ဖုန်း contact မှာ 'နှင်းဟန်သွယ်' ဟုအမည်တပ်ထားသော contact လေးကို ဂရေ့စ် နှိပ်လိုက်သည်။
" တူ ... တူ .. ဟဲလို .. "
" ဟဲလို ဂရေ့စ် .. "
တစ်ဖက်မှ ကြည်လင်ပြီးချိုသာတဲ့ နှင်းဟန်သွယ်ရဲ့ အသံက ဖုန်းထဲမှ ထွက်ပေါ်လို့လာသည်။
" မနှင်း ကို ဂရေ့စ် တစ်ခုလောက်အကူအညီ ထပ်တောင်းရဦးမယ်ထင်တယ် "
" ဘာများလဲ ဂရေ့စ် ရဲ့ ပြောလေ "
" ရှေ့အပတ်ကျရင် ဂရေ့စ် မမသိင်္ဂီ နဲ့အတူ ခရီးတစ်ခုထွက်ဖို့ စီစဉ်နေတာ။ တောင်ကြီးမီးပုံပျံပွဲကို သွားချင်လို့လေ .. အဲ့ဒါ မနှင်းရဲ့အကူအညီလိုအပ်နေတယ်။ ခရီးသွားဖို့အတွက် မနှင်း တို့ခရီးသွား company ကကားတစ်စီးနဲ့ချိတ်ချင်တယ်။ ပြီးတော့ တောင်ကြီးမြို့ရဲ့ အကောင်းဆုံး ဟိုတယ်တစ်ခုမှာ ဘိုကင်လေးကြိုတင်ပေးထားလို့ရနိုင်မလား .. "
" ရတာပေါ့ ဂရေ့စ်ရဲ့ .. အစ်မ အကုန်စီစဉ်ပေးပါ့မယ်။ တောင်ကြီးမီးပုံးပျံပွဲကို သွားချင်တာဆိုတော့ ဂရေ့စ်တို့ တန်ဆောင်မုန်းလပြည့်နေ့ မတိုင်ခင်တစ်ရက်လောက်က ကြိုပြီးထွက်သင့်တယ်။ ဟိုတယ်ကတော့ အဆင်ပြေတဲ့ Five star ဟိုတယ်သုံးခုလောက်ရှိတယ် .. ဂရေ့စ် ရွေးချယ်လို့ရအောင် websit link လေးတွေကို အစ်မပို့ထားပေးမယ်လေ "
" ဟုတ်ကဲ့ ကျေးဇူးပါ အစ်မ "
" တောင်ကြီးဆိုတော့ အင်းလေးနဲ့တောင် တော်တော်နီးနေပြီပဲ။ တောင်ကြီးမှာ ၂ ညလောက်အိပ်ပြီး အင်းလေးမှာ ၁ ညလောက်အိပ်ချင်လား ? အင်းလေးက view တအားလှတယ်။ ဂရေ့စ်သဘောကျလိမ့်မယ်လို့ အစ်မထင်တယ် "
မနှင်းဟန်သွယ် ကတက်ကြွသောအသံလေးနဲ့ ပြောနေတာကို နားထောင်ရင်း ဂရေ့စ် ပြုံးလိုက်မိပါသည်။
" မနှင်း ညွှန်းတယ်ဆိုတော့ သွားကြည့်ချင်မိတယ် .. အင်းလေးမှာ တည်းရမဲ့နေရာကိုတော့ မနှင်းပဲ ထပ်စီစဉ်ပေးပါဦးနော် "
" အင်းလေးမှာ ရေပေါ်ဘန်ဂလိုလေးတွေနဲ့ ဟိုတယ်တစ်ခုရှိတယ် ... အစ်မကိုယ်တိုင်လည်း အင်းလေးဘက်ရောက်ရင် အဲ့မှာပဲ တည်းဖြစ်တယ် service လည်းမဆိုးပါဘူး ... link လေးတွေ တွဲပြီး ပို့ပေးထားမယ်လေ။ ပုံလေးတွေ ကြည့်လို့ရအောင်လို့ "
" အိုခေပါ မနှင်း ... ကျေးဇူးတင်ပါတယ် "
" အောင်မလေး အချင်းချင်းတွေကို ကျေးဇူးတွေ ခဏခဏတင်နေပြန်ပြီ .. တွေ့ခါမှ တစ်ဝိုင်းကျွေးဖို့ပြင်ထားပါ ပြင်သစ်သူကြီးရေ "
KAMU SEDANG MEMBACA
ချစ်ခြင်းရှိရာသို့
Romansaငယ်စဥ်အချိန်ကတည်းက တွယ်ငြိခဲ့တဲ့ သံယောဇဥ်နွယ်ကြိုးလေးတစ်ချောင်းက အချိန်ကြာမြင့်သွားသည့်တိုင်အောင် ခိုင်မြဲစွာ တည်ရှိနေဆဲပင်။ #Moe #JE_Rain
