👑العُــــــــــــمــــــــــدة👑

البارت 17 💞

👑العمـــــــدة👑
♡..مجنــــون ليلـــى..♡
#17
بكر حط يديه على سلاحو على خصور وقرب بخفة بلا ما يدير الحس ..لحسن حضو لوزير قريب للخشبة فين كتشطح صوفي ...شاف داك الحارس هز سلاحو  وغيتيري فترية ..داك الساع قبل يتيري طلع بخفة فوق الخشبة وجر صوفي لعندو من خصرها  وتكركب هو وياهاا فالارض فنفس الوقت لحاريس تيرا فترية هبطات فراتت..بكر بخفة هز راسو كان مقاد سلاح فيديه ومازاال طايح فالارض وصوفيا تحت منوو وقبل الحريس الثاني يوصل للوزير تيرا فيه وزادو لقرطاسة الثانية تا طاح دايخ فالارض..ولغوات مسموع دناس وروينة وصوت لقرطاس مسمووع ...لقا حداه واحد ااطبلة  بلغواات نطق: دخلي تحت داك الطبلة
صوفي اتموت بلخلعة كتشوف فالترية لي كانت اتجي فوقها غير كترجف وتبكي
رجع غوت:تحركيييييييي
جرها ودخلاها تحتها:بقاااي هناا
كيشوف رجال لحراسة ديال لوزير تلاهاو مع دوك الخونة وخلاو لوزير واقف هو وولدو ومرات ولدو بحدهم ..قرب ليهم قبل يوصل ليهم واحد فيهم وتيرا فيه وشاف فااوزير:اجيو معايا
تبعوه لواحد لكوان ووقفهم تماك
ولد لوزير جبد سلاحو داك ساع غوت عليه باه:رجعووووو  تبت فبلاصتك
ولدو:باغيني نبقة كنتفرج كون جات فينا شي قرطاسة واش انبقاو ديما ساكتيين ولكن انا عارف شغا ندير
وبغا يمشي وهو يرجع يشدو باه:انا لي غنتيري فيك وزدتي خطوة وحدة ..ماشي هكااا كيترد الصرف تهدن اولدي وسمع لباك لي قديم فهدشي
ولدو تنهد معصب كيمسح على راسو
الوزير هز عنيه كيقلب على بكر وسط داك روينة ..حتى بان ليه شابكها كروشيات فواحد خونا  كان بامكانو يزيد خلفة فاش نقد صوفيا وينساحب ولكن نفسو ماطاوعاتوش يهرب كي لولية ويخلي صحابو ...دوك الخونة شي هرب وشي تصاب بالرصاص وشي تشد..داك ساع مشا خرج  صوفيا متحت ااطبلة لي كانت اتموت بالخلعة وكتبكي وترجف غا بوحدها غير خرجات من تحت الطبلة عنقاتو كتبكيي مزيرة علييه :كووونت انمووت اببكر كون ماكنتييش داك الترية كانت اتجي فوقييييي...كونت انموت
تنهد بغة يبعدها وهي تزيد تزير عليه طلع يديه ومسح ليها على شعرها:صافي تهدني ماوقع والو
هي غير كتبكي ولاصقة فيه والصحافة كتصور فكل بلاصة داك الساع قربو كيسولو فيه:تبارك الله عليك عتقتي صوفيا من الموت وفنفس الوقت عتقتي الوزيير وبسبابك تشدو لخوانة ..واخة تقولينا ....
قبل يكمل الصحافي السؤال دفعو مبعد لكاميرا:تحرك اصاحبي شكا تصور ..
وجر صوفي معاه ..جر واحد لا ناب ديال واحد الطبلة وغطاها بيه وهي لاصقة فيه طلع بيها للفوق ودخلها للبيت وهي مازال كتبكي :هنا جاي ها واحد الجوج واقفين برا
وتم غادي تا جراتو كتبكي:لا لاا عفاااااك ماتمشيش خلييك معايااا لا رجعووو وماكنتيش خلييك
تنهد وساط بالجهد:شغا يرجعو وغا تهدنيي هنا راجع
هزات راسها بلا وقبل تدوي قاطعها:قلت هنا راجع
سكتات وهي كتشهق وتم غادي وهي توقفو:غنتسناك
كمل طريقو  خرج هبط لتحت يشوف الاوضاع ..قرب عندو صاحبو لبوليسي ضرب ليه على كتافو:براافو اصاحبيي فكيتي لقضية قبل تقو... اد
بكر:شنو تماك كلشي هو هداك
البوليسي:الشي تشد وشي تضرب والشي هرب ولكن غنوصلو ليهم ...كلشي كيسول عليك شكون  والوزير كيتسناك لهيه بغة يشكرك شخصيا شكون بحالك
بكر:ايمشي يقو...
سكت فاش شافو جاي عندو هو وولدو ومراتو ..

اخر بارت لهاد ليلة متنساوش تفاعلو
مع الرواية فقط لتشجيع😍 وريدااااااتي تنحبكم