Lesson 24
Unsa bay gihisgotan sa kapitulo 9?
Dinhi atong makat-onan ang mga katungod sa mga apostoles sa ilang pagpangalagad sa Dios, o most likely ang katungod sa mga ministers sa maayong balita. Dinhi atong matubag kung naa bay katungod ang mga pastor nga mogamit sa offering sa simbahan o ang pinakapangutana para asa ang offering sa simbahan.
Karon, bisan tuod nga naghisgot si Pablo sa ilang katungod isip ministers, apan naa gihapon kini kalabotan sa nilabay nga kapitolo: sa kapitolo 8 diin naghisgot sa maong katungod sa pagkaon sa mga pagkaon nga gihalad sa mga dios2x.
1 Dili ba ako usa man ka tawo nga may kagawasan? Dili ba ako usa ka apostol? Wala ko ba makita si Jesus nga atong Ginoo? Ug dili ba kamo bunga man sa akong pag-alagad sa Ginoo?
Sa verse 1 palang daan, kabalo na kita kung unsay gitumbok ni Pablo dinhi: ang kagawasan. Karon kinahanglan ninyong ibutang sa inyong hunahuna nga aduna gihapoy koneksyon ang gihisgotan ni Pablo sa kapitulo 8 sa iyang gihisgotan karon sa kapitulo 9. Sa kapitulo 8 naghisgot siya sa kagawasan sa pagkaon sa mga gihalad sa mga dios2x, apan kining maong kagawasan wala niya gamita aron makasakit siya sa ubang mga magtutuo: bisan naay siya katungod nga mo kaon apan wala niya gamita kini alang sa iyang gugma sa isig-kamagtutuo.
Karon, nigamit si Pablo ug pananglita aron masmasabtan sa taga Corinto ang magpalabi sa dili pagkaon pinaagi sa pag-lay down sa iyg katungod— gigamit niya nga pangalitan ang iyang katungod isip usa ka minister sa pulong sa Ginoo apan wala kini niya gamita nga maong katungod.
Bantayi ni, sa verse 1, si Pablo niingon "dili ba siya apostoles?". Kung tubagon ni mga higala, "si Pablo ba apotoles?"- ang tubag? Oo! Actually naay pay duha ka pangutana dinhi? "Wala ko ba makita si Jesus nga atong Ginoo?"— wala ba makakita si Pablo kang Hesus? Ang tubag? Oo, didto sa dalan sa Damascus diin siya naluwas ug personal nga naka-enconter sa Dios. Ikatulo, "dili ba kamo bunga man sa akong pag-alagad sa Ginoo"— bunga ba sila sa pag-alagad ni Pablo sa Ginoo? Ang tubag? Oo! Ngano man? Tungod kay si Pablo mismo ang gigamit sa Ginoo ug naghago sa taga Corinto aron maka-ila sila sa Dios. Busa tungod sa pagpangalagad ni Pablo, ang taga Corinto maoy nahimo niyang bunga.
2 Bisan tuod kon alang sa uban dili ako apostol, nakasiguro ako nga kamo nag-ila kanako nga apostol kay kamo mao man ang pruyba nga ako apostol sa Ginoo.
Ngano mang nahimong pruyba ni Pablo ang taga-Corinto nga siya usa ka apostoles? Tungod kay natuman niya ang katungdanan sa usa ka apotoles: Si Pablo gitawag aron mosangyaw sa mga hentil— kung walay mituo niya, then failure siya sa iyang buluhaton. Ang pulong "apostoles" gikan sa pulong "apostolos" nga ang buot pasabot "pinadala". Gipasabot ni Pablo dinhi ang iyang tawag nga mao karon iyang buluhaton.
3 Kon sawayon ako sa mga tawo, tubagon ko sila:
Karon, nihatag ug argumento si Pablo sa mga tawo nga nagquestion sa pagka-apostol ni Pablo
Siya misulti:
4 Wala ba gud akoy katungod sa pagkaon ug pag-inom?
5 Wala ba akoy katungod sa pagdalag asawa nga Cristohanon sa akong mga panaw sama sa gihimo sa ubang mga apostoles ug sa mga igsoon sa Ginoo ug ni Pedro?
6 O si Bernabe ra ba ug ako ang kinahanglang magtrabaho alang sa among panginabuhi?
Again, kini mao nga nagpasunod nga pangutana usa ni ka rethorical question— buot pasabot, pangutana nga nagdala ug obvious nga tubag.
