👑العُــــــــــــمــــــــــدة👑

البارت34💞

👑العمـــــــدة👑
♡..مجنــــون ليلــى..♡
#التتمة

داز الوقت كان فالبنيقة هو وشي وحدين...جالس فالاراض ومرجع راسو اللور كيفكر فهادشي لي هوفيه....عارف انه ايغراق ..وعارف صوفي شحال حمقة وتقدر تغرقو حباسات...ولكن نفسوو وخاطرو ماطاوعوهش يحدر الراس ويدير داكشي لي بغات ويموت وما يديرهاش...وزيد قلبو لي ساكناه وحدة خرا راه مايمكنش يتزوج من غيرها خصوصا بوحدة بحال صوفي....تفكر الهضرة دالبوليسي صاحبو فاش قال ليه علاش لي مايسايرهاش ويتزوج بيها من بعد يشوف كيف يدير يتفك منهااا.. ساط بالجهد وهو كيمسح على راسو مايمكككنش يديرهااا ويكتب كتابوو عليهااا ويبيع راسو ليها رخيييييص:فاجييهاااا يامولاناااا من عندك
هز راسو فاش سمع سميتو البوليسي:تبعني للمكتب
ناض وهو كاره راسوو..دارو ليه المينوط وداوه للمكتب ... وقف فاش شافها جالسة تاني وكتسناه صوفي:هنا تاني كنتوحشك دغية واخة داكشي كامل لي درتي فيا
تبسم باستهزاء :كتقلبي على موتك
صوفي:نموت على يديك ماعنديش مشكل وغمزاتو :اجي جلس قرب شوية كيشوف فيها نهار على نهار كيزيد يتاكد انها حمقة صوفي:جلس ماجاوبهاش غير كيشوف فيها دوك الشوفات ديالو لي كيحرقوها بلعات ريقها:غدا اتهبط للسجن المحلي وايلا وصلتي لتماك ودع شي حاجة سميتها الحرية
جبدات تاني لوراق:هنا لوراق دزواج وقع وخلينا نساليو هدشي..وها الشيك فيه لفلوس باش دير لباك العملية ..مال راسك قاصح .. قربات لعندو ويديها كيرجفوو :انا ماشي خايبة لهاد اادرجة باش تكرهني وماتبغينيش ... زادت قربات مابقة كيفصل بيناتهم والوو وجها قريب من وجهو:راه هرستيني برفضك لياا ...فلوسي واناا وكل ما كنملك بين يديك أبكر
كيشوف فيها شوفات باردين وهز رجليه وزطم ليها على رجليها تا شهقات من الوجع بقة مورك على رجليهااا كيسحقهااا ومزير مامخليهاش ترجع اللور ميل راسو وزاد قرب ليها وهمس ليها:خلي دلمي نموت فهاد الحبس ..راه لقحا.. ب ويدوزو لياااا اصوفيا ..نتي راه الشوفة فيك كنعيفها تصوري
وزاد ضغط على رجليها وكمل كلامو:فلوسك شري بيهم كرامتك..راه كنزيد نكره دلمك فاش كتجبدي ليا فلوسك
صوفي دموعها نزلوو من كلاموو ومن الوجع لي فرجليهاا:صافيي براااااكة
دفعها برجليه تا طاحت فالارض
ورجع اللور كيشوفها كيف كتبكي شوية بدات كتغوت ربي لي خلقها وتشوف فيه:غندددددمك أبكررر غندمك ...فييييييييينكم راااه ايقتلنييييييييييييييييي فييينكم
دخلو البوليس كيتجاراو لقاوها طايحة فالارض وهي كتبكي وتغوت:بغة يقتلنييييييييييي فقلب الكوميسارية وكيتكرفس علياااا
تبسم باستهزاء كيشوف فحالتها كيف دايرة وهي كتزيد تصعر... وقفوها لبوليس وجا لكوميسير لكبير كيهدن فيهااا قربات ليه وهمسات ليه:بغيتووو يتربى مزيااان بغيتكم تهلاااو فيه مزياااااااان ودوز عندي للدار نتفاهمو...
هز راسو باه:وصلو لانسة صوفيا للطموبيل وشاف فالبوليس شوفات فهموهم...بكر غير شافهم كيقربو ليه فهم اش ايوقع.... قرب البوليسي الاول عطاه بكروشي لكرشو تا طاحح على ركابيه وخرج ليه الدم من فمووو..وقربو لوخرين كملو ما بدا صاحبهممم . طايح على ركابييه ولكروشي كينزل عليه فكل جيهة ودم نازل من فموووو شلال وكيتسمع صوووتو مع كل ضربة...وهي واقفة حدا لباب ومعاها الكوميسيير الدمووع فعنيها وكلها كترجف وجامعة يديها على شكل لكمة وكتهز راسها بلا..لهاد الدراجة هي رخيصة وماتستاهلووش..لهاد الدراجة كيبغي لوخرا وصابر لهادشييي...ما قدراتش تستحمل شوفتوو هكاك وخرجات كتجريييي ركبات فالطموبيل وبدات كتغوووت:رااااااه قلت لك يا ليااا يا لتااا وحددددة ابكر لتاااااا وحدة وديماراات .
بكر صافيي كااع عضامو حس بيهم تهرسووو والدم مغطي وجهو لدرجة حجب عليه الشوفة ...ويديه فيهم المينوط جرحوه فيديه .... البوليس رجعو اللور كيلهتووو بردو فيه كاع الاعصاب والستريس ديال الخدمة بكر طاايح فالارض وفاش شافهم بعدووو دوة بصوت بااااااح مهلوووك وساخط وعياااان:ضربووو يا ولاد لقح.... ااااااب ضربوووووو مالكم حبستووو ضربووووو قرب واحد من البوليس نزل عليه برجليه لجنبوو:سكت يا ولد الق... حبة..... ونوضوه كل واحد منين شادو ورجعوه للبنيقة ولاحووه تمااك من بعد ماحيدولو المينوط..

👑العمـــــــدة👑
♡..مجنــــون ليلــى..♡
#36

قربو ليه المحابسية لوخرين كيشوفو حالتوو كيف دايرة عاونووه يوقف وحطوه فوق واحد لبونجة تماك وهو كيلهت..خداو قرعة دلما وغسلو ليه وجهوو و وعطاوه يشرب بكر ماحاملش راسو تنتر منهم ونطق كيحاول يسترجع قوتووو:صافيييي
ودفعهم ...بعدو عليه مخليينو على راحتوو..وهو تقاد فالجلسة ورجع راسو اللور عاض على سناانوو ..هدشي ماجاهش غرييب حيت .ديما الدنيا غادة معاه عوجة مابغااتش تقاد لييه ..حتى كيقول صافي هانا وقفت على رجلياا وكلشي ايتقاااد وايبدا من جديد وكتولي تخوا بيه رجليه ويتزدح تاني مع الارض زدحة خايبة..كيزيد يتاكد نهار على نهار انه بصااح لفلوس كدير طريق وسط العافية وتخليك الطير بلا جنحييين..وتردك ملك ..وقد ما عندك قدمااا كيكونو المشاكيل بعاد علييك...بفلوسك ماكاتبقة قيمة لا لبوليس لا لغيرهم كتولي نت هو لكل فلكل وكلشي بين يديك....كون كاان لابااس علييه ..كون مازاد تانية فهاد الكوميسارية كون اصلا البوليس ماوصلوش لعندووو ..كون و كوون وكوون ..وكووون ليلى مراتوو دابة ..... غمض عنييه قاصحة علييه ولكن اه كون لقات فيه كااااع داكشي لي هي باغة كون وافقاات علييه..ماشي من ناحية العاطفة والمشاعر والحنان وداكشيي...لاا من ناحية الماديااات تسافر تلبس اخر ماكاين...الفلة الطمووبيل... كون بغاتوو.واخة هو موفر ليها كلشي ولي بغاتها كتحضر ومامفرقش بينها وبين خوتاتو ولكن هي داكشي مامقنعهااش ليلى عينها كبيييرة كتشوف لبعيييد أنانية بزاف مسح على وجهوو قاصحة عليييه ..ولكن الواقييع....وهدشيي كامل لي واقع ليه لحد الان بسبااب لفلوووس ..فاش كتحضر لفلوس كلشي كيولي رخيييص وكلشي كيتباااع حتى من الرجوولة والكرامة كيتباعووو ما حس برااسو تا غووووت خلا كلشي يقفز:تقااااااااادي معاياااااا مال دلمك غادة معايااااااا بالعووجيييييية
ووقف كيضرب يديه مع الحيييط كيكمل على ما بيييه وفكل ضربة يديه كتسيل بالدم وهو ماحاسش ...كيتفكر كيف ضربوووه وكيف باعووه رخييص كيزيد يتعصب ويغووت الشاف ديالو كان كيعتابرو بحال باااه وكيحتارمو ماتوقعهاش منووو ..شحال من مهمة بريفي دارها فابور وماتخلصش فيهااا وشحال وشحال..والمحاميي كانو عشران شحال هدااا وشحال من مرة تعامل معاه جاب ليه لكلياان تاهووو تسيف عليييه وزيد وزييد... هدشييي كامل على ود لفلوووووس على ود ق.. حبة رمات عليهم وسخها كيف لكلاب .... قربو الدراري بغاو يهدنووه حيت يديه كتنزف بزااف وكلو مهلووك دفعهم كيغوت:ماايقييسنييي تا قواا... ااااااااااااد لبوليس كيسمعو لغواات وما علابالهومش ..واخة كتنوض لمطايفا بين لمحابسية كيخلييوهم مافيهم لي يفك عيااا وتهد ورجع جلس كيلهت صافيي مابقاش قاد ..كلشي كيشوف فيه حالتوو كتخلع وشدو تيقارهم عارفين لا قربو ليه يصدق داير فيهم شي فضيحة... بكر غمض عنيه مرجع راسو اللور وشوية بشوية داتو عنيه ونعس ...