Lesson 25
Usa ka bag-o na pud nga tuig, ang 2023 milabay na ug ang 2024 miabot na. Sa matag bag-ong tuig nga motugha, usa ka butang nga kanunay nakung ma "appreciate"— nga ang Ginoo maayo kaayo kanunay ug siya lamang ang nagpabilin nga dili mabag-o! Siya ra ang walay new years resolutions. Matud pa sa usa ka sinultian "one thing is constant in this life, changes". Tinuod ni! Pero dili ni aplikado sa atong Dios — January| 7| 2024
—
Sa chapter 10 naghisgot gihapon kini sa atong katungod sa pagkaon, specifically sa pagkaon nga gihalad sa dios2x. Busa gikan sa chapter 8, 9, 10 kining tanan naghisgot sa "pagkaon" apan adunay mga specific nga punto.
Sa chapter 8— naghisgot sa kahibalo ug gugma. Nasayud ta nga ang dios2x walay gahum, dili tinuod. Busa ang pagkaon sa gihalad sa mga dios2x gikatugotan apan maslabing maayo ang dili pagkaon sa mga hinalad sa mga dios2x kung aduna kay igsoon nga dili mokaon sa mga pagkaon nga gihalad sa mga dios.
Sa chapter 9— naghisgot sa katungod sa pagkaon. Buot pasabot nga naa tay katungod sa pagkaon sa nga gihalad sa mga dios2x apan tungod sa atong paghigugma sa atong isigkamagtutuo nga huyang sa pagtuo (nga para nila ang pagkaon sa mga pagkaon nga hinalad sa dios2x, makahugaw). Busa bisan tuod adunay katungod sa pagkaon niini, apan maayo nga atong isalikway (dili gamiton) kini nga katungod alang sa atong mga kaigsoonan nga huyang sa maong pagtuo. Ngano man, tungod kay "kaon" lang kini dili angay nga dakuon. Ug kinsa iyang gigamit nga pananglitan? Ang katungod ni Pablo isip usa ka apostoles. Bisan aduna siyay mga katungod isip usa ka apstoles apa wala kini niya gamita nga katungod.
Chapter 10— naghisgot na karon paglikay sa "practices" o "ang pamaagi sa pagsaulog sa paghalad sa mga diosdios"— ang gipunto ni Pablo dili ang "pagkaon" kundili ang "pamaagi sa ilang pagsaulog". Atong nahibal-an nga walay sayup sa pagkaon sa mga pagkaon nga gihalad sa mga dios2x apan ang sayup mao ang mga pamaagi sa ilang pagsaulog sa ilang mga dios2x.
Karon, parte sa atong pagtuon ani mao nga, mobalik ta sa Exodus, kay kadtong nahitabo nila kaniadto adunay signipikante karon isip usa ka magtutuo.
1 Mga igsoon, buot kong hinumdoman ninyo ang atong mga katigulangan nga gipanalipdan sa panganod ug milatas sa Dagat nga Pula.
Unsa dapat nilang hinumduman? Unsa ninnga event?
Sa didto ang mga Israelita sa kamingawan, ug sa panahon nga sila mitabok sa Dagat nga Pula (Exodo 13:17–22, 14:1-31). Busa importante nga aduna tay background sa nahitabo sa Israel sa panahon ni Moses samtang didto sila sa kamingawan aron nga makasabot kita sa nahitabo dinhi.
2 Pinaagi sa panganod ug sa dagat gibunyagan silang tanan ingon nga mga sumusunod ni Moises.
3 Nagkaon silag pagkaon nga espirituhanon
4 ug nanginom sa tubig nga espirituhanon kay nanginom man sila gikan sa espirituhanong bato nga mikuyog kanila ug kadtong batoha mao si Cristo.
Karon, kining mga milagroha nasinatian sa mga Israelita sa dihang naa sila sa kamingawan. Unsa ning mga butang nga na experience sa mga Israelita?
1. Panganod ug sa dagat v2 —ang panganod naghisgot sa panahon sa adlawan nga maoy motabon nila sa dihang mobiyahi sila sa buntag (actually aduna poy kalayo nga daw haligi nga mo iwag nila panahon sa kagabhion) (Exodo 13:20-22) (Exodo 14)
2. Pagkaon v3— naghisgot ni sa mana (Exodo 16:34)
3. Tubig v4— naghisgot sa bato diin nag-iinom ang mga Israelita (Exodo 17:1-7)
Bantayi ninyo, kining ilang katingalahan apan physical experiences girelate isip usa ka experience sa spirituhanong bahin sa mga magtutuo. Ang panganod ug dagat nagsymbol sa bautismo, ang pagkaon diha sa espirituhanong bahin. Mao usab ang tubig— diha sa espirituhanong bahin.
