ang iyang bana. Apan inigkmatay sa iyang bana, nahilingkawas na siya gikan sa maong balaod". Busa samtang buhi pa imong asawa o bana dili ka pwede makigdulog sa uban gawas kung patay na imong bana o asawa. Dugang pa, ang balaod sa atong goberno nagsulti kanato nga dili makahimo sa pagpangasawa ug lain samtang buhi pa imong bana.
Kini maoy something nga kinahanglan hunahunaon sa makadaghan sa mga dalaga ug ulitawo sa dili pa mosulod sa kaminyoon. Tungod kay dili paka gawasnon sa dihang buhi pa imong asawa o bana. Think about that, kung unsa ka seryoso ang kaminyoon.
Apan adunay mosulti, di ba pastor aduna man tay baload nga pwede ang "annulment" o sa gawas sa nasud naa silay divorce?
Well, apil sa atong commitment sa kaminyoon ang gisulti sa Dios "Busa dili na sila duha kondili usa nalamang. Tungod niini kinahanglan dili bulagon sa tawo ang gihiusa sa Dios" Mateo 19:6
Ang desinyo gayud sa Dios sa kaminyoon sukad pa sa sinugdanan nga kung unsay gihiusa sa Dios, walay bisan kisang tawo (apil na ani ang baload sa tawo) nga makapahimulag.
Apan pastor nagsulti man nga pwede makigbulag sa asawa o bana basta legal ilalom sa atong goberno.
Mao kini ang tubag sa Dios, sa Mateo 19:7-8 "Ang Pariseo nangutana kaniya, "kon mao kana, nganong nagtugot man si Moises nga makabulag ang bana sa iyang asawa human siya mosulat ug pahibalo sa pakigbulag sa iyang asawa?" Si Jesus mitubag, "mitugot si Moises kaninyo sa pagbulag sa iyang asawa kay gahi man kamog ulo"
So, gitugotan ang pakigbulag tungod sa pakakahig ulo. Buot pasabot, bisag unsaon ug ingon nga "kamatayon ray makapahimulag, mogula jud ang mga rason". "Ginoo dili siya kabalo molug-ag"— makigbulag na! Kabalo mo sa atong tawhanong balaod daghan nang grounds para kamakabulag ka, ug ako nagtuo nga tungod ni sa pagkagahi ug ulo sa tawo. Giingnan nga higugmaa imong asawa— kulatahon ang asawa. Giingnan nga asawa tahud mo sa iyong bana ganahan gyud maoy molabaw sa bana. Kinsa man konoy ganahan pang mo ipon ana?
Adunay bitaw mga bataon nga sayo nagminyo, ug sa dihang naminyo na, nakabana diay ug boxedor— kabalo mo nganong boxedor? Kay ginahimo nga punching bag ang asawa kung mahubog, unya moduol kanako ug mosugilo nga "mao nay kinaiya sa akong bana pastor". Ako gyud nga sultian nga "wala man gud ka nagpaabot".
So tungod sa pagsupak sa tawo sa Dios, aduna na karoy gitugotan ang Dios pinaagi sa Balaod sa tawo nga kini sa sinugdanan dili gayud ganahan ang Dios nga bulagon ang Iyang gihiusa.
Ang kaminyoon gihulagway kini sama sa duha ka bond paper nga kipatapot sa usa ka glue. Ug sa dihang sulayon na nimu ug bulag ang duha ka bond papaer nga gipataptan ug glues, usa gayud nila duha o kaha silang duha magisi gayud. Ug dili lang ang managtiayon ang magisi, hasta ang anak kung naa man.
