Lesson 23
Chapter 8: Naghisgot kini sa pangutana kung pwede bang makaon ang gihalad sa mga dios2x? O sa atong conteksto: pwede bang mokaon sa mga pagkaon nga gihalad sa mga santos? Sama sa fiesta?
1a Karon hisgotan ko ang mahitungod sa pagkaon nga gihalad ngadto sa mga diosdios.
Sa Corinto nga higala rampant kaayo ang paghalad sa mga diosdios. Ilabina nga sila usa ka trade city diin daghan ang mga klasing klasi nga mga tawo ang moadto kanila aron magnigosyo. Ug tungod ani, daghan usab nga pagtulon-an sama sa nga dios2x ang ilang na adapt.
1b Tinuod ang giingon nga kitang tanan may kahibalo. Hinuon ang maong kahibalo naghimo sa tawo nga mapahitas-on apan ang gugma nagpalig-on.
Tinuod ni nga usahay ang kahibalo sa tawo maoy iyang depinsa sa iyang garbo! — pila ba karon nga away tungod sa gamay nilang nahibal-an. Ang kahibalo mga higala dili ra ni nagpasabot nga nakaskwela ka, kundili kanang imong gamayng nahibal-an nakapahimo nimong garboso.
Apan dili ingon ani ang gugma— ang paghigugma nagpalig-on. Tungod kay naa kay gugma, imbis nga mahimo kang garboso sa imong nahibal-an, imong gipalabi nga dili siya masakitan tungod sa imong gugma. Ug tungod ani, imbis nga magkasingkil mo, mas malig-on pa ang inyong relasyon.
Apan unsay hinungdan ngano mang nakasulti si Pablo ani? Unsay kalabotan ani sa pagkaon nga gihalad sa mga dios2x?
v2
2 Ang tawo nga naghunahuna nga may kahibalo siya, sa pagkatinuod, wala mahibalo sa angay niyang mahibaloan.
3 Apan ang tawong nahigugma sa Dios nailhan niya.
Diri gihisotan ang duha ka punto: ang kahibalo ug gugma
4 Busa mahitungod sa pagkaon sa kalan-on nga gihalad ngadto sa mga diosdios, nahibalo kita nga ang diosdios dili tinuod. Nasayod kita nga usa lamang ang Dios.
5 Bisan tuod kon dunay ginganlag mga “dios” nga atua sa langit o ania ba hinuon sa yuta ug bisag daghan kining maong mga “dios” ug mga “ginoo”,
6 apan alang kanato may usa lamang ka Dios. Kini mao ang Amahan nga nagbuhat sa tanang butang ug nagkinabuhi kita alang kaniya. May usa lamang ka Ginoo, si Jesu-Cristo, nga pinaagi kaniya gibuhat ang tanang butang ug nagkinabuhi kita pinaagi kaniya.
Karon, unsay kalabotan sa maong kahibalo sa pagkaon sa halad sa mga diosdios?
Mao kini ang punto:
Ang kahibalo— nga dili tinuod ang dios2x. Ikaduha, adunay usa lamang ka Dios, ug may usa ka Ginoo nga mao si Hesus. Bantayi niyo mga higala: si Hesus dili ang Amahan nga Dios, usa ra ang Amahan samtang, usa ra lamang ang Ginoo, si Hesus! Ug si Hesus dili mao ang Amahan.
Karon, ato sang e define ang pulong dios2x. Unsa ba ning dios2x?
Ang pulong "dios2x" o sa english "idols" nga buot pasabot "imahe", pwede usab nga "dili tinuod nga dios". Busa ang dios2x mao ang larawan sa dili tinuod nga dios.
Karon, ingon si Pablo: kabalo ta nga ang dios2x dili tinuod (v4b). Nakabalo ta nga usa ray Dios. Ug tungod kay ang dios2x ginama lamang sa kahoy, bato, metal o larawan, dili gayud sila kadunggog, sama sa gisulti sa Salmo 115:4-7
"Ang ilang mga dios-dios mao ang salapi ug bulawan Binuhat sa mga kamot sa mga tawo. Sila adunay baba, apan sila dili makasulti; Sila adunay mga mata, apan sila dili makakita; Adunay mga igdulungog sila, apan sila dili makadungog; Sila adunay mga ilong, apan sila dili makapanimaho; Sila adunay mga kamot, apan sila dili makahikap; Sila adunay mga tiil, apan sila dili makalakaw; Ni makasulti sila pinaagi sa ilang totonlan"
Usa kabinuang mga higala sa pagsimba o ang paghalad sa usa ka larawan nga dili kadunggog ug dili ka kita— ang imong gihimo useless. Ang rason nga dili ta mosimba sa mga larawan kay "walay epekto", bisan unsaon nimu ug halad, walay epekto mga higala, ngano? Tungod kay usa ray Dios!
Karon, bisan pa ug gihalad ning mga pagkaona ngadto sa mga diosdios, wala kini epekto sa nagkaon. Sama ra kini sa usa ka manika nga imong gibutang ang pagkaon tapad niya. Busa walay epekto kanimo ang pagkaon bisan pa kini ilang gihalad sa dios2x, ngano gani! Tungod kay dili tinuod ang dios2x. Mao ni simply nga kamatuoran.
Busa sa pangutana: pastor pwede bang mo kaon sa gihalad sa mga dios2x?
Ang tubag, oo!
Unsay rason?
Kay dili tinuod ang dios2x, walay epekto!— mao ni ang kahibalo.
Apan, v7
7 Apan ang maong kamatuoran wala hisayri sa tanan. Ang uban naanad na gayod sa mga diosdios nga hangtod karon naghunahuna gihapon nga kanang pagkaon iya sa diosdios. Huyang ang ilang konsensya ug bation nila nga mahugaw sila inigkaon nila niini.
Apan dili ang tanan nakabalo sa maong kamatuoran, unsa gani nga kamatuoran? Nga usa ray Dios, ug ang mga diosdios walay epekto. Pero ang uban naa gihapon sa panghunahuna nga kanang gihalad sa dios2x makapahugaw sa ilang lawas— daw naay epekto kanila ang pagkaon sa mga gihalad sa dios2x.
Sa Corinto mga higala, adunay mixed culture. Naay mga hentil nga nahimong kristohanon nga naanad ug kaon bisan unsa, samtang naay mga hudiyo nga nahimo usab nga kristohanon nga wala naanad ug kaon bisan unsa, apil na ani ang pagkaon sa gihalad sa mga dios2x.
8 Hinuon, ang pagkaon dili makapaduol kanato ngadto sa Dios. Dili makadaot ang dili pagkaon niini o makaayo ang pagkaon niini.
Sa uban nga translation "But food does not bring us near to God; we are no worse if we do not eat, and no better if we do"— walay kalabotan sa atong pakigrelasyon sa Diyos ang pagkaon sa halad sa mga dios2x, gani dili makadaot sa imong lawas o makaayo imong lawas! Ngano? Kay dili sila tinuod, walay epekto kini alang nato!
9 Apan pagmatngon kamo nga ang inyong kagawasan sa pagbuhat dili mahimong kapandulan niadtong huyang sa pagtuo.
10 Kay kon ang huyang ug konsensya makakita nga ikaw nga may “kahibalo” (referring sa tawo) nagkaon didto sa templo sa diosdios, dili ba siya madasig sa pagkaon sa mga kalan-on nga gihalad ngadto sa mga diosdios?
11 Busa kining maong tawo nga huyang ug pagtuo madaot tungod sa imong “kahibalo”. Apan hinumdomi nga siya imong igsoon ug gipakamatyan ni Cristo!
12 Sa imong pagbuhat niini nakasala ikaw kang Cristo pinaagi sa imong pagpakasala batok sa imong mga igsoon ug pagsamad sa ilang huyang nga konsensya.
Naay duha ka tawo nga gihisgotan ni Pablo dinhi: "ang huyang ug konsensya" ug "ang naay kahibalo"
Kinsa ning huyang ug konsensya?
Kadtong nagtuo nga ang pagkaon sa gihalad sa mga dios2x naay apekto sa lawas.
Samtang kinsa kadtong mga tawo nga naay kahibalo?
Kadtong tawo nga nakabalo sa kamatuoran: nga ang dios2x dili tinuod ug walay epekto sa tawo ang pagkaon sa hinalad sa dios2x.
Pero alang sa mga naay kahibalo, dili nato gamiton ang mao kagawasan aron nga makapapandol ngadto sa uban tungod lamang sa imong nahibaloan— mas palabihon nato ang gugma kaysa sa atong kahibalo, kay ang gugma nagpalig-on apan ang kahibalo nakapahimong mapahitas-on.
Naa tay kagawasan sa pagkaon bisan unsa, apan dili nato kini gamiton aron makaangin ta nga makasala na ang atong igsoon.
Busa unsay himoon?
13 Busa kon ang pagkaon makaangin sa pagpakasala sa akong igsoon, dili na gayod ako mokaon ug karne aron dili ako mahimong hinungdan nga makasala ang akong
Kung ang pagkaon maoy hinungdan nga ang atong igsoon makasala hinoon, masmaayo nga dili nalang kita mokaon bisan tuod nakabalo kita nga wala kini epekto: tungod kay nahigugma man kita sa atong igsoon maspalabihon nga dili ko mokaon kaysa sa makasala siya tungod sa gikaon.
