👑العُــــــــــــمــــــــــدة👑

البارت 12💞

👑العمـــــــدة👑
♡..مجنــــون ليلـــى..♡
#12

سمعهم كيعيطو ليها ساط بالجهد ورجع قبل يدخل للبيت ونزل مع الدروج تابعها خرج لبرة هكاك بصدرو العاري والشورط مامسوقش شافها غادة بخطوات مزروبة تمشى بشوية بكل هدوء وضار مع واحد الدورة كاينة تماك ختاصر الطريق
هي دورات وجها وتنهدات براحة فاش مالقاتوش تابعها نطقات وهي كتشوف راسها قربات لراس الدرب:مازال مابغة يفهم اني كندير غا لي فراسي
حتى كتشهق فاش خرج فوجها من واحد دريب كاين تماك حطات يديها على قلبها ماعرفاتش كيف دار وصل ليها
بكر قاطع عليها طريق وعنيه فعنيها:عرفتي شنو اليلى المشكلة اني عارف راسك شحال قاصح ولكن نتي ماعارفاش هاد الراس شحال قصح من راسك
عضات على شفايفها:بكر خليني نمشي نقضي شغالي بلا صداع الله يخليك
شدها من دراعها وضغط عليها وهو جارها معاه:غبرت هاد الشهورة نسيتي سيسطيم ولكن ماشي مشكل هاني رجعت
ووقف وشاف فيها :وغنقادو زامل بوه هاد سيسطيم من جديد
وكمل الطريق وهو جارها معاه وكيدوي:لخروج بلا خباري ممنوع تعتبي باب الدار هكا بهاد الحالة بوحدك ممنوع ديري شي حاجة من راسك ممنوع تزطمي على كلامي ولا شي حاجة قلتها ممنوع
ووقف تاني :فهمتي
قبل تجاوبو جاوب هو:لا مافهمتيش ماشي مشكل مع التطبيق اتفهمي
علات راسها كتشوف فشراجم كلشي كيتفرج فيهم مع كيدوي بصوت مرتافع وعاد لي غادي ولي جاي كيتفرج ومالين لحوانت ديال الدرب جاب ليهم الله فاش يتفرجو
رجعات شافت فيه صدرو عاري مطراسيي كيلفت الانتباه ولابس غا الشرط خفيف وعاد داك التغوبيشة لي على وجهو مامسوقش تنترات منو:بككر حبس شوهتينييي كلشي كيتفرج فيناا واش انبقاو ديما هكاااا رجعنا عوتاني لفضايحنا قدام الناااس
مسح على راسو هو كيشوف انه فعلا كلشي كيتفرج فيهم وهو مامسوقش وفين عمرو تسوق اصلا بعد عليها شوية وهو مخنزر كتر وكتر وعاض على سنانو ودوة بصوت مرتافع باينة فيه ساخط:عزيييز على عدوو ربكم لي يصبح كيسب فيييكم ويهلل علييكم على صباااح ..وااا لي عندو شيي قلوة يديها فيهااا
لي كان فشراجم دخل ولي كان كيشوف فيهم نزل عنيه ولي كان واقف كيتفرج كمل طريقووو

فواحد الشرجم دخلات كتجري كانت كنزة:ماما بكر محيح عاود
حنان كضرب يد مع يد عارفة انه صافي غيرجعو ليامهم عاود:اريلي جلابتي نهبط نشوف هدشي
حورية:وماما بلا مادخلي هاهوما ايطلعو غنزيدو غا نجعروه لا هبطتي ماشي اول مرة ايديرو هاد الحالة
حنان:صافي سكتو قبل يسمع باكم هدشي راه يلاه شرب دواه

لتحت
كتشوف كيف كلشي دخل سووق راسو بمجرد ما سمعهم نويطات من نويطاتو هدشي شوية من بزاف
بكر :زيدي قدامي
تنترات منو:ماتقيصنيش كنعرف الطريق
على كلامهم سمعو صوتها المايع :اهلا الحومة نورات على السلامة
دورو وجهم بجوج ليها مع كانو واقفين حدا بابها كانت لابسة غا سوميج دونوي حمرة لايحة فوقها بينوارها باهمال مامغطي تا لعبة كيف العادة صدرها سابقها والمسكة ففمها كتلوة :عاش من شافك العمدة توحشناك وتوحشنا الهيبة ديالك فالحومة
وقربات ليه غتاكلو بعنيها كتسارا بيهم على صدرو لمطراسي لعاري وعضلاتو لباينين وكملات دايبة :كون عرفت ديما نصبح عليك بحال هكا تلقاني انا لولا فايقة بكري كنتسنى
وختماتها بابتسامة دلعاهرات لباطرونات وكملات كتدوي غا هي مادة ليه يديها:نعاودها على سلامتك
ماعبرهاش ولا عطا اهتمام لكاع لداك لكلام ولا حتى ليديها الممدودة ماعندوش معاها وعمرو كان عندو مع بحال هاد النوع دور وجهو فاش نطقات ليلى وهي حاطة يديها على خصرها ومخنزرة فيها:هدشي لي بغيتي نصبحو على لقحاب
طلعاات ونزلات فليلى وشهقات وهي كتحلون فلكلام :ماشي حشومة عليك ماكانجبدكش بالعيب واصلا داوية مع بكر(نطقات سميتو وهي كتغمزها)
بكر شاف فليلى اتشعل وماعندوش الكانة يبدا يفك عارفها اتقلب مناتفة جرها من دراعها ونطق بحدة خلا حليمة تجمع راسها بداك البينوار راجعة باللور:صبحنا على مولانا
بقات حاضياهم وهو جار ليلى كتنتر منو منضر مولفين فلحومة يشوفوهم هكاا تنهدات من قلبها:الله يعطينا لي يتبعنا بصدرو عريان فدروبة ويجرنا ولي دوة يرعف هااح الله يعطيني زهرك يا ليلى
سمعات سميتها نطقاات بلغوات:هناااا جاية نجيب لكارووو مابقة تا برهوش كيدور
لوات علبها لبينوار وزادت للحانوت غا تماك شرات لباكية وطلعات

