👑العُــــــــــــمــــــــــدة👑

البارت 38💞

👑العمـــــــدة👑
♡..مجنــــون ليلــى..♡
#التتمة

عند بكر وصل لباب الفلة ولا نقولو بحال شي قصر حلو ليهم لباب لبراني تا دخلو لداخل حدى باب الدار وفكل قنت كاين رجل من رجال الحرس
الشيفور:واحد الدقيقة ندخل نشوف السي الوزير
بكر فهم انه ايدخل يقول للوزير راه جا دقايف ورجع الشيفور:تفضل راه كيتسناك لداخل 
هز راسو باه وتبعو دخلو للدار لداخل عالم اخور لخدم فكل بلاصة والاتات وديكورات غير بلملاين لفوق ...شافو جالس فواحد صالة وكاس دلقهوة قدامو هاشم(ااوزير) تبسم:مرحبا بولدي  بكر قرب وسلم عليه هاشم:جلس  بكر جلس  هاشم:كلشي هو هداك ياك
بكر:الحمد لله كلشي هو هداك هاشم الابتسامة مافارقاتش وجهو:ادن نبداو خدمتنا
وجبد واحد الملف ومدو ليه:تفضل لا كانت شي حاجة ناقصة قولها لي
خدا الملف وفتحو كيقرا فداك الوراق ..تا ترسمات على وجهو ابتسامة وهو كيشوف وراقو دلخدمة فالطيران لي خداوهم منو .هاهوما دابة بين يديه ..ودابة يمكن ليه يرجع لخدمتو كبيلوط فوقاش ما بغة..رجع لوراق خرين فيهم الخلصة ديالو والشروط وكلشي ..كلشي هو هداك وقع داك الساع بلا مايسول على والو ولا يطول الموضوع اصلا خدمة يحلم بيها اي واحد ..وهدا هو الضومين لي كيعجبو...علاقتو مع السما والغيام والنجوم وفوق السحاب علاقة زوينة حلم طفولتوو  وشاف فالوزير:شرف ليا نخدم معاك
  تبسم ليه:انا لي شرف ليا اولدي  وجمع الوقفة كيشوف فالشيفور:عطيه حوايج لي غيبدل بيهم  وشاف فبكر:ليوم عندي اجتماع فالداخلة وجد راسك هز راسو باه ووقف تبع الشيفور لواحد البيت جاي غير تماك حدا الصالة بالضبط حدا الدروج..دخل لقا لبسة خاصة بالخدمة شوية رسمية وشوية صبور جاية لونها كحل وخياطتها بالمارو مغلوق مريحة فاللبسة  ..لبس داكشي بالخف ووقف كيقاد فشعرو قدام المراية هو هداك اللبسة تقول مخيطة عليه...شاف الصدافات الجوج لوالا مازال محلولين تنهد وخرج ..يسدهم برا ماعندوش مع التعطال ..مع الخرجة مع كيجي معاها نازلة من الدروج كتمختر وعنيها عليه وعلى صدرو لمطراسي مازال كيسد فصدايف علات حاجبها ووقفات فاخر درجة كتشوف فيه بكل جرأة وكتشوف فهاد الكمية الهائلة دالرجولة لي قدامها..حتى هز راسو فيها ورجع اللور مخليها تادوز تبسمات:بكر العمدة
  هز راسو باه بلا تاكلمة كيشوفها وكيوزنها مزيان من اخر مرة عرفها طيارة غير من شوفاتها ودابة زاد تأكد ميلات راسها فيه وتنهدات:مرحبا بيك معانا 
يلاه ايجاوبها وهو يشوفو نازل ومغوبش وعاقد حواجبو نطق:فقتي بكري امراتي لعزيزة وهبطتي ماموالفالكش
عضات على شفايفها وزادت وسعات داك الابتسامة وشافت فراجلها لي وقف حداها وحط يديه على خصرها وباسها على خدها عاد نطقات:هاد الصباح جاني النشاط نفيق بكري تبسم بسخرية:غريب هدشي
  بكر خشى يديه فجيابو وتم غادي مخليهم عارف داك الحوار ديالهم كلو طنز على بعضياتهم  حتى.كيسمع صوتو:ماكانمشيوش بلا مايعطينا مول الدار الادن
بكر تنهد ها لبلانات لي ماكايحملش تنهد وبغى يكمل طريقو وهو يرجع ينطق:عندك مشكل فالسمع
بكر تبسم وشاف مع جنابو ورجع شاف فيه ونطق بهدوء قاتل وبرود ونضرات حادين:لا كنقلب على مول الدار فين هو
على حاجبو:كيفاش
بكر:زعمة السي هاشم
  خلاه بلع ريقو وزير على الفك ديالو  بكر:صباحكم مبروك
وزاد بحالو خرج مخليه كيغليي كانت مبتاسمة وكتشوف فيه كيف كيغلي من داك القمعة لي عطاه بكر قدامها عارفاه ماكايرضاش ..:لفطور واجد احياتي وكاين عاصير بارد لا بغيتيه كتدوي وتميل فشفايفها.. هز راسو باه وجرها لعندو من خصرها مزير عليها :ماغاتساليش من هاد التقح....بين راه كيقولو التالتة تابتة داك المرة دخلتك للانعاش ومنعتي منها ودابة مانضمنش ليك
يلاه اتجاوب وهو يصوني طليفونو خرجو من جيبو شاف المتصل ورجعو تاني لجيبو .تبسمات بسخرية فاش شافت المتصل كانت بنت وحدة من لي كيخونها معاهم ..قربات تا لودنيه وهمسات ليه بتحدي:تخون نخون..تشوف نشوف..تزلل نتزلل...الدير عقلك ندير عقلي..نكون غير انا تكون غير نت...تحتارمني نحتارمك وباستو على خدو:تفاهمناا ورجعات اللور مخلياه كيغلي ومشات جلسات تفطر .. غوت وعنيه فعنيها كيشوفها كتهز لعاصير وكتشرب ببرود:سلمممممى .. يلاه ايكمل كلامو وهو يشوف مو نازلة حم حم ومسح على راسو ومشا جلس تاهو يفطر وهو كيشوف فيها كيف مبتاسمة والعاصير فيديها..جلسات مو وبدات تفطر تاهي..عارفة الحرب لي بيناتهم ماكاتسالاش

