👑العُــــــــــــمــــــــــدة👑

البارت 30💞

👑العمـــــــدة👑
♡..مجنــــون ليلـــى..♡
#تتمة 30
دنيا مقلوبة ودخان شيشة سارح فكل بلاصة ولي عندو شي بيضة مسطرها فوق طبلة وكيشم ..وياسين عندو مع هدشي دلواي واي وعندو الصوت نيت ديالهم ..كيعرف يطلع ليهم تبويقة..ويزيد يشعلهم حتى كينوضو يبداو يلوحو عليه لفلوس ويمدو ليه غير باش ينطق سميتهم ويدير فلي ديديكاس ....عيااا وحط لميكرو ومشا يجلس مع صحابو يرتاح لقاههم طالعة ليهم وجونات كديورو من واحد لواحد...جلس حدا حليمة لي ملي بدا وهي تشطح وتغني معاااه ..قربات وباستو على خدو:هدي على هاد سوارية زوينة حمقتينيي
تبسم كيشوف فيها عنيها حومر عررفها تاهي مبوقة :راك هي هديك
هزات راسها باه كضحك:فوق السلك الحووب
وحلات ساكها جابدة صاشية ديالها فيها البيضة
ياسين:ايييه احلوومة طلعتي تانتي من صحاب البيضة
ضحكات مجهد كضرب ليه على صدرو:يخليلي حلوووووومة البوكوص ههههههه
وخوات واحد الطبسيل كان تماك فيه القطعة ..وهزات بريكة سخنات الطبسيل ملتحت مزياان وكبات فيه شوية من الغبرة تدفا شوية وسطراتهاا مزيااان ولات على خط واحد..وجبدات خمسين درهم لواتها مزيااااان باش تشم بيهاا وتحنات مرجعة شعرها للور وشمات داك السطر كامل فدقة وحدة وهزات راسها كتستنشق داكشي لي شمااات ودموع نازلي من عنيها بكترة ما طلعات ليها لدماااغ نيشاان ..عاد حلات عنيها لحومر جمرة وشافت فياسين :بغيت شي ديسك زوين احوبي ياسين ..بغيتك طلعهاا لياااا تا نفقد دلمو هاد الشعوور بغيتك طيرنيييييييييي أحوبيي ياسين طيرنيي...بغيييت نطييير
بقة كيضحك:يتووب عليك احلوومة هي لولة
ودار اشارة لواحد من الدراري يجيب ليه لميكرو لفين جالس وحلومة شادة ليه فيديه
شدو بين يديه ونطق فالمكيرو قبل يبدا يغني  :لبيضة سكنتلها فالدم
ديدجي عرف الاغنية وداك ساع خدم الموسيقى ديالها...ولكليااان تسمع صوتهم بالجهد باغين الاغنية عاجبااهم..بدا يغنييي وحليمة كتشطح بشعرهاا وتغني معاااه

يا لبيضة سكنتلها فالدم..تشوف الطبسي وتكدم.رشقتلها منين تكون معايا.على بالي نحبوها غااية  ....
يا تعجبني عمري منين اتسطر..يا البنية تكعود تهضر..كي تطرش تولي حنينة..تعنكني تبغيني غير اناا...
يانا وعمري نجيبو ميزان...يانضربو حتى صباح يبان
حلومة صافي وصلات للحقيقة ناضت وبدات تشطح حداه ولكارو فيديها ومرة مرة تقرب وتخطف ليه بوسة على خدو وترمي عليه فلفلووس....حتى سلاه الاغنية ورجعات جلسات حداه شادة ليه فيديه وكتشوف فيه بعنيها لمعسلين وحومر:واش انا كان معايا هاد لبوكوص كامل بالحومة وما درتش معاه الحل
ياسين تبسم :شمن حل احلوومة
حليمة قربات ال لوجهو قريب بشفايفو:لي فراسي وراسك
بعد وجهو :وا حلوومة ديري عقلك
وهز كوكا كيشرب منها وقلب وجهو كيهضر مع دراري صحابو دالحومة كلهم جوانات فيديهم
حلومة تكات ليه على كتفو وخطفات واحد جوان يلاه تبرم من عند واحد خ نا نترات منو وساطت دخان فعنق ياسين تا شاف فيها وهو مبتاسم داك ضحيكة لخيفة لي كتدوب لقلوب :مالك احلومة
حلومة :حلومة كطير احوبي حلومة ماغاتفاكش معاك اليوم
ضحك وهو كيخربق لبهل شعرها..مدات ليه جوان:هاك عيش لحياة