#التتمة

دخلو للدار ودفعها تا جات جالسة حدا مو
ليلى مغزفة وكلها كترجف صافي رجعات للزمت والعصى لمن عصى تاني:خالتي شدي ولدك علياا اويليي عوتانييي انرجعو..
قاطعها وهو كيقرب ليها داك الساع تخشات فخالتها مخبية وجهها منو خايفة لا ينزل عليها ونطق وهو كيضرب بيديه فوق الطبلة دلماكلة لي حداه كلهم كيقفزو مع داك ضربة :غنطلع غنلبس عليا ونرجع بربيي يا ليلى ومانلقاكش هنااااا جالسة فبلاصتك حداا مي نورنوها مزياان
بلعات ريقها ولكن لي فيها مامهنيها بغات تدوي وهي تسد ليها فمها خالتها حنان بيديها :صافيي اولدي كون هاني هنا اتبقا والله ماتحرك من بلاصتها اتلقاها جالسة هنا حداية
تقاد فالوقفة ورجع باللور وطلع للبيت
دخلات كتجري:اويلي مالك مع ولد خالتك تاني اش درتي ليه
ليلى زادت شعلات:عوتانيي اتجي منوووو امِّي واش باغة تحمقيني سوليني هو اش دار فيا مشوهني فزنقة قدام الحومة كلشي تفرج فينا
رقية:خليه غايرتاح يلاه جا لبارح خلينا غا نشبعو منو
حنان:رقية صافي براكة بعدي منها بلا ماتزيدي تكبري الموضوع
ليلى:خالتي هدشي مابقاش عاجبني زاد فيه ديرولي معااه شي حل
بغات تنوض وهي تشدها حنان ورجعاتها جلسات فبلاصتها:يهديك الله ابنتي رجعي لبلاصتك وسايسي معاه هاهو ايبدا يغبر فالخدمة وتهناي..سمعي منيي وديري عقلك ابنتي خليك حداياا ماخاصنا صداع سايسي سايسييي
شافت تا عيات وبقات جالسة حدا خالتها بقاو شي كيشوف فشي كيتسناوه
كنزة كتشوف فليلى:الله يعز لحكام والله اخالتي رقية ما كدبتي بكر خويا لي كيعرف ليها كيزمتها ههههههه
ليلى شافت مع جنابها وهزات صندالة وشيرات عليها بيها :زيدي هضريي دابة
كنزة حاطة يديها على راسها:يعطيك موصيبة الخرية مايضحك معاك حد تفووو
شافوه داخل مخنزر ضربو الطم كيشوفو فيه نيشان شاف فليلى لقاها مازال جالسة فبلاصتها:تهزي قدامي
قبل تنوض شاف فكنزة:شنو مازال كديري هنا ما عندك قراية
ناضت طافجة:لا اخويا قارية داخلة مع لحداش
دور عنيه على دار:فين داك خونا
كنزة:انمشي نفيقو دابة تاهو داخل مع لحداش
هز راسوو باه:هنا انشوف هاد لقراية ديالك نتي وياه تا تلقاوني عند المدير وانتفاهمو يحساب ليكم غبرت ماعارفش اش واقع
شاف فليلى وكمل كلامو:انعاود معاكم ترابي من اللول
جبد من جيبو لفلوس وحطهم قدام المو بلا تا كلمة ..وقرب عند رقية خالتو وكمش ليها فيديها مصروفها تاهي بلا تا كلمة
وخرج .
رقية:نووضي تبعيه
ناضت كتسوط وتمتم بسبان وهبطات تابعاه
كنزة:تفوووو هي كتعصبو وحنا مالنا يجمعنا معاها ديمااا هكااا
حنان:سيري فيقي خوك سيري ..
رقية:ياميمتي لحبيبة على ولدي خصرات ليه صباحو اش وقع بعدة
حنان:شغا نعاود لك تانتي كي ديما اجي نشربو اتاي اجي الله يهديهم علينا وخلاص
وجلسو كيشربو فأتاي