NOTA _ نـوطـا

البارت 5 :

[ JUST SAY THAT U'RE IN LOVE ]

خرج من لوطيل وركب اللوطو لي مباركيها فراس الشارع ... ديمارا طاير مخلي عجاجة ورااه وصوت الفرامل كان كايعبر على السخط لي جامع فقلبو ... دقائق وصلو ميساج من صاحبو لي ضبر ليه فعنوان خالد بسهولة وشوية دالمعارف قدر يوصل ليه ..... بعد ساعة من الطريق وصل للحي وكبح فرامل سيارتو قدام العنوان لي تعطا ليه .... رتاجل بعدما لتخ الباب داللوطو بعنف مخلية أي واحد دايز من حداه ينتابه لغضبو المُعدي ...

حط يديه مطاكي بيها الكادر ديال الباب واليد الأخرى كايحك بيها ذقنو ومزير على عينيه ...ماحس براسو حتى هز قبضتو تال السما ونزل بيها على الباب كايخبط فيه بوحشية خلات لي كايطل من السرجم يتخبا وراا الريدو ولي حال شي باب يسدو .... فجأة تحل الباب لي كايخبط .. للحظة تمنى موسى كون غير ماات قبل مايقتلو على يديه ... كون غير نتاحر قبل مايرزيه فشبابو ... بمجرد ما تحل الباب وطل شاب ثلاثيني براسو يشوف شكون ... جاتو لكمة وسط وجهو رجعاتو للوراء ...

خالد : ( شد نيفو لي كايسيل بالد م ) ... وااااش مرييييض نتااا ولا مااالك !!!!!

موسى : ( نزل القرفصاء جارو من شعرو تا غوت ) ... مرريييض ؟؟؟ وعلاااش ليي ماااايمرضش لي قستي ليييه مرتوووو اممممم ؟؟؟؟

خالد : ااااش شش كاات كااتتخربق أخوووياااا ... فين كانعرف مممرتتك باش نقيسها ؟؟؟

موسى : ( ضحك بسخرية ) .. ههه كاتعرف غاا تنشر قلا ويك على بنت 13 لعااام !!!!! ( زدح ليه راسو مع الحيط ) ... شنووو داباا نقطعهوووم لزااا مل بووووك هااااا !!!!

خالد : ( عينيه دمعو من الحكرة والضرب ) اخووووياااا لاييستتتررر علييك راااه تغالطت لييييك بالله ماكانعرف مرتتتك ...

موسى : ( جرو من شعرو مقربو ليه ونطق بحقد ) عرفتي ليوم باش خليتيني نحس اولد القحبة ؟؟؟؟؟ خليتينييي نحس براااسي مااشي راااجل ... مشموووت ... شااامتني زاا مل فحااالك !!!! خليتيني نحس ب باها لي كايخللللصك كل شهر باش تقري ليه بنتو ونتاااا ... اش كاادييير ؟؟؟؟ كاتشد الفلوس باش تحو يها ليه ؟؟؟؟ واااش عااارف داااك الأب بلي عطااا ضهرو للشمش باش يضبر ليك على فلوس الشهر !!!!! واش عاارف شحاال بقااا بالجوووع باش يكككمشها ليك فيديك اوللللد القححححبة !!!!! ( زدح ليه وجهو مرة أخرى مع الحيط بقوة حتى تعوج نيفو ) ... خليتيني نحس ب مهاااا لي كاتعمر ليك براد دأتاااي وتحط ليك كاسكروط باش نتااا ... تدخل ترزيها فبنتهااا !!!!! ( نزلات دمعة حارة على خدو زدحو مع الأرض ووقف ) واااش غاانمشي عليييك للحبس دابا ولااا شنووو .. وااا نطططقق ( زطم عليه برجليه وزاد صربو لكرشو ) ... نطططق نسمع حسك قبل لانسيفطك فين تشواااا ..

رجال الدرب كاع الهضرة دازت على وذنيهم الشيء لي خلاهم يشدو موسى واخا حاول ينتر منهم ... كايشدوه بحالا حابسين ثور هائج شاف راية حمراء ... ثور باغي يدمر أي حاجة حداه قبل مايدمر راسو من بعد ... حس بتصرفيقة فيقاتو من الحالة الهستيرية لي كان فيها .. رفع راسو ولقاه راجل كبير ....

الرجل : ولدي فيييق بارااكااا ... واش هاد البنت مسكينة غاتزيد ترزيها حتى ف راجلها ؟؟؟ لي عليك درتيه وهاد الشماتة ماتوسخش فيه يديك ... ستر مرتك ولا رجعها لدار باها ... فكر مزياان اولدي وقبل ماتكمل معاها ولا تخليها شوف راسك نتا فين غاترتاح ... ماشي فاش غاترتاح هي ... هداا خليه لينا حنا نربيوه غير سير اولدي ( سد ليه صدايف قاميجتو المحلولين ومشا ) ...

موسى حس بميساج وصلو فالتيليفون فتحو لقاها ختو لي مسيفطا ...

سلمى : سلام خوياا صافا ! واش تخاصمتي نتا ومرتك ؟؟ جينا عندكم هاد الصباح لقيناها كاتبكي المهم راه ديناها معانا للدار فاش تسالي واجي ....

موسى : ( نطق مغدد ) ... فااااااااك