👑العُــــــــــــمــــــــــدة👑

البارت 18💞

👑العمـــــــدة👑
♡..مجنــــون ليلـــى..♡
#18
سكت فاش شافو جاي عندو هو وولدو ومراتو ..تقاد فالوقفة خاشي يديه فجيابو تا وقف عليه وهو مبتاسم ودوة:مابغيتش نمشي بلا مانشكرك نت عتقتيني انا وعائلتي من الموت وهدشي كبير عندي
بكر بهدوء :هدا واجب
الوزير:لا كان يمكن لك تنقد صوفي وتزيد بلا ما تفكر فيا وهدشي من حقك هديك خدمتك ولكن نقدتيني تانا وهدا ايبقة دين عليا
بكر مسح على راسو ماعندوش مع هاد ستون يبقة شي واحد يشكر فيه :شمن دين درت داكشي لي شفتو خاصو يدار
الوزير :طلب لي بغيتي يتنفد دابة
شاف فيه بكر بمعنى من نيتك:ما عندي مانطلب سير رتاح نت وعائلتك حتى تقاد بلان هاد الليلة حيت بان ليا مازال ماغايتفاكو معاكم وصفي حساباتك
صاحبو لبوليسي كيمسح على راسو كيشوفو كيف كيدوي مع الوزير بحال شي صاحبو
لوزير بتاسم عرفو من النوع لي بنفسو:خاص نمشي دابة مازل انتشاوفو ونتفاهمو عندنا ما يتقال
بكر:ان شاء الله
ولد لوزير لي واقف هو  مراتو لي شابكة يديها فيديه..وكيشوف فبكر شوفات ماتماش
بكر شاف فيها لقاه مخنزر قوص حواجبو بهدوء وعاد نتابه لهاديك لي حداه عنيها اياكلوه لي فهم انه مرات ولد لوزير ولكن لاش كتشوف فيه هو هاد الشوفات ..رجع اللور خلاهم يدوزو وداك خيتي مازال كتشوف فيه حتى عطاتو بالضهر ورجعات ضارت وشافت فيه ...حتى خرجو
تنهد:شهاد النسا يا مولانا
تفكر هاديك لي لفوق طلع عندها ..باينة هاد الليلة طويلة

على برة
قبل يركبو شدها من دراعها وزير تا توجعات:كون كليتيه بعنيك حسن
نطقات:بدينا عوتاني ..السيد عتقنا من الموت سي نورمال نشوف فيه ونعرف شكون عتقنا
تبسم باستهزاء:راك مراتي وكنعرفك مزيان وكنعرف  شوفات لمق..حبنين من الشوفات العاديين  وماغاتراحي حتى نجيد لك عينيك
عضات على سنانها:لي سمعك يقول ديما جامع عينيك ونت خبارك عندي عاد لبارح مدوز الليلة مع داك العارضة وكتقو لي اجتماع حياتك غادة غا مع الق..... حاب
تبسم معلي حاجبو باستهزاء يلاه ايدوي وهو يقاطعو لوزير:ماغغتركبوش
ركبو داك الساع اللور والوزير لقدام حدا الشيفور وتابعينهم طموبيلات ااحراسة وطموبيلات لبوليس
تنهد :الوليد كنتي شوية واتبوس ليه يديه وهو كيجاوب معفر السيد تيق راسو..وهو غا حارس دالامن
لوزير تبسم فاش تفكر بكر:هداك راه خاص نشكروه حياتنا كاملة كون دابة راه كييجمعو دمنا من الارض
ماحملوش :ولكن ماشي لدرجة تبدا تشكر فيه بداك الطريقة زير الوليد شوية مع بنادم
الوزير:عارف معامن خاص نزير ومعامن خاص نرطب
وسكت وهو كيتفكرو كيف حتى شوية دلخوف ماشافهومش فعنيه زعيم وماكايخافش وذكي وبنفسو ..وماطماعش

👑العمـــــــدة👑
♡..مجنــــون ليلـــى..♡
#التتمة

العمدة
خارج هو وياها من باب لوطيل لوراني على حساب الصحافة لي مزال مستفين فباب لوطيل

