👑العُــــــــــــمــــــــــدة👑

البارت 27💞

👑العمـــــــدة👑
♡..مجنــــون ليلـــى..♡
#التتمة 27
صوفي قربات تا لوجهاا :مالك كتشوفي فياا مصدومة قلت غا الصراحة..عرفتي باش تكوني خدامة فهاد الضومين خاص بعدة تكوني مقادة راسك ونقية وكتشعلي عاد تصيبي للكليان..لا كنتي متبعاني بصاح فلانستا اتشوفي لي ميكاب ارتست لي كنتعامل معاهم ولي خدامين معايا فليستيتيك والكواف كيف دايرين ..لهضرة والاناقة والخدمة المتقونة تشهاي تبقاي غير تشوفي فيهم..ماشي بحالك شوفي راسك فلمراية مزيان حالتك حالة لا لباس مقاد لا شعر مسرح لا ماكياج يفتح النفس لا فورمة مقادة لا خدمة مقادة  مافهمتش كيفاش درتي فتحتي هاد الصالون
ليلى باقة مصدومة من هضرتها غير كتطعن فيها وماعارفاش علاش ولا شنو دارت ليها ..كتشوف  لكليانات لي عندها كلهم كيتفرجو وكاين فيهم لي كيتشفا فيها حيت ديما هازة راسها لفوق وهاهي دابة كتبهدل فيها قدامهم حسات بواحد لحكرة فشكل ..حسات براسها اتبكي  عضات على سنانها وشافت فصوفيي عاقدة حواجبها:خرجيي  صوفي تبسمات باستهزاء كتزيد تلعب ليها على الاعصاب:بقة فيك لحال 
ليلى بلغوات خلاتها تقفز من بلاصتها:وا خرجييييي تقو... دي علياااا من لهنايا
حورية قربات لصوفي مخنزرة:سمعتيها شنو قالت خرجيي
صوفي كتهز ساكها:انخرج بلا ماتقولوها هاد الصالون جاب ليا الكآبة خاصني شي دوش طويل باش نحيد عليا هاد الوسخ 
ليلى بلغوات :وااخرجييييي حسن ما غتشوفي مني شي حاجة ما اتعجبكش خرجيييي خليني دايرة بوجه ولد خالتييي
فعلا ما بغاتش دير شي حاجة ماهياش على ود بكر خافت تخرج ليه على خدمتوو معاها ولا شي حاجة كون ماجاتش من طرف بكر كون وراتها النجوم فعز النهار صوفي غير سمعات داك ولد خالتي لعافية شعلات فيها:شنوو غديري كااااع راه باينة فيك كلوشارة شغا نتسنا منك 
ليلى غمضات عنيها ورجعات حلاتهم صافي مابقاتش قادة تصبر شداتها من دراعها  زيرات عليها تاغرسات ليها ضفارها فلحمها:غتزيدي كلمة وحدة كنقسم لييييك شعرك  هدااا اتديه معاك فيديييك 
صوفي كتشوفها كيف كتهضر عرفاتها صافي وصلات ليها للحد ولا زادت معاها اتجيبها فراسهاا تنترات منهاا ورجعات اللور هاربة منها:ياااك كتمدي عليا يديك
حورية:وسيري بحاالك اختي اش بغيتي عندناااا صوفي وقفات حدا الباب كتعيط للشيفور:حمييييييد حميييد اجي لهنا
دخل كيطير للصالون كي شي ثور بداك الجسم الضخم ديالو:نعام امادموزيل
صوفي :شد هاد المسخة علامن يجيو لبوليس نوريهاا انا تمد يديها عليااااا والله تانربيك ونخليك تبوسي الرجلين
هو داكشي ما سمع تواني وكان قريب من ليلى لي راجعة باللور:ماتقربليييييش ماداهاش فيها جرها لعندوو من دراعهااا وهي كتنتر منوو وحورية كتغوت باش يرخيي منهااا
ليلى بدات كضرب فيه وتغوت :رخييييييي منييييييي الق... واااااد رخييييييييي منييييي كضرب وتخبش فيييه وتنتر منووو  صوفي:شدهااا مزيااان ماترخيهاااش
كان مضور يديه على خصرهاا وهي عاطياه بالضهر وكتغووت حاكمها مزيان مالقات حداها غا سوشوار هزاتوو وكتعطييه للراااس مع كان سخون دغيا سال ليه الدم :هاااااك اشماااااااااتة كتحكر على ولييييية ازاام... ل 
خلاتو يغلييييييي ويتعصب ومارضاش حاط يديه على راسو  حوررية خرجات كتجري تقلب على ياسين وتعيط لبكر يجييي يفكووووهااا ليلى غير رخا منها رجعات اللور نيشان لصوفي طارتيها على شعرها يلاه اتبدا تنتف فيها  وهو الشيفور دغية زرب عليها وجرها لعندووو يلاه اتغوت وهو يجمع معاها بصقلة تا جات مزدوحة فالارض والدم خارج من فمهاا.....وفهااد اللحضة دخل مع الضربة قد قد جات طايحة حداا رجليييه ..بكر لي فهاد اللحضة كان عبارة عن بركان يقدر ينفاجر فأي لحضة راه ليلى ديالو هادييي مهااا لي مهاااا وماكايحملهاش تمد عليها يديها واخة تكون ليلى لي غالطة تا واحد مامحقو يمد عليها يدييييه...ودابة كتضرب قدااااااامو لعافية شاعلة ليه فلداخل ديالووو مايمكنش يدوزها بالسااهل ...تحنا لعند ليلى شدها من كتافها ونوضهاا كيشوف الدم نازل
فمها وجبهتها حمرة مع الزدحة فالارض..غير شافتوو عنيها غرغرو بالدموووع وفوق طاقتهاا شهقات بالجهد كاتمة دموعهااا  بكر كيشوف فيها عارف هاد النضرة مزياااااااان  هاد النضرة بالذات ماكايحملش يشوفها فعنيهااا كيتقطع ملداخل طراف طراااف ملي كيشوف هاد النضرة فعنيها المهزووومة ومكسوورة حطات راسها على صدرووو ونزلو دموعها مزيرة ليه على تيشيرت ديالو ونطقات بهمس كتبكي مهزوزة:بكر انا تحكرت ...