👑العمـــــــدة👑
♡..مجنــــون ليلـــى..♡
#31

ضحك وهو كيخربق ليها شعرها..مدات ليه جوان:هاك عيش لحياة
ياسين خشاا تيو دشيشة ففمو ونتر نترة طويلة وساط الدخان على وجها:غير شيشة مرة مرة جوانات اوهوو
هزات راسها بلا وهي كتبعد ليه شيشة وتقرب ليه جوان:جرب احووبي وشوف واحد  الحياة مق.... ااودة تعجبك.. الشيشة كدير شقيقة وجوان كيقاد.دماغ
صحابو بداو شي كيشوف فشي ويتغمزو مع بعضهم تانطق واحد فيهم:وصاحبيي تلاتة دنتيرات ماداو ماجابو خلينا ندوزو هاد سوارية زوينة ..حلوومة مال هدا
حلومة كتبوسو على خدو فاقدة الشعور:عييش هاد الشعور لي كنحسو بيه ماغاتندمش احبييي
صاحبو التاني:كااع هادا خوف ولا كيفاش كنعرفوك زعييم..وراه ماشي من للمرة لولة غتبلاا ازب.. ي راك غير اتنشط
بداو صحابو كاملين كيزعمووه وحلومة كتعاونهم حتى خدا منها جوان
مهدي صاحبو الوحيد لي ماعجبوش لحال قرب ليه:ياسين نت ماشي دهدشي حيد هدشي من يديك
ياسين:مالي غنتبلا خليني نطلع المورال نشوف هدشي كيف داير لمرة  وحدة
ودار جوان ففمو ونتر نترة طويلة وساطهااا حس بالخنقة شوية ولكن تنشواا علييه ...زاد نترة تانية وتالتة ..وحلومة كتزيد تزعمو تا كمل هو وياها جوان
صحابو كيصفقو:ايااااه هكاك اياسيين دابة وليتي روييجل هههههههه
ياسين صافي طلعات ليه تبويقة ومع مامولفش دغيا لعبات عليه وقلبها ضحك ونشااط وحلومة لاصقة فيه كضحك
ياسين جر معاه حلومة:اجيي احوبي اجيي
حلومة:هناا العمر
وقف وخدا الميكرو وبدا يغنييي وهي كتشطح حداه ويديه على خصرهاا ناشط ومنشط معاه لكليان وكيشطح تاهو .ماهواش هنااا وصحابو عاد زادت رشقات ليهم فاش كما داك الجوان شحال وهوما باغينها لييه ....
دازت سوارية وسلا الدور ديالو كان متكي على الحيط وحلومة متكية على صدرو كتخبش فيه بجوج مبوقين ..وحداه مول قهوة دشيشة كيمد ليه فلوسو وخلاصو ديال هاد سوارية وقسم معاه داك فلوس لغرامة ماكاياخدهاش كلهاا
ياسين بصوت تقيل كيخشي لفلوس فالجيب :مشينااا احلومة
حلومة:مشيناا ابوكوصييي
وخرجو من داك القهوة كيتمشاو ويتمايلو بالسيف باش شدو تاكسي هو مبوق ودماغو عامر وهي كتر منو وعاطينها غير للضحك ...ركبو فتاكسي نيشان للحومة وبالضبط حدا باب دار حليمة ..
ياسين:نزلي وبصحتك سوارية ههههه
حلومة:نزل نزل معايا طلع ترتاح
ياسين:لا خليني نمشي
جراتو من يديه ونزلو بجوج:بهاد الحالة طلع رتاح شوية وسير
جراتو وطلعاتو للفوق لعندها