حل باب طموبيل ليها ركبات عاد مشا ركب هو ديمارا داك الساع
مرجعة راسها اللور وكتشوف فيه بعنيها كيف كيسوك بيد وليد لوخرا مخرجها من الشرجم وكيشوف فالطريق بهدوء من غير عنيه لحادين لي لا شافو فيك يا اما يدوبوك يا اما يحرقوك ..تنهدات بصوت مرتافع و نطقات:شكرا بزاف ابكر نقدتي حياتي
نطق بلا مايشوف فيها:هديك خدمتي
ورجع للصمت ديالو ما خلا ليها ماتزيد تقول تا وصلو للفلة ديالها قد السخط دخلو مع لباب الرئيسي تا وصلو لباب الدار نزل حل ليها باب الطموبيل نزلات وشافت فيه:دخل مرحبا بيك
شاف فيها :ما جايش ضيف جايباني الخدمة يصبح لحال ونزيد بحالي
صوفي:دابة مالك معايا
تنهد ماحاملش يدوز هاد.الليلة هنا :ديري واحد الحاجة فبالك هادي اتكون اخر مهمة عندي معاك يحساب ليك ماعارفش نتي لي عيطتي للشاف
بلعات ريقها  كتفكر فاش عيطات للشاف قبيلة كتبكي وتقولو انها مازال خايفة يرجعو ليها وخاص بكر يدوز معاها الليلة تا تهدا الاوضااع وانها غتزيد فلخلاص
صوفي دوزات يديها على شعرها :حيت بصاح مازال خايفة راه شفت الموت بين عنيا وعارفاك ما اتبغيش
بكر ماجاوبهاش غير بشوفاتو خلاها تبلع ريقها وتزيد قدامو  تحل لباب تبعها ودخلو للداخل تشعلو داك الساع ضواو ..دور عنيه على الفلة شي حاجة فوق زوينة وباينة كلشي غالي ..
صوفي :لبيوتة لفوق
طرطق عنقو يمين وشمال كيشوف فالصالة:خليني غا هنا
صوفي:ولكن
قاطعها:طلعي تنعسي
هزات راسها باه خايفة تزيد كلمة يمشي..شافتو مشا للصالة جلس فوق الفطوي وهز التيليكوموند وخدم التلفزة ورجع راسو للور
طلعات للفوق لبيتها كتغزز فشفايفها وتفكر مايمكنش بايت معاها فنفس الدار وماتستاغلهااش ولكن صعيييب شغا دير ...مسحات على شعرها ونطقات:غير بشوية اصوفييي
خرجات من بيتها ومشات لواحد البيت ودخلات كان خاص بالشراب بجميع انواعو حلات قرعة هبطات عليها شربات نصها تقريبا ورجعاتها لبلاصتها..عاد حلات واحد.لبلاكار وجدات شيشة وهزات قوامها وخرجات من لبيت وهبطات لعندو لقاتو جالس على حالو حطاتها قداموو :هادي تونسك عارفة عزيزة عليك
ماقالش لا بالعكس كان عينو فيها ومحتاج ليها نيت ..مد يديه يقادها
سبقاتو:غير خليك نتكلف انا
قدات المعسل فبلاصتو وجميرة ودارت تيوو شيشة فمها وهي حانية عليها وبدات الطلع فيها وتسوط الدخان لابسة عباية مفتوحة من جيهة الصدر كلوو بااين مع الحنية وعنيها فعنيه ودخان خارج من فمها..وهو مرجع راسو اللور وكيشوف فيهاا بهدوء...تا طلعات شيشة وقربات مداتها ليه:هاهي
خداها منها وقبل يدير تيو ففموو حيد واحد لبشونة كتكون فالراس و مسح بيديه عاد دارو ففمو بجمود  خلاها غير كتشوف بلعات ريقها زعمة مابغاش شفايفو يتحطو فلبلاصة فين كانت حاطة شفايفها وطلعات لفوق كتحاول تهضم داك القمعة دخلات للبيت وعمرات كاااس دلويسكي تبرد بييه:تهدنييييي ماتعصبيييش مازال ما يدار مايمكنش يفلت مني هاد الليلة
بقاات كتفكر فتالي دخلات للحمام دوشات بما باارد وخرجات حلات لبلاكار بانو قدامها كاع كسيواتهااا داارقص دوزات يديها وسطهم وخدات وحدة حمرة خفيفة وكلها مشبكة وكتبري بيااسة وحدة وفيها سنيسلة من لفوق تا لتحت فلقدام ...كتلبس فوق الدوبياس وهي لبساتها على اللحم وخلات شعرها مطلوق فازك خبلاتو شوية بيديها وضرباتها بتعكيرة حمرة ورشات عليها لعطر وشافت فلمراية:هنا انشوف دابة واش اتقاومنيي
هبطات مع الدروج بلحفة وصوت لخلخال مسموع كتشوفو كيشيش بهدوء حيد جيليي بقة بتيشيرط لكحل مطراسي عليه صدرو عريض عضلاتو باينين وتحسينة وكلشييي كيجدبها فيه..تا وصلات لحداه طفات التلفازة وخدمااات اغنية شرقية (يابنت السلطان )بلحن تقيل ..وبدات كتمتيل بجسمها قدامو وكتشطح بطريقة مغرية اول مرة ادير مجهوود.فحركاتها باش تعجب وتغري شي حد كتشطح وعنيها فعنيه وعاضة على شفايفها ...بكر ساط الدخان من فمو بالعرض البطيئ وميل راسو زاد ترخة على الفوطوي كيشووف فيها ويطلعها ويهبطها منغم على داك الشيشة وفهاد العرض الاغرائي لي قدامو
#يتبع_ارائكن سيد ترخااا🙂