Lesson 28
1 Busa sunda ninyo ako sama nga gisunod ko si Cristo.
Ako nagtuo nga ang verse 1 sa kapitulo 11 sumpay gihapon sa sa nilabay nga kapitulo.
Unsa kabahin?
Si Pablo naghisgot sa tumong nganong iyang gisalikway ang pagkaon nga hinalad sa mga dios2x.
Unsay iyang tumong?
Aron maluwas niya ang mga tanang tawo— hentil man o judiyo. Gihimo kini Pablo dili alang sa iyang kaugalingon kundili alang sa uban; wala ra niya gihunahuna ang kaon kundili ang kaluwasan sa uban. Unta ato kining sundon nga paning-ingnan
—
Karon, sa verse 2 diri nagsugod ang lahi nga section sa lahi na pud nga topiko nga gihisgotan ni Pablo.
Unsa bay atong makat-onan dinhi sa chapter 11?
1. Ang cultural background niining panahona (ilabina sa Eastern background). Diin importante kini sa dihang magtuon ka sa Chapter 11.
2. Unsay gisulti sa bibliya mahitungod sa buhok?
3. Atong makat-onan dinhi sa lalom pa nga pagsabot kung unsa ang communion (o sa gitawag sa uban ug "katapusang panihapon")
2 Gidayeg ko kamo kay kanunay man kamong nahinumdom kanako ug inyo mang gituman ang mga pagtulon-an nga akong gitudlo kaninyo.
Luyo sa isyu nga nadawat ni Pablo sa Corinto, adunay mga maayong butang nga iyang nadunggan nganha kanila
Apan verse 3,
3 Apan buot ko nga masayod kamo nga si Cristo maoy ulo sa tanang tawo, ang bana maoy ulo sa iyang asawa ug ang Dios maoy ulo ni Cristo.
Sa dili pa mosulod si Pablo sa iyang pagtudlo kanila, gihisgotan usa ni Pablo dinhi ang "command responsibility" o "chain of command". Unsa ni?
Si Cristo maoy ulo sa tanang tawo samtang ang bana maoy ulo sa asawa. Ug ang Dios Amahan maoy ulo ni Cristo. Karon ang pulong "ulo" dinhi mga higala naghisgot kini sa "authoridad" diha sa "chain of command"— wala ni naghisgot nga maslabaw sa kahimtang, dili! Simply nga naghisgot kini sa "chain of command".
Dili ko motuo nga ang bibliya naghisgot ug "discriminasyon" tali sa babaye ug lalaki— buot pasabot nga maslabaw ang lalaki sa kaysa sa babaye.
Unsay akong rason?
Tungod kay kon naay labaw, mas labaw diay ug kahimtang ang Dios Amahan kaysa sa Anak. Si Pablo simply nga naghisgot sa "chain of command" ug dili kay naay pinalabi.
Siguro mangutana mo; then ngano mang naay bersikolo nga nagsulti "asawa, submitar kamo sa iyong mga bana?". Well kabalo ba usab mo nga aduna usab bersikolo nga naghisgot nga "mga bana higugmaa inyong mga asawa"
Tinuod nga sa panahon ni Abraham hangtud sa panahon ni Hesus adunay mas taas nga paglantaw sa katilingban ang mga lalaki kaysa sa mga babaye. Gani kaniadto mas daku ug bahin ang kamagulangan kaysa sa kamanghuran. Apan giputol kini ni Hesus sa dihang nanudlo na siya:
"Walay Judio ni Gresyanhon, walay ulipon ni gawas, walay lalaki ni babaye; kay kamong tanan usa ra diha kang Cristo Jesus" Galacia 3:28
Wala nay pinalabi ang Dios: Judiyo man o Hentil, babaye man o lalaki, sulugoon man o agalon— patas ang pagtan-aw sa Dios kanato; walay pinalabi.
Apan kung maghisgot na ug "chain of command" aduna gayuy flow chart. Ug kini maoy gihisgotan sa Pablo dinhi. Sama sa Department of Education (Deped) adunay flow chart. Nag una dinhi ang: DepEd Secretary (kinsa atong DepEd Secretary? Ans: Sara Duterte), ubos niya naay Secretary (Usec), Assistant Sec (Asec), dayon under ani, Regional Secretary, Division Superintendent, District Supervisor, Principal, Teacher In Charge, ug Teacher.
