Lesson 17
Unsa bay gihisgotan aning kapituloha?
Gihisgotan dinhi kung unsay angayng himoon kung adunay panagsumpaki sa isigkamagtutuo (sulod sa simbahan).
Ikaduha, gihisgotan dinhi ang pagkinabuhi isip usa ka giluwas. Therefore kung unsa tinuod alang kanato maoy atong iki7nabuhi.
Ikatulo, ang atong lawas alang sa kahimayaan sa Dios.
1 Kon usa kaninyo agrabyado sa iyang igsoon, nganong modangop man siya sa maghuhukom nga dili magtutuo ug dili hinuon kini ipahusay sa simbahan?
Dinhi atong makita ang laing isyu nga e-settle ni Pablo.
Unsa ni?
"agrabyado sa inyong igsoon"- sa laing translation naghisgot "kung adunay buroka" o panagbangi. Samtang ang pulong "maghuhukom nga dili magtutuo" nga gihisgotan dinhi naghisgot sa duha ka area: "hukmanan sa government (barangay ug korte) ug hukmanan sa atubangan sa mga tawo nga dili magtutuo" example ani mga silingan, mga tabian, mga paryente nga dili membro sa simbahan ug uban pang area nga dili magtutuo.
Kinahanglan ninyong masabtan kini nga ang gihisgotan ni Pablo mao kini: kung ang isyu sulod sa simbahan then angay nga ang simbahan mao maghusay ug dili lang isyu sulod sa simbahan hasta ang inyong isyu sa imong isigkamagtutuo. Samtang kung ang isyu para sa barangay, then adto sa barangay; wala ta did-e nga moadto ka sa barangay aron mahimo ug legal nga action. Kung ang isyu dili sulod sa simbahan ug dili sa imong isigkamagtutuo.
Busa, kung adunay panagbangi sulod sa simbahan, unsay himoon? Moadto sa hukmanan sa mga dili magtutuo ug didto ipahusay? O adto sulod sa simbahan?
Karon ang concern ni Pablo dinhi dili lang ang panagbangi kundili ang action nga ilang gihimo sa ilang panagbangin. Ug unsay ilang action? Nagpahusay hinoon sa maghuhukom nga dili magtutuo.
Kabalo mo, usahay ang nagpahatag ug pagkadako sa problema dili ang problema mismo kundili ang action nga atong gihimo sa maong problema.
2 Wala ba kamo masayod nga ang balaang katawhan sa Dios maoy maghukom sa kalibotan? Ug kon kamo maoy maghukom sa kalibotan, dili ba kamo makahusay sa mga ginagmayng panagsumpaki?
3 Wala ba kamo masayod nga kitay maghukom sa mga anghel? Unsa pa kaha sa mga butang niining kinabuhia?
4 Kon mahitabo ang mga butang nga sama niana, inyo ba kining ipahusay sa mga tawo nga dili sakop sa simbahan?
Busa unsay insaktong himoon? Imbis nga ipahusay kini sa dili magtutuo, kinahanglan ipahusay kini sulod sa iglesia. Unsay rason?
Tungod kita mismo (kita nga simbahan) mao maghukom sa kalibutan (sa mga makasasala). Naghisgot si Pablo niini sa pagbalik unya ni Hesus,; kita nga simbahan uban sa paghukom ni Kristo sa dili magtutuo. Busa kung kita maoy mohukom unya sa dili magtutuo pag-abot ni Hesus then sayup nga pamalandongon nga didto na hinoon sila magpahusay sa gubot sa simbahan.
Ako nagtuo nga mas maalamon pa ang hukom sa walay kinaadman nga tawo nga matinud-anon nga naglakaw ug puno sa Balaang Espiritu kaysa sa intelihenting tawo nga walay Ginoo.
Busa ang maayong himoon sa dihang adunay panagbangi sulod sa simbahan dili ipahusay sa dili magtutuo nga hukmanan kundili adto dal-on sulod sa simbahan.
5 Angay kamong maulaw! Ngano, wala bay maalamon kaninyo nga makahusay sa inyong gikasungian?
6 Apan nagkinihaay hinuon kamo ug nagpahusay sa maghuhukom nga dili magtutuo!
