[ JUST SAY THAT U'RE IN LOVE ]
فمكان آخر ...
واقفة فالكوزينة بملامحها الذابلين كاتسناا لحظة موتها ... ملي غايرجع للدار ويشوهها قدام واليديه ويزيد يقتلها كتر ملي يرجعها لدار باها ... خدات تنهيدة طويلة من وسط صدرها كاتشوف فديك القهوة كاتعصر فوق البوطة ... قادرة تسمع قهقهات عائلتو لي جايين من الصالة .... فرحانين بولدهم الوقت لي هو مافرحانش ... وجدات القهوة وحطاتها فبلاطو عاد خرجات متوجهة عندهم للبيت بخطوات ثقيلة ... هزات عينيها كاتشوف فعكوزتها مَديحة كاتشوف فيها بنظرات مبهمة .... دغيا تحول بؤبؤ عينيها ل لوستها سلمى ... جالسة بدورها بمياعة وكاضحك مع بنت خالتها معاطياش اهتمام لمرت خوها ... حطات القهوة فوق الطبلة حتى سمعات هضرة وقفات كل قطرة ددم كاتجري فيها ...
مديحة : ( كاتشوف فالطبعة الحمراء لي فعنقها ونطقات بمكر ) هههه ولدي تهلااااا فييييك قووولياااا .... ( تيما هبطات راسها للأرض )
سلمى : ( ضارت كاتشوف فبنت خالتها ) ... هاهي مرت خووياا أفدوى ...
فدوى : ( طلعاتها وهبطاتها ) هههههههه حلفي والله مايسحابني هي ... شفتها لابسة حوايجك قلت غاتكون غااا شي صاحبتك .... ( وجهات نظرات مستفزة لتيما ) ... فين ازيين صافااا .. كي صبحتي !!! مبرووك عليك ولد خاالتي راه كان خاطبني قبل مننك ...
مديحة : ( تنهدات وبدات تكب القهوة فالكيسان ) ... ايواا المكاااتيب ابنتي .. البارح فرحنا ليك ليوم فرحنا لغيرك ...
سلمى : هههههه حتى دابا الشرع عطااا 4 ...
فدوى : ( بتاسمات بحب ) .. اجي مووسى ايمتا غايجي نيت كااع كاحضرت لعرسو لبارح كانو عندي امتحانات ....
وسط هاد الهضرة السامة انا فين كنت ! انا كنت مرفووعة الفووق ... ماضراتنيش هضرتهم ولا شوفاتهم ولا ضحكتهم الصفراا فوجهي .. يمكن نستاهل !! حسيت بالدنياا ضارت بياا ألف مرة حتى دخت ... مابقاا عندي جهد لي يزيد يسمع كلمة أخرى وقفت من حداهم بعدما بتاسمت ليهم بالزز مني وقبل مانخرج من الصالة وقفني صوتها المستفز تاني ...
مديحة : ( هازة حاجبها ) فين غادة أجي جلسي مع البنت رااه جات غااا على ودك ...
تيما : ( ضارت عندها ونطقات بتردد ) .. غاداا غير ننن .... ( مالقات ماتقول ) غير للحمام ...
ضارت بسرعة قبل ماتنزل ديك الدمعة لي فعينيها ويشوفوها .. اه غادة للحمام تبكي فيه وتندب ... غاداا تشوف راسها فالمراية وماتعرفوش ... غادة طرش راسها ألف مرة حتى دووخ ... غاداا تعض يديها حتى يطلع معاها ضو ... غادة تعاقب راسها على هاد العيشة وهاد الظروف لي كاتعيش ... توجهات للحمام حتى سمعات ساقطة دالباب كاتحل ... حدرات راسها باش لي دخل مايشوفش دموعها وتكمشات جنب الحيط مكملة طريقها للحمام ... تسد الباب وتجرات من دراعها بشدة يد حافضة ديالمن ...
موسى : ( هز ليها راسها بيدو ) ... ياك لاباس !!!
تيما : ( نطقات باستسلام كاتنخصص ودموعها كايجريو من عينيها ) ... عاافاك ساالي عليااا هادشي ... بغيتي تقولهااا لمالين دارك مغاتلقااش وقت بحال هدااا ماحدهم مجموعين .. قولييهم غاترجعني لدارناا وقووليهم انااا مااشي بنت ....
موسى : ( كايطلعها ويهبطها ساخط وزاد سخط بديك البيجامة المعيقة لي لابسة ) ... علاش لابسة حوايج سلمى ؟؟
تيما : ( شفايفها كايترعدو بالبكاا ) علاش ؟؟ مانستاهلش نلبسهم ياك ؟؟ حيت ختك غاليا عليا ؟؟
موسى : ( كارز على سنانو ) كانهضر مع طااسيلتك جاوبيني على قد هضرتي ... علااااش ... لابساا ... من حوايجهااا ؟؟؟
تيما : باليزتي بقات عندك فطوموبيل وملي خرجتي ديتيها معاك ... مالقيت مانلبس عطاتني هادشي ..
عيط على ختو بصوت مرتافع وبنفس النبرة لي فيها غضب وااضح الشيء لي خلاها تحضر طايرة قدامو ... مد ليها الكونطاكط داللوطو وهي مستغربة فوجه فاطيمزهرا لي رجع حمر بالبكاا وعينيها منفوخين ...
موسى : جيبي ليها باليزتها من الكوفر ...
سلمى : ( هازة حاجب ) هاااء ماالهاا كاتبكي ؟؟؟
موسى : ( ساط ريح سخون من نيفو ) أنااا لي بكيتها ..... دابا غاتحركي ولا نشركك نتي وياها !!!!
تيما : ( كاتشوف فسلمى حتى اختافات على انظارها ونطقات بعيون مدمعة ) ... ممم مووسى واش مغاتقوليهم واالو ؟؟
موسى : مسحي عليا دوك الدمووع ... باقي غانبكيك ديااال بالصح ولكن ماشي دابا ... تانكونو الراس فالراس .... ( نساحب يسلم على مو وهي بقات واقفة كاتشوف فظهرو )
تيما : ( بصوت خافت ) قوووودتهاااا
أنت تقرأ
NOTA _ نـوطـا
Lãng mạnقصة كيف العادة قصيرة ديال تخشاو فبلاصتكم وتقراوها ... ديال تخليو الميساجات معلقين ... حيت ملي غاتساليوها غاتبغيو شي حد تهضرو معاه ... غاتبغيو تسمعوو شي مزيكااا قبل ماتنعسوو ... غاتوحشووو صوت ديزي ... غاتخدمو نووطااا ... وغاتسمعوو نووطاا بعدما تعيشو...
