[ JUST SAY THAT U'RE IN LOVE ]
دازو دقائق تحولو لساعات وهي كاتسناه يرجع ... معارفاش بالضبط علاش ولكن وجودو معاها فنفس الدار كايحسسها بالأمان ... طاح الليل وبعدما تعشاو كلشي دخل لبيتو ينعس ... حتى هي بدورها دخلات لبيت موسى بكثرة الملل بقات مدة كاتقلب فحوايجو وتشم بارفاناتو ... واخا عايش بعيد على والديه إلا أن هاد البيت كاتبقا هي أكثر بلاصة دوز فيها صغرو ... مراهقتو ... شبابو ... على الأقل عرفات موسى كايموت على ريال مدريد وعلى الويداد كواايري من صغرو ... معلومة ماعندهاش باش غاتفيدها ولكن ممكن فاش يتطلقو تشوف شي ماتش دالوداد وتفكروو ... بتاسمات بضيق وخرجات للبالكون تستنشق نسيم الليل ....
سمعات صوت الباب تحل الشيء لي خلاها ضور لمصدر الصوت ... كان هو نفسو لابس شورط أسود مع تيشورت لاسق فنفس اللون ... حيد الكاسكيط لايحها بعشوائية وسط الظلام وهز راسو فيها ... جالسة فالبالكون محاوطة راسها بيديها على البرد ... ملامحها ذبلو ... ملي تلاقاها عمرو شاف ضحكتها كيفاش دايرة ... بحالا تعلمات كلشي إلا الإبتسامة ... خرج عندها بنفس الخطوات الرزينة كايطلع ويهبط فطلتها ... باقا بنفس الحوايج مابدلاتهمش ... باقا كاتسناه ايمتا يدخل ...
موسى : ( بتاسم بجنب فمو كايشوف فيها مهبطة عينيها ) .. كاتسنايني !!!
تيما : ( بنفي ) .. لا ... غير ... مجانيش النعاس .....
موسى : ههه حاولتي تنعسي بعدا !!!
تيما : ( بدلات ليه الهضرة متوترة من شدة قربو ليها ) ... تعطلتوو !!
موسى : ( حيد يديه من الحديدة لي وراها وحيد ليها الفيليل لي شادة بيه شعرها مخليه يطير مع الهوى عاد جاوب ) ... البنت ساكنة فالمحمدية ... وصلتها وتلاقيت شي عشران عندي تما ... درنا قهيوة عاد جيت ....
تيما : ( سولاتو بنبرة منهزمة فنفس الموضوع لي جارحها ) .. موسى واش غاتقولها لوالديك ؟؟؟
موسى : ( هز ليها راسها بصبعو مصغر فيها عينيه ) ... باغي غاا نفهم واش نتي مزوجاا بوالدياا ولا بيااا أنااا ؟؟
تيما : ( كاتشوف فعينيه العسليين كايلمعو ) بيك .....
موسى : إيواا صاافي سدينا ... مشكل بيناتناا ... غايتحل بيناتنااا .... ( تنهد وهز راسو للسماا عاد رجع شاف فيها ) ... أنااا معصصصب منك فاش كانت عندك 13 لعام ... فاش خليتي دااك الكللب يحط عليك يديه وماديكلاريتيش ل باك ... هااديييك البرهوووشة لي مجهلاني نشدهااا ناكلها حية ... مامعصبش منك نتي ديال 20 عام ... غيير هووو ابنت النااس قوليها لياا ... علميني ماتستحمرينيش بديك الهضرة ديال خااايفة ....
تيما : بالصح كنت خاايفة ( قاطعها )
موسى : هو ماخفتيش منو ؟؟؟
تيما : لا لا ... زعمااا ... اناا دابا بعقلي ...
موسى : ماباغيش نبني عائلة مع بنت كاتخاف ... ولا نبنيها على الكذوب ... هو فالصراحة أنا عمري كنت هكاا ولكن فاش كاتزوج عقليتك كاتشونجا بلا ماتحس ... موسى قبل مايتزوج بيك راه كان عاطيها غير للخدمة والكورة والبنات والقصارات الخاوية ... باقي صاحبي لدابا كايسيفط لياا نديرو كليسة حيت جاب نووع لي كايعجبني ... ( تفكرات الميساج لي شافت فالعرس ) .. حيت هكاا كنت .. تا اناا كنت كانضحك على بنات الناس ... تا انا كنت كانتحكم فيهم بلوكي دراري ... دخلي بكري للدار ... لبسي الطويل ههه وكان كايعجبهم الحال .. واخا مكنتش مسووق معامن كايهضرو ولا معامن خارجين ... لي كان كايهمني هو راسي ... ماتبيدقني تا وحدة ... وماضحك علياا تا وحدة واخا انا فالأصل غير مجبد بيهم لاستيك وصاف .... ( حط راسو على كتفها ساد عينيه ومكمل هضرتو ) ... فاش شديت عقد الزواج بين يدي عااد ولات شي بنت فحياتي كاتهمني ... عاد ولا كايبان ليا موسى الزوفري برهوش ... قنعت ... شبعت من اللعب الخاوي ... عليها فاش لقيتك البارح ماشي بنت ماكنتش عارف واش نتي لي غالطة ولا انا لي ضارت عندي السمطة ورجعو لياا فعايلي القدام ... خالد شفت فيه راسي ... ملي شنقت عليه ووكلتو قتلو دالكلاااب بحالا كنت كانضرب راسي على فعايلي ... ( خشا راسو فعنقها كايشم ريحتهاا ) ... أنا وياك ... كانستاهلو بعضياتناا ...
سالو دموعها غير هو هاد المرة كانو دموع الراحة ... حمل ثقيل تحيد عليها خلاها اخيرا تاخد نفس مقاد ... حاوطات خصرو بيديها معنقاه بقوة بحالا خايفاه يهرب ... موسى ماشي مثالي كيفماا كان كايبان ليها ولكن واقعي ... صريح ... هو أكثر واحد خافت منو وف ثانية وحدة رجع هو أكثر واحد باغا تكون معاه ...
تيما : كون طحت فشي واحد اخر كنت غانكون دابااا مييييتة ....
موسى : ( بعد عليها كايرمقها بتهديد ) ههههههه وايلي !!! ايلا غير الموووت غادوقيها حتى معايا ... ( جرها لداخل البيت )
أنت تقرأ
NOTA _ نـوطـا
Romanceقصة كيف العادة قصيرة ديال تخشاو فبلاصتكم وتقراوها ... ديال تخليو الميساجات معلقين ... حيت ملي غاتساليوها غاتبغيو شي حد تهضرو معاه ... غاتبغيو تسمعوو شي مزيكااا قبل ماتنعسوو ... غاتوحشووو صوت ديزي ... غاتخدمو نووطااا ... وغاتسمعوو نووطاا بعدما تعيشو...
