الحلقه ال٢
ودخل ولد وهو بيجري وفجأة خبط فيها ووقع تليفونها
تيا بغضب: مش تفتح يا اعمى
ادهم: اسف يا انسه مكنش قصدي
مسكت تليفونها اللي كان عالارض وقالت بغضب: اعمل اي بأسفك ده كده شاشه التليفون اتكسرت
ادهم: مقولنا اسف... وكمان انتي اللي غلطانه مفيش حد بيقعد كده
تيا: نعم يا روح امك هي مين دي اللي غلطانه انا عمري ما اغلط انت اللي غلطان وكمان بتحط غلطك عليا
ادهم بغضب: في اي انتي بتتكلمي كده ليه واي روح امك دي متلمي نفسك يا بت انتي
تيا: بت لما بتك يا حيلتها
ادهم: انا مش عاوز اضربك عشان انتي بنت لكن لو مكنتيش بنت كان ليا تصرف تاني معاكي مع ان مفيش فرق مابينك ومابين الولد ده انتي مفيكيش انوثه اصلا ده عم صبري البواب فيه انوثه عنك
ضحكوا الطلاب على اللي قاله وهي شهقت بصدمه وقالت: ما انا سبتلك الانوثه ليكي يا بطه
كانوا كلهم بيتابعوا وبيضحكوا مقدرش ادهم يتمالك اعصابه ومسكها من دراعها ومره واحده كانت مكتفاه وقالت: لا راجل عرفت تمسكني صح بس انت يا عبيط يا بتستهبل عشان مسكتني كده وانت في كلتا الحالتين هتتنفخ... وبدأو يضربوا في بعض والاتنين كانوا بيصدوا الضربات بمهاره شديده جدا ومره واحده ضربته بوكس في وشه حط ايده على وشه وبصلها وقال:يابت ال.... والله لاوريكي
قعدوا كده وقت وكان في ولد هيسلك مبينهم قالوا الاتنين في نفس واحد: اللي هيقرب هقتله
وقفوا ضرب وبصوا لبعض وهو بص في عنيها وقال وهو قاصد يضايقها: انتي بنت بالغلط مش كده
تيا: ماتلم نفسك يا روح امك
ومره واحده وقعت عالارض بسبب ضربته اللي جت في ركبتها ووقعت عالارض ومسكت رجليها وقالت في نفسها: هزمني... ازاي... ازاي...
بصلها لقاها مسكه رجليها وموجوعه بصلها بكبرياء وقال: هاه اي رأيك في اللي عملته فيكي... موجوعه مش كده
نزلت دمعه منها لانها بجد وجعتها وهو شافها وحس بالذنب انه عمل كده ونزل لمستواها وقال: يا انسه... انا مكن......
قاطعته وزقته وقالت: ابعد عني يا قذر سامع ولا لاء....
ادهم بهدوء: انا مش قذر... وعاوز اطمن رجلك حصلها حاجه هتقدري تمشي.....
تيا: ملكش دعوة بيا فاهم ولا لاء
جت صحبتها واول ما شفتها كده جريت عليها وقالت بخوف: انتي كويسه قاعده كده ليه
تيا: مفيش يا سندس انا كويسه.... وجت تقوم حست بوجع كبير وحست انها مش قادره تمشي مسكت فيها وهمست: اسنديني مش قادرة
سندتها وهو قال: اسعدك في حاجه
بعدت عن سندس ووقفت قدامه وقالت بغضب: هو انت مبتفهمش انت....... مكملتش كلامها لما وقعت وهو لحقها وبص في عنيها لقاها مدمعه سرح في عنيها اللي نفس لون العسل ودق قلبه وهو استغرب وهي بصت في عنيه واتوترت لانها اول مره تتحط في موقف زي ده وزقته وقالت بتوتر: انت.. واحد.. سافل ووقح.. ومسكت في سندس وقالت: يلا وديني مكاني
راحوا قعدوا مكانهم وهو قعد مكانه ولقا قلبه بيدق جامد وقال في نفسه: انا مالي في اي... دي واحده قليله الزوق اوي وكمل بتوهان: بس ايه العيون دي يناس... يخربيت جمالها ياخساره الجمال ده يبقى في الدبش ده وفاق لنفسه وقال: انت بتعمل اي انت عبيط... وكمان ان.......
قاطع تفكيره صوت دخول المدرس اللي قال: انا مستر عصام هشرحلكم انهارده اول درس فيزيا واتمنى تفهموه واي حد مش هيفهم حاجه يقولي
بدأ يشرح وهو بصلها لقاها مركزه ومنتبها جدا حاول يركز معرفش وكان عمال يبصلها وسرح فيها وفاق من سرحانه لما قال عصام: اتمنى ان استاذ ادهم مركز معايا ويحل المسئلة دي
اتوتر وقال: انا...
عصام: اه انت... يلا حل المسأله
بص الكل ليه وهو بصلها لقاها بتبصله بشماته ومربعه اديها وهو قال:الصراحه مش فاهم المسئله دي
عصام: ركز بعد كده ومتسرحش
ادهم: حاضر
خلصت الحصه وهو مش فاهم حاجه لانه ضعيف فالعلوم وقال واحد: اي يا عم قلبك حن وقولت تطمن عليها ده هي زرقتلك خدك ميغركش انها قمورة بس اي صعبه جدا مفيش واحد يقدر يكلمها واللي يقولها انه بيحبها او عاوز يكلمها بتمسح بكرامة اهله الارض.. نسيت اعرفك بنفسي انا اسر
ادهم: وانا ادهم.... هي من نحية صعبه فهي صعبه..... نزلت وسندس سنداها واول ما شفته بيبصلها مشيت وداست على وجعها ومشيت ولا كأن في حاجه وبعدت عن مكان السنتر....
سندس: ينفع اعرف حصلك اي
تيا: اتخانقت مع الواد ده بس ضربني حتة ضربه مش قادره احرك رجلي من سعتها
سندس: حصل خير يحبيبتي... يلا تعالي اروحك
تيا: كلميلي فهد وهو هيجي يخدني
اتصلت ب فهد وهو قال انه هيجيلها بسرعه.....
بعد وقت جه فهد بعربيته وبصلها وقال بخوف: انتي كويسه حصلك اي
تيا: هقولك بعدين... تعالى اسندني
قرب منها وشالها وحطها فالعربيه وقال: تعالي يا انسه اوصلك
سندس: لاء شكرا انا بيتي فالشارع ده قريب من هنا..... سلام يا تيا ابقي طمنيني عليكي..... ومشيت
ركب العربيه وهي سكته وهو قال: حصل اي
بدأت تعيط وقالت: الجذمه ده ضربني حتة ضربه مش قادره احرك رجلي من سعتها
وقف العربيه وقال: اول مره تعيطي هي وجعتك اوي كده
تيا: اه... انا مسكه نفسي من العياط بالعافيه....
فهد: لازم تدوسي على وجعك ومتظهريش ضعفك لحد
حركت دماغها ب ماشي....
وهو اتحرك وقال: هنروح المستشفى نكشف وهرجعك بيتك
تيا: تمام يا عم فهد.... كلم بابا وقوله عشان ميقلقش
فهد: تمام....
بعد وقت...
كانوا فالمستشفى والدكتور كشف عليها ولقى انها حاجه بسيطه بس كانت الضربه صعبه شويه لفلها رجليها وبعد ما خلص الدكتور شلها فهد وركبوا وروحها.....
في بيت ادهم...
روح ووقف قدام مراية الحمام وقال: يخربيت اديكي ده انا خدي ازرق من بوكس واحد بس.... لاء بس شاطره اوي فالفنون القتاليه
خبط الباب وكانت مامته وقالت: يحبيبي انت هتفضل فالحمام كتير من ساعت ماجيت وانت قاعد فالحمام اطلع بقى.....
طلع وهي شهقت وقال: يلهوي مالك يا ابني
ادهم: اتخانقت مع واحد صحبي
رقيه: ده لسه اول حصه تعمل خناقه كده
ادهم: حصل خير...
رقيه: هاه فهمت من المستر
ادهم: اه فهمت... الحمد لله
رقيه: الحمد لله
دخل ابوه وهو بيقول: كويس انك فهمت اصل ده تالت مدرس علوم تروحله ومتفهمش منه
ادهم: ما حضرتك عارف اني مبحبش العلوم ومبعرفش افهمها كان لازم يحطوا فالمنهج علوم... ملها الرياضه ميت فل وعشره
فهد: عاوز اسمك يطلع السنه دي انت تالته اعدادي يعني شهاده
ادهم: حاسس اني بتعاير اني فتالته
ضحكوا.....
تاني يوم....
كانت واقفه بتلبس حجابها وحست بتحسن لما حطتها في ميه دفيه اخدت شنطتها وقالت: انا نازله يا ماما... ونزلت
راحت الدرس وكانت واقفه بتتكلم مع سندس
سندس: عامله ايه دلوقتي
تيا: كويسه الحمدلله
سندس: الحمدلله كنت خايفه عليكي
تيا: متخافيش.... انا بس عوزاكي تخافي على اللي هعمله فالاستاذ ادهم
سندس: حرام عليكي ده قمور اوي
تيا: قمر بالستر ياحبيبتي.... ورجعت بضهرها لورا وفجأة خبطت في.....
يتبع.....
أنت تقرأ
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