#التتمة

نخرجو لبرا وقف كيشوف فواحد الساحة كبيرة جاية معزولة حدا الدار..فوسطها طائرة خاصة جاه واحد الاحساس فشكل حيت من اخر مشكل وقع قال عمرو يولي يسوك شي طيارة قال صافي كلشي سالة ..هاهو دابة ايسوكها بصيفتو بيلوط ماشي مساعد بيلوط..
الشيفور:السي هاشم راه يلاه طلع للطيارة تفضل تانت

هز راسو باه وطلع كيلقاه تماك كيتسناه هاشم بابتسامة:مرحبا بيك اولدي مرا خرا نتمنى معرفتنا الدوم ان شاء الله

بكر هز راسو باه باحترام:ان شاء الله ...على مولانا نتوكلو
هاشم مشا جلس فبلاصتو:نتوكلو اولدي اتلقة طابليط تماك فيه نهارنا كيف ايدوز ..وشوية بشوية اتولي تعرف كلشي اولدي

بكر :ان شاء الله
  ومشا دخل لغرفة لخاصة بالبيلوط فين كيسوك لقا المساعد.ديالو تماك سلم عليه وجلس فبلاصتو وتنهد كيشوف فلبوطونات لي تماك بزااف وكل حاجة ولاياش خاصة كيعرفهم مزيان وعارف كل حاجة لاياش صالحة تبسم وبدا كيخدم فطيارة شوية بشوية بدات كتحرك كتستاعد باش طيير ودقايق وتهزاات من الارض في اتجاه السماا والابتسامة مافارقاتش وجهووو وهو كيسوك بكل احترافية حتى ستاقرات فالسماااا وسط السحاب غادية فالاتجاه لي هو راسم ليها