الحلقه ال٦
اتصدمت وبصت ليه وكان فهد اللي فضلت تبصله بصدمه وهو اول ماشفها قال: ازيك يا تينا عامله اي
حركت دماغها وهي مزالت في صدمتها والاكبر في صدمتها كان ادهم اللي كان هيتكلم شاورله فهد انه يسكت وقال: انا العقيد فهد محمد صقر ابو ادهم... بدأوا كله يتهامس مابينهم اخده عصام وبدأوا يتكلموا بره
كانت قعده في صدمه وقالت سندس: هو مش ده عمو فهد بردو
سلمى: اه... طب ليه مقاليش
بعد وقت...
دخل ادهم مع عصام وشكل ادهم كان مضايق من ابوه.... قعد وفضل باصصلها....
لقته بعتلها رساله وقال: عارف انك مضايقه خلصي درسك وتعالي عالنادي وهكيلك....
بعد الدرس.....
نزلت وفضلت وقفه قرب عليها امجد وقال: حلوه منك الحركه دي بس مش هتعديها.... ومشي وسابها وهي غمضت عنيها واخدت نفس عميق وفتحت عنيها لقت ادهم قدامها وقال: ده احنا شكلنا صحاب... ده انتي صحبة ابويا اوي... هو انتي تيا اللي بيقعد يتكلم معاها... اتمنى اكون صديقك زي فهد
هنا بقى هي متكلمتش هي وطت عالارض ومسكت طوبه وحدفتها عليها وهو اتصدم وجت فجبهته وحط ايده على وشه وقال: اه يا بت المجانين والله لأوريكي.....
وطلع يجري وراها وهي طلعت تجري وهو قال: اي يا طفله بتجري
تيا: انا بردو اللي طفله.... اي يا ابو شنب اول مره اشوف واحد في تالته اعدادي عنده شنب ودقن كده... اهدى يا عمو كده ليجيلك شوجر
غصب عنه ضحك وقال: عمو... وشوجر ده انتي دماغ ومن التعب وقف وهي كملت جري وهو وقف وابتسم وقال: فاكره نفسها هتهرب مني انا عارف هتبقى فين....
بعد وقت....
كانت فالنادي وتحديدا فالصاله بتاعتها هي وفهد واول ما شفتها قالت بغضب: ازاي متقوليش ان ده ابنك ده اللي ضربني ده اللي خلاني مقدرش امشي ونزلت دموعي بسببه
دخل ادهم وقال: هي وجعتك اوي كده
فهد: مال جبهتك بتنزل دم ليه
ادهم وهو بيمسح الدم: بنت المجنونه دي السبب
تيا بغضب: ما تلم نفسك انا محترماك بس عشان انت ابن فهد
ادهم: لا ياشيخه محترماني ده انا جمالي راح بسببك
تيا: وانت كنت جميل اصلا ده انت شبه القلقاسه
اتصدم وفهد ضحك وهو شهق وقال زي الستات: يختيي هو انا مكنتش قمر يعني كده البنات مش هتقعد تعاكسني ومش هيحبوني وكمان انتي قولتي قلقاسه... انا قلقاسه يا بابا
ضحك فهد على شكلهم لانهم زي القط والفار وقال: اه... هههههه
ادهم بتمثيل: حتى انت يا بابا بتقول كده مش كفايه بتقعدوا تحبطوني وتقولوا اكلي وحش وفي الاخر بتكلوه عادي
تيا: كمااان يعني اللي اكلته ده كان اكلك
ادهم بفرحه: انتي كلتي منه... بس اي رأيك
تيا: مكنتش اد كده
فهد: دي كلتها زي القط الجعان وطلبت ان كل ما تعمل كيكه اجبلها منها
اتحرجت وادهم فرح وفتح شنطته وطلع علبه بلاستيك كان فيها كيكه وقال: لو عجبتك اوي كده اتفضليها... وكل ما اعمل هعمل حسابك
بصتله بصدمه وهي مش مصدقه انه بيكلمها كده ده كان من ثانيه بيتخانق معاها...
بصله فهد وقال في نفسه: يا حلاوه... حاسس اني قرطاس جوافه فالنص
ادهم: خوديها بقى ايدي وجعتني
بصتله وقالت : مش عاوزه حاجه
ادهم: ده انتي عينك فيها...بصتله بشر وكمل وهو شايفها اضايقت: اقصد يعني بتحبيها... عجبتك... فإيه رأيك نعمل مطش ملاكمه ولو كسبتي هتاخدي الكيكه ولو خسرتي هتخديها بردو... وهنبقى صحاب لو معندكيش مانع.... بصت لفهد وهو حرك راسه بالموافقه
تيا: تمام... هغير هدومي وجايه...
راحت اوضه تغير فيه لبسها وتلبس اللبس اللي بتتمرن بيه وتربط طرحتها
عند فهد وادهم....
فهد: عاوز تبقوا صحاب... اشمعنا يعني.....
ادهم: عادي.. مف....
قاطع كلامه لما طلعت ووقفت قدامه وربطت طرحتها وقالت: يلا....
بدأوا يضربوا في بعض ومره واحده وقعته عالارض بص في عنيها وقامت بعدت عنه وابتسمت بإنتصار ومره واحده كانت عالأرض وهو قال: اظن كده متعدلين... وعشان نبدأ صفحه بيضا بينا وبين بعض... عاوز اسمع كلمه واحده
تيا: اي يا ادهم
سرح وقال في نفسه: انا اسمي حلو اوي كده يخربيتك... وقالها: صافي يا لبن...
تيا: افندم
ادهم: صافي يا لبن..
اتكسفت من وضعيتهم وفهد لاحظ كسوفها وقرب منه وبعده عنها وهي قالت وهي بتحاول تداري خجلها: حليب يا قشطه
كانت هتمشي وقف قدامها واداها العلبه وقال: وده بقيت اتفقنا وان شاء الله كل ما اعمل هجبلك
تيا: ماشي
فهد: هيجيلك تسمم يا بنتي
ادهم: تسمم؟؟ وانت بتاكل منها ليه مدام هيجيلك تسمم
ضحك فهد وضربه على راسه بخفه وهي قالت ببسمه: طب والله طعمها حلو
ادهم: ربنا يخليكي ويجبر بخاطرك زي ما جبرتي بخاطري وان شاءالله لما اعمل فرن هشغلك معايا
ضحكت وراحت تتمرن على كيس الملاكمه...
كان فهد بيدربهم وجه ليه مكالمه شغل ومشي وسابهم قعدت عالارض بتعب بعد تمرين شديد قعد قدامها وقال: انتي بتتعبي نفسك ليه فالتمرين
تيا: عشان بحب كده....
حاول يفتح معاها كلام وقال: انتي اسهل ماده عندك اي واصعب ماده اي
تيا: اسهل ماده العلوم واصعب ماده الرياضه
ادهم: سبحان الله انا عكسك
تيا: اه لحظت انك فاشل علوم
ادهم: الملافظ سعد يا بت اي فاشل دي.... ما انتي كمان فاشله رياضه
تيا: انا بعرف احلها بس انا مبحبهاش بس
قال وهو عاوز يقرب منها اكتر: اي رأيك لما تيجي النادي اقعد اشرحلك الرياضه وانتي تشرحيلي العلوم وانا هنقل كل ايام دروسي معاكي وبالمره نبقى مع بعض
تيا: فكره مش وحشه.... بس انا مش عاوزه حد يعرف اني انا وانت بنتكلم
ادهم: ليه؟
فكرت في امجد وكلامه وقالت: عشان معروف اني مليش فالكلام ده وكفايه عندي ان اهلي واهلك عرفين اننا بنتكلم واننا زمايل مش اكتر
ادهم: تمام... مفيش مشكله...
دخل شخص في نفس سن فهد ونفس بنيته وقال: السلام عليكم هو فهد فين؟ ازيك يا سمسم... ازيك يا ابو كرش
غصب عنها ضحكت وهو ابتسم لضحكتها وقال: انا ابو كرش يا عم رائف
رائف: اه ابو كرش بكل الأكل اللي بتاكله ده... اي يا عم متحلق
ادهم: انا حابب كده
رائف: فهد فين
ادهم: راح الشغل
رائف: تمام... تعالوا ندرب شويه
قامت وقالت: اشطا وهو بصلها بصدمه وقال: عندك صحه حفظي عليها.... ابتسمت ورائف قال: يلا
بعد وقت....
فرد جسمه عالارض وقال: حسبي الله ونعم الوكيل فيك يا رائف انت وفهد
رائف: متلم نفسك ياحيوان...
ادهم: اه... اه.. اه.. طب بوء ميه طيب
ضحكت على شكله وقالت: انت شارب اي يعم عالمسا
ادهم: شارب؟؟؟ ياحالولي اشطا... انت لبست يا ادهم
استغربت ومفهمتش اللي قاله ورائف فهم وبصله ببسمه وقال في نفسه: الواد شكله وقع.... بيفكرني بنفