👑العُــــــــــــمــــــــــدة👑

البارت 33💞

👑العمـــــــدة👑
♡..مجنــــون ليلـــى..♡
#34
طاحت الضلمة  كانت مازال جالسة هي وياسين حدا الكوميسارية ماعارفينش اش يديرو وكيتسناو فلبوليسي لي عيط ليه البَّات بكر وفنفس الوقت صاحب بكر...حاطة راسها على كتاف ياسين عياو بزاف وهو مرجع راسو اللور وحاضين لي غادي ولي جاي وكل شوية كتوقف فاركونيط وينزلو منها جوج ولا تلاتة ديال سكايرية ولا شفارة ولا لي مطايفين وزيد وزيد ..علام اخور عاود فالكميسارية.... ليلى:ياسين
ياسين:نعام
ليلى:واش انا سباب عاود فهدشي لي واقع  ياسين:شكون قالك نتي سباب 
ليلى:باينة هو ضرب داك الشيفور ومشا عندها لدار  علم الله اش دار فيها على قبلي ادن بسبابي ..اووف مال راسو قاااصح ديما كيدخل راسو فاامشاكل على ودي ويخليني واحلة ماعارفاش اش ندير
ياسين:دابة عمرك تقبلي بيه راجلك وتزوجي بيه وتولي تبغيه كيف كيبغيك
ليلى:وشكون قالك ماكانبغيهش اياسين بالعكس بكر كنبغييييه بزااف راني تربيت على يدو وهو لي سماني وعلمني بزاف دلحوايج ولي بغيتها كيديرها وكيخاف عليا وجايب النفس عليا ولكن كنبغيييه ماشي بنفس طريقتو ماشي كرجل لاا كنبغيه بحالك نت غا هو زايد عليك حيت هو فيه البا لي تحرمت منو ولحنان الاب لقيتو فيه ..مانقدش نتخايلو راجلي ولا حبيبي اتجيني ناقصة بحال شي اخت اتبغي خوها ماعرفتش كيف انفهمها ليكم ولكن كتجيني علاقتي معاه من غير الاخوة حرااام
  ياسين:ايوا شغا نقولك الله يدير شي تويل دلخير
ووقفو بجوج فاش شافو لبوليسي نزل من طموبيل وجاي فاتجاههم ياسين:وافين اصاحبي هادشي ديالك
  البوليسي:انا عندي الليل ماكانش عندي كيفاش نجي للكوميسارية باانهار يلاه لحقت نجيي ياسين:شتي اش وقع
اابوليسي:ويااه هضر معايا الوليد.ديالكم وعيطت للدراري فالكوميسارية عرفت التفاصيل حاولت نتدخل ولكن داك ختنا حاطة لفلووس وكتعرف شي حد من لبولييس كبييير ماعرفناهش شكون هو لي داير لينا لعصى فالرويضة اما كون دورناها فلوس تا حنا وخرج فساعتوو
ياسين مغزف عليها:بنت القح... بة هادييييك...وا بغات لي يحو..يها انا نحو..يها غا يخرج من الحبس اما لا عولات على بكر يحو..يها بقااات تمااااك البوليسي وليلى فعز اعصابهم وماكان فيهم لي يضحك ...ضحكهم بكلاموو والمشكلة كيدوي من نيتو:هههههههه
ليلى:لعاار اياسين  عاود تفراني فهضرتك ياسين:وااا الاعصااب اختي ليلى اوااه عند بالي غير دراري لي كتشدهم الكبتة وساعة هاد خيتي قالت لينا ماكاتعرفوش
لبوليسي مسح ليه على شعرو:تهدن اصاحبي ..دابة سمعوني ماعندكم ماديرو هنا اتهز ختك وتمشيو
ليلى:ولكن راه خاصو لعشاا وما يلبس راه قبيلة جا غير بشورط..وزيد بالسيف باش دخلو ليه الماكلة
البوليسي:كونو هانين انا اندخل عندو دابة وانجيب ليه لعشا ومايلبس ونشوفو شنو ناوي يدير حيت عارف بكر دماااغ وغيلقا الحل وانا معاه فاي لعبة
يياسين:الله يحفضك غدا نرجعو ونشوفو اش كاين
البوليسي هز راسو باه:ان شاء الله ..راه محطة ااتكسيات لا مالقيتوش رجعو عندي نوصلكم ياسين:الا اصاحبي التاكسيات موجودين  ومشا هو وليلى رجعو للدار كلشي كان على اعصابو وليلة داز طويلة على كلشيييي تا واحد مانعس ولي نعس كيفيق على الكوابيس