Lesson 12
Sa kapitulo 4 nagsugod ang mga "correction" ni Pablo sa simbahan sa Corinto: so therefore mag expect ta ug bug-at nga mga pulong aron sila matudloan. Niining kapitulohan, nag adresar si Pablo sa isyu sa ilang pag-kaapostol tungod kay naay pipila ka mga datu sa simbahan sa Corinto nga nagduda sa motibo nilang Pablo— (basin pangkwarta ang tuyo ani nila). Ug kung atong basahon ang tibuok kapitulo, seems nga ang nagpadagan aning mga sturyaha kasagaran mga datu nga membro sa simbahan. So therefore giaddress ni Pablo kining mao nga isyu niining bahina.
1 Isipa kami nga mga sulugoon ni Cristo nga gitugyanan sa mga tinagong kamatuoran sa Dios.
2 Ug kinahanglan nga ang usa ka tinugyanan kasaligan sa iyang agalon.
Unsay tumong ni Pablo dinhi nganong mao ni ang introduksyon ni Pablo sa kapitulo 4? Unsay punto ni Pablo dinhi?
Sila mga sulugoon ni Cristo (v1); ug tungod kay sulugoon man sila ni Kristo gitugyanan sila sa tinagong kamatuoran; ug kay tinugyanan man sila sa tinagong kamatuoran dapat sila kasaligan sa ilang agalon (Ang Dios nga nagtugyan sa kamatuoran).
Importante ni mga higala, tungod kay ang usa sa importanting kinaiya sa usa ka sulugoon ni Cristo kinahanglan kasaligan. Kung dili kasaligan ang imong gisulti wala gayuy motuo nimu!
Kahinumdom ko ni Mike Enriquez sa dihang buhi pa siya, kanunay niyang isulti (mao pud ni ang tag line sa GMA news affair) "walang kasinungalingan, walang ginikilingan, dapat serbisyong tutuo lamang". Sa paghatud ug balita dapat dili baitang marites! Kabalo mo unsay balitang marites? Balita nga walay basihan basta kay nadungog niya sa iyang silingan. Mao kalagmitan sa mga news reporter moadto gayud sa crime scene, asa ang bagyo, asa ang giyera, mag-interview sa tawo kung kinsa ang misulti para ang inpormasyon nga ilang i balita sila gayoy nakakita, nakadungog, nahipak o nakabaho! Kung ang imong news agency (halimbawa ang GMA) maghatud ug balita nga dili tinuod, mo epekto na sa ilang kridibilidad isip usa ka news agency. Sa paghatag sa balita kinahanglan unsay nahitabo maoy imong ibalita. Kung ganahan kaayo anang moa nga politiko unya nakahimo siya ug sayup, ibalita! Kay importante ang pagsulti ug tinood.
Ug mao ni ang gipunto ni Pablo nga isip usa ka sulugoon sa Dios, gitugyanan sila sa tinagong mga butang sa Dios ug tungod kay kitugyanan man sila sa Dios sila kasaligan.
3 Wala ako mabalaka nga hukman ako ninyo o sa bisan unsang tawhanong hukmanan kay wala man gani ako maghukom sa akong kaugalingon.
4 Tin-aw kaayo ang akong konsensya apan wala kini magpasabot nga wala gayod akoy sala. Ang Ginoo ray maghukom kanako.
Kabalo si Pablo nga adunay mga tawo sa Corinto nga naghukom sa iyang kridibilidad isip usa ka apostol sa Dios apan limpyo iyang konsensya— meaning nga ang iyang intensyon sa pagpangalagad sa Ginoo putli ug dili alang sa kwarta. Sa pagsulti nia Pablo "nga limpyo iyang konsensya" nagpasabot siya sa iyang limpyo nga intensyon sa pagpangalagad sa Dios ug dili kay wala siyay sala! Lahi to.
Kumpiyansa si Pablo nga putli ang iyang intensyon sa pagpangalagad tungod naay maghuhukom!
Kinsa ni?
Ang Dios!
Kanus-a ni?
5 Busa ayaw kamo paghukom kang bisan kinsa sa dili pa moabot ang hustong higayon. Ang kataposang paghukom unya na himoa sa pag-abot sa Ginoo kay ipadayag niya ang mga daotang tinagoan ug ibutyag ang gililong nga mga tinguha sa kasingkasing sa tawo. Niadtong adlawa modawat ang tagsatagsa sa pagdayeg nga angay kaniya gikan sa Dios.
