👑العُــــــــــــمــــــــــدة👑

البارت 36💞

👑العمـــــــدة👑
♡..مجنــــون ليلــى..♡
#37
جا نهار جديد  جالس وراسو لتحت كيشوف فالارض وسااكت ليوم ايهبطوه للحبس..كيفكر شنو يدير لقا ماكاينش ما يدار من غير يكون حمار لصوفيا ويوافق على داكشي لي بغات وهدشي لي عمروو يكوون ..وعارف تا باه  ايقولو دوزهاا حبس وما تكونش شماتة وقليل الرجولة هكا تربى وهكا عااش...وقف فاش جا صاحبو لبوليسي:جات لفاركونيط لي اتهبطك للحبس
كيقولها وكيشوف فصاحبو تاهو مالقة ليه جهد  هز راسو باه وقرب دارو ليه المينوط:زيد نمشيو وخرجو من الكوميسارية هنا لقا ياسين ومعاه ليلى وحورية تنهد.ماباغيهمش يشوفوه هكاا حورية غير شافتووو نفاجرات كتبكييي:خويااااااا شنوو دارووو لييك
ياسين كيشوف خوه مضروب قلبو كيتقطع مسح على راسو بالجهد بيديه بجوج  ليلى كتشوف فيه ماعارفاش اش دير ولا شنو تقول بكر شاف فصاحبو لبوليسي:خليلي واحد.دقيقة البوليسي:واخة
دارلهم اشارة قربو لعندو  بكر شاف فخوتو تا وصل عند ياسين:ياسين فعمرك  20عام تقريبا...انا  ف17كنت كنقرا ونخدم ونجي لدار...فهمتيني شنو بغيت نقول عائلتنا امانة عندك هنا اتبان تارجلاتييت ديالك
  ياسين نزل  راسوو ملي خانوه دموعوو  بكر:واش غتبكي كي لولية ..
ياسين مسح دموعو وشاف فخوه كيقوي راسو:هانا اخوياا ..غنكون راجل وغنموت على عائلتنا ولكن ما اناخدش بلاصتك حيت غادي ترجع
بكر هز راسو باه:المهم نت ماتخيبش ضني  وشاف فحورية:نتي مولات لعقل ونتي لي نعول عليك فدار ..نتي لي كنتيق فيك
  حورية بصوت باكي:كون هاني اخويا وشاف فليلى وهنا تنهد ..كيشوف فيها ويحقق فملاميحها بحاليلا ايشوفها اخر مرة :خليني نسمع عليك غير الزوين اليلى ..وتهلاي فراسك  البوليسي:يلاه ابكر مشاا لحال  يلاه ايطلع وهو يلمحها فطموليل منزلة الزاج وكتشوف فيها ودموع فعنيها..تبسم باستهزاء وركب مخلي لعافية شاعلة فقلبهاا   ...وديمارات الفاركونيط داك الساع.....ياسين وخواتاتو جلسو فواحد دريجات تماك مصدومين وصوت حورية مسموع بالبكى ....راه خوهم حبيبهم هداك .... كان فالفاركونيط كيشوف فبلاصة وحدة وساااكت واحساس خايب كيحس بيه كاع لي بناه كيريب دابة قدامووو..ايخلي عائلتو وايدخل يدوز سنين فالحبس ...راه غير عام بعيد على عائلتو صعيييب لا حراك خمس سنين ولا كتر .

