👑العُــــــــــــمــــــــــدة👑

البارت 21💞

👑العمـــــــدة👑
♡..مجنــــون ليلـــى..♡
#21
الدرب مقطوع من لتحت وملفوق مقادين داك لخزانة
دلعراسات زعمة قاعة .طبالي ولكراسة وضواوات ولكوشة دلعرسان فين ايجلسو..دقايقية .ديدجي..مول لكاميرا..والمعروضين كلشي حاضر ولقاعة عمرات والموسيقى خدامة...
دخلات هي وحنان وكنزة بقفاطنهم مقادين لحالة خلاو كاع بنات الدرب يتغامزو ووحدة تنغز فلوخرا..ليلى عاجبها راسها وماقاداها دنية ودافعة.كبير ..داك لقفطان ختارتو ملبوص عبيها ومبين فصالتها وعازل داك المؤخرة المهزوزة كتحرك معاها  ..كتبان كتجدب مواتها القفطان.. نطقات :زيدو البنات بلاصتنا لهيه ..ناري اياكلونا بعنيهم
كنزة سابقاهم:لعمى ان شاء الله
حنان:الله يدوز هاد الليلة على خير
جلسو فبلاصتهم..ومع الجلسة ليلى بدات طبل بيديها وتشالي بشعرها لحال مايشاور وهي كتحماق على الزهو والنشاط ..

لفوق..
طرطق عنقو يمين وشمال ونزل من النموسية مخلي ل بيسي على جنب..جبد شيشة ديالو وسخن جميرة وقاد المعسل ..وطلعهاا مزيان وها شيشة واجدة..وخرج للبالكون للجليسة لي عندو تماك حاط لبيسي فوقو وشيشة على جنبو هي وقرعة دكوكاا باردة...وعنيه لتحت فداك الخزانة دلعرس قاطعين بيها الدرب كيشوف فخوتو وهديك لي جالسة وكتشطح فبلاصتها حيت وصاها تبت فبلاصتها لا هي لا خوتاتو دور عنيه على لبلاصة فين جالسين غي لعيالات ولبنات ..رجع راسو اللور مراقبها ودخان شيشة خارج من فموو كيسوطو غا بشوية وعنيه عليها كيف كضحك وتشالي بشعرها وتشطح بكتافها فرحانة تنهد وماحس براسو تا كان مبتاسم ..مسح على راسو بشوية ونطق مقوص حواجبو وهو كيرجع يشوف شكون ضاير بيهم:دوزها على خير امولانا (زعمة هاد الليلة)
ورجع تاني كيخدم فلبيسي وكل مرة يشوف فيهم

لتحت
ليلى كتشوف فلعروسة:ايه شوفي شحال جات غزالة ..الله يعطيني الصحة صرعتها ياكو
كنزة :صراحة جات فنة انا ماعرفتهاش فلول ربي كي درتي خبيتي ليها داك لحبوب ولخباشي ورقيقتي ليها داك النيف قد شواري وكبرتي ليها دوك شنايف لبزطام..والمقودة كي درتي لداك المشطة وهي شعرها كي لحلفة
حورية كتقرصها:ويليييي يا المشوهة سكتييي
كنزة:اااااح بشوية عليااا ..ماسمعنا حد
حورية:سمعاتك ختها الصغيرة
كنزة :ومالي شقلت غا صراحة راه كانت كوفرة شوفي دابة المسخوطة زيانت
حورية:شافت فليلى:لعار ماسكتيها ولا نسكتها بطريقتي
ليلى ضحكات:ههههه راه قالت غا صراحة..راه سوايع وانا نخدم فيها يدي طابو
حورية::عوناك زعمة
ليلى-:ايه ايه عاونتيني غا سكتيها..هاااح لا لا خاص نوض نشطح على هادي كنحماق على هاد الاغنية
يلاه اتنوض وهي تشدها حنان:لعاار ماجلسي راه لفوق كيشوف
علات راسها شافتو فلبالكون :اربي اش مخرجو لتماك
كنزة:نتيي مخرجاه..دابة بسبابك ما انشطحو ما انحيحو ما اناخدو نوامر سيرفورا يعطيك لعداب  شوفيهم شحال تياتز
ليلى:مالك اختي كدعيلي بلعداب يعطيه ليك نتي ..وانا مالي ومال خوك لاكان راسو قاصح
كنزة:وغا ضاحكة مالك درتيها بصاح...
ليلى:سكتينا..فين هو ياسين يجي يصورنا بتلاتة..راهو عيطي ليه
ناضت كنزة مشات عندو مجمع فواحد لكوان وهو وولاد لحومة جايبين لكااو بالسكرة ولفانيد وقراسي سبيسيال والروج تحت لكراسة وهو مطلعها عليهم ناشط وكيضحك..وكيشطحوو مرونينهاا...تاسمع سميتو ..دور وجهو شاف ختو..ورجع شاف فالدراري عنيهم كيغليو عليها مع السكرة بنادم خاصو غا مايشوف ..تقاد فالوقفة وخنزر داك الساع فهمو راسهم..
مشا لعندها جرها:اش جابك لهناا
كنزة:طلق اصاحبي وعتينيي
ياسين:ها حنا بدينا فاللعب لباسل اش جابك لهاد لبلاصة كلشي مفوت
كنزة:بغيناك تصورنا بتلاتة
دفعها:زيدي قدامي وبقاي جالسة فبلاصتك بلا ما ضبرو علينا فهاد الليل
كنزة:هاي هاي غير وصاك بكر ونت تزيد فيه
ياسين:بربيي اكنزة وتعاودي تعتبي بلاصتك نتسيف على ختي
كنزة بلعات ريقها:واخة غا سكتنا
وصلو عند لبنات:لاش مصيفطيلي هادي لتماك
ليلى:وصافي ماتزيدش فيه ماشي واحد لفوق وواحد لتحت
هز راسو لقة خوه فلبالكون تبسم :العززز الله يعز لحكام
ليلى وقفات :بغيت نشطح اياسين جابك الله شد فيا وسكت
ياسين:أزكاي بغيتي هداك لي لفوق يتلاح علياا
👑العمـــــــدة👑
♡..مجنــــون ليلـــى..♡
#التتمة

ياسين:أزكاي بغيتي هداك لي لفوق يتلاح علياا
ماداتهاش فيه بقات كضحك وشدات ليه فيديه وبدات كتشطح بشوية كانو مخدمين اغنية شعبية شاخدة نيت ..شوية تبعاتها كنزة كتشطح معاهم وحورية غا جالسة وكتشوف خايفة من بكر..ياسين هز راسو فخوه لقاه كيشوف فيهم بهدوء..عرف انه داير عين ميكة وميك عليهم ..خصوصا انه كاع لبنات كيشطحو ....ياسين نسا راسو تاهو شاد خوتو بجوج من يديهم وكيشطحوو شادين واحد لقنت غا بتلاتة..شاف فحورية وجرها تاهي تشطح ..تاعياو وبدلو الموسيقى ديال دواز اتاي رجع هو عند.دراري من بعد ماتصورو وهوما رجعو جلسو فبلايصهم  ..
داز الوقت
كان مزال فالبالكون خدام على لبسي شيشة مزال قدامو كل شوية كيبدل جمرة وكل شوية قرعة دكوكا باردة مدوز بيها الوقت وعنيه عليهم وبالو مع هديك لي عارف كون ماكانش كون دارت فيها الشيخة تراكس وصافينار فالعرس راه تربية يدو وعارفها شكا تسوا...دار قبيلة عين ميكة غير باش تبرد فيها داك الدودة وتبت من بعد وغا بشوفاتو فهماتو ..وتبتو بتلاتة ماولاوش ناضو يشطحو..

لتحت..
ناضو تصورو مع العروسة ...من بعد نكافة خلات لعروسة تشطح مع صحاباتها..داروها فالوسط وهي كتشطح وهوما ضايرين بيها باغنية شرقية على الصحابات..شوية قلبوها شعبي..وبقاو كيشطحو معاها ويضحكوو..شوية تخلطات الدعوة جاو صحاب لعريس ..وولاد حومتو كيشطحو كلهم سكرانين ومحششين مزياان ..ليلى كتشطح وتلوز بديك تريمة غادة مع الموسيقى هي وكنزة ..نسات راسها خلاها بكر على قولتو ولات شيخة تراكس..لدرجة لبنات بعدو كيتفرجو فيها..ليلى جيبوها تا لشعبي وشطيح ورجعو اللور
كنزة وحورية كينغزوها:الخرية تحركي تجلسي راه فلباكووون  براكة
تنترات منهم ماسوقهاش المهم تبرد غدايدها من داك الزمت لي زامتها ولي ليها ليها.طالون حيداتو وتهزات على ريوس صبعانها كتشطح وتهز فخصرها وشعرها كيتحرك معاها..مامسوقاش للعنين لي غياكلوها..

لفوق..
تشغل شوية فداك لبيسي اخر مرة شافها مع لعروسة ولبنات كيشطحو بيناتهم على اساس ايرجعو يجلسو ..حتى كيقوس حواجبو من صوت ديدجي لي نطق سميتها فلميكرو:وأحلا ليلى ...تبارك الله على لالة لبنات ليلى...أقلبيييي..
وشكون من غيرهااا..قبل يشوف عرفها هي..هز راسو داك ساع كتبان ليه محيحة بشطيح والناس كيتفرجوو..لا وماشي غا هكا..كاع صحاب لعريس وشي دراري من لحومة كيشطحو حداها وعنيهم عليها وقراب ليها..جمع الوقفة حاط يديه على حديدات لبالكون ومزير عليهم شوفاتو ماكايبشروش بالخير ها لي مابغاش...عض على سنانو كيشوف واحد من صحاب لعريس كيشطح وبلعاني كيقرب ليها حتى كيقيسها ويرجع تاني اللور..ويرجع تاني يتحاك معاها وهي ماهياش هنا خايدة كتشطح ماعارفاش راه اتشعل لعافية فهاد الليلة