Chapter 18
ရှဲ့ယွင်နန်က သူ၏ အချိန်ပိုင်းအလုပ်အကြောင်း သွမ့်ချန်ချင်းကို ပြောပြမထားပေ။
သွမ့်ချန်ချင်းမှာ ကျန်းမာရေး မကောင်းသေးသည့်အတွက် ငွေကြေးကိစ္စများကို ပူပန်မနေသင့်ပေ။
သို့သော် ညစာစားနေစဉ်အတွင်း သွမ့်ချန်ချင်းက အလုပ်ရှာရန် စကားစလာလိမ့်မည်ဟု မျှော်လင့်မထားမိခဲ့။
"ယွင်နန် ငါ အလုပ်ရှာချင်လို့ မင်းအမြင်မှာရော ငါက ဘယ်လိုအလုပ်မျိုးကို လုပ်နိုင်လိမ့်မယ်လို့ ထင်လဲ ..."
ရှဲ့ယွင်နန်က တစ်ခဏမျှ ကြောင်အသွားပြီးနောက် ရယ်မောလိုက်သည်။
"အရင်ဆုံး စကားပြောတတ်၊ ရေးတတ်ဖတ်တတ်အောင်ပဲ အရင်သင်ပါဦး မင်း အကုန်လုံးကို လေ့လာပြီးသွားကာမှ အလုပ်တစ်ခုနဲ့ မိတ်ဆက်ပေးမယ် ..."
"ကောင်းပါပြီ ..."
သွမ့်ချန်ချင်းက သဘောတူလိုက်သည်။
ရှဲ့ယွင်နန်က ဆက်ပြောလိုက်ပြန်သည်။
"မစိုးရိမ်နဲ့ ငါတို့မိသားစုမှာ ပိုက်ဆံရှိပါတယ် အစက ငါစုထားတာ ၄၀၀၀၀ ရှိတာလေ အဲဒါကို အရင်က ပိုက်ဆံချေးထားဖူးတဲ့ လူတစ်ယောက်က သူအကြွေးတင်နေတဲ့ ၁၀၀၀၀ လာပေးသွားတော့ စုစုပေါင်း ၅၀၀၀၀ ရှိတယ် ... နေဦး ခဏစောင့်ဦး မင်းကိုလည်း ပိုက်ဆံ နည်းနည်းပါးပါး ပေးထားဦးမယ် ..."
ထို့နောက် သူက အံဆွဲကို လှပ်ကာ သွမ့်ချန်ချင်း၏ လက်ထဲသို့ ၅၀၀၀ ထည့်ပေးလိုက်သည်။
"ဒါကို ယူထားပြီး မင်း ဝယ်ချင်တာဝယ် ... မြို့ထဲကို ဈေးဝယ်ထွက်ချင်လည်း ရတယ် ..."
အိမ်ထောင်ဦးစီးတစ်ယောက် အနေနဲ့ သူ့မှာ မိသားစုကို ဂရုစိုက်ရမယ့်တာဝန် ရှိတယ်လေ ...
ဆင်ခြေဖုံးဒေသတွင် နေထိုင်သူအများစုမှာ ငွေသားကိုသာ အသုံးပြုကြသည့်အတွက် စုငွေထဲမှ ၂၀၀၀၀ ကို ငွေသားအဖြစ် အိမ်တွင် သိမ်းထားသည်။
"ငါ့ကို ပိုက်ဆံပေးဖို့ မလိုပါဘူး ..."
သွမ့်ချန်ချင်းမှာ အနည်းငယ် ရှက်ရွံ့မိတော့သည်။
ВИ ЧИТАЄТЕ
ငါ့ရဲ့ နူးညံ့တဲ့ချစ်ဇနီးလေးဘယ်ရောက်သွားလဲ
РомантикаBL novel အသစ်လေး update ထားပါတယ်ရှင့် 🥰 reader လေးတို့ ကြိုက်နှစ်သက်တယ်ဆိုရင် link ချပေးထားတဲ့ page messenger လေးကနေပြီးတော့ paid GP လေးလည်း လာရောက်အားပေးလို့ရပါပြီရှင့်❤️ IQ Team မှ ကြိုဆိုပါတယ်.. သိလိုသည်များနှင့် Paid Novels များအတွက် IQ Team We...