👑العمـــــــدة👑
♡..مجنــــون ليلــى..♡
#38
داز الوقت
صونا ااطليفون دواحد من لبوليس لي مرافقوو البوليسي:وي شاف...واخة هي دابة اشاف وقطع وشاف فشيفور:قلب الدورة رجع للكوميسارية دابة
مافهمو وااو..ماكانوش بعاد ..رجعو داك السااع ..بكر مازال ساهي عند بالو ايطلعو معاهم شي واحد ولا نساو شي حاجة حتى كينطق واحد من لبوليس:نزل
شاف فيه:علاش
البوليسي:بحالي بحالك نزل ونعرفو  ونزل.ياسين كان مازاال هو وخوتو تماك غير شافوه ناضوو مافاهمين والووو   دخل للكوميسارية غادين بيه للمكتب حيدو ليه المينوط:دخل
حل لباب ودخل ..وهو يوقف  كيشوف فهداك لي جالس هو ولكوميسير تبسم ليه :سمحلي كان خاص نجي قبل ولكن تشغلت بزاف
مافهم والوو شكا يدير الوزير هنااا  الوزير شاف فلكوميسير ودار ليه اشارة باش يخرج ..مازادش معاه تا كلمة ناض وخرج..وبكر مراقب لكوميسير ماكرهش ينزل عليه بشي كروشيييي   ... الوزير:اجي جلس اولدي
بكر قرب وجلس وعلامة استفهام فوق راسو ااوزير كيشوف فيه بابتسامة:ولدي انا ماناسيش روحي لي عتقتيها فداك الليلة وهدشي غالي عندي..كنت عواال نزورك شحال هدا ولكن تشغلت مع شي مشاكيل..ونهار جيت كنقلب عليك تا لداركم لقيتك فالحبس...الوليد ديالك عاودلي كلشي
وسكت وكمل كلامو كيشوفو كيف مضروب :الضلم خايب ...نت اليوم اترجع لعائلتك واعتابر هاد المشكل تحل ونسااه 
بكر تنهد:داكشي لي وقع فداك الليلة واجب علياا واي واحد كان ايدير داكشي
تبسم:لا ماشي واجب عليك وماشي اي واحد ايدير داكشي..بعيني شفت كيف الحراس لوخرين رجعو اللور وحماو غير الرؤساء ديالهم لي مكلفين بيهم ..كوما كنتيش كون دابة راني تحت تراب انا وولدي ومرات ولدي
بكر مالقة مايقول كتافة بالصمت
الوزير:نت اتمشي للدار واتاخد لك دوش واترتاح واتبقة مع عائلتك ..حيت من بعد سيمانة اتبدا الخدمة ديالك معايا 
بكر شاف فيه مقوص حواجبو
  ااوزير بابتسامة:طبعا لا بغيتي
  بكر:شنو هي هاد الخدمة
ااوزير:تحميني وضوصيك كلو عندي كنتي بيلوط ..انا انصلح لك تا هاد المشكل وانرجع ليك وريقاتك واتولي البيلوط لخاص بياا. يعني فين ما مشيت اتكون معاياا ..نت اكتر واحد نتيق نامن روحي ليه
  بكر بغا يهضر وهو يقاطعو:سير دابة رتاح عندك اسبوع فكر مزيان ورد علياا
بكر هز راسو باه  الوزير وقف:عائلتك كتسناك  وقف تا بكر وتسالموو ..
بكر خرج داك الساع تلاح عليه ياسين كيعنقووو بكر:بشوية اصاحبي صدري مفرووع
حورية فرحانة:شنوو وقااع كيفاش خرجتييي  بكر:نمشيو للدار ونهضر شداني الطيارة ياسين شوف جوج طاكسياات
ياسين:هاهي لمحطة واقفين فيها
حورية شادة ليه فيديه وكضحك فرحانة وياسين من جيهة لوخرا حاط يديه على كتافوو فرحاانين..وليلى موراهم كتشوف فيهم تا وصلو للمحطة.. بكر حل باب التاكسي :ركبي احورية  ركبات جاات تركب معاها ليلى وهو يجرها من خصرها لعندو:ركب نت اياسين وشاف فليلى:نتي اتمشي معايا
ركب ياسين وقلعات بيهم تاكسي...ركبو تاهوما فتاكسي اخور اللور...عطاه العنوان وقلعات بيهم بكر تنهد وشاف فليلى لي كتشوف فيه تاهي وقرب وحط راسو على كتافها ونطق بتعب:عياااان اليلى
  تنهدات وهزات يديها كتلعب فشعروو ونطقات:كلشي دااز
ماجاوبهاش غمض عنيه وراسو على كتافهااا وهي كتلعب بشعرو بصبيعاتهاا ..تا وصلو للدار  ليلى:وصلنا ابكر.. ماجاوبهاش هز راسوو بااخف وغطس راسو فعنقها وباسها بوسة خفيفة خلاهااا تقفز من بلاصتها وخدودهااا يحماروو بالحشمة ولسانها تربط..شاف فيها ودوة بهدوء بحاليلا مادار والو:خلصي التاكسي
ونزل كيتسناها ...خلصات تاكسي بيديها كيرجفوو ونزلات عاقدة غوباشتها ماقاداش تشوف فعنيه بكر:زيدي
يلاه ادخل لدار وهي تهز يديهاا وضربوو لصدروو تا شهق من لحرييق  ليلى:هادي باش لا زمل عليك الضمير وعاودتيهاا
تبسم فعز الوجع ديالو ودوة بصوت تقيل:كضربي لحسااااك
طلعات فاادروج وهو تابعهااا:اجيي لهنااا ليلى طالعة وكتسب:مريييض وخارج من لبنيقة ولي فيه مامهنيييه ..وعاودها وشوف شغا ندير لك ودخلات للدار كتسووط ودخل تاهو كيقلب عليها بعنيه..حتى طارت عليه موو بتعنييقة كتبكي باافرحة....ورقية كتبعدها وتعنقو تاهي وكنزة كتشبط فيييه وتبوسو من وجهوو...وهو مصبر راسوو كيتوجعع من صدروو ملي كيعنقوه تا وصل لباه تحنا وباس يديه وراسوو ونطق:سمحلي الوليد شوشتك معايا
محمد:الحمد لله ملي رجعتي على خير
وجلس مع عائلتو ومحمد كيعاود ليهم فاش جا ااوزير ...ااحومة ساقو الخبار العمدة رجع...كل شوية كيجي يدق شي واحد ويقولو على سلامتك وبكر داير الصواب ...حتى مابقاش قادر عيااا بزااف بكر وهو طالع للفوق:لي جا قولوولو من بعد ..نطلع ندوش ونعس
وشاف فليلى:ملي نفيق نلقاك موجدة ليا داك مسكوتة ولعاصير لي كيعجبني
وطلع مع اادروج قبل تجاوب ليلى شافت فيهم :مأكدين هدا مريض وكان مشدود كلهم ضحكوو  رقية:وانوضي ابنتيي صيبي لولد خالتك داكشي لي بغة  تنهدات وناضت للكوزينة تشوف واش كاين داكشي لي اتحتااج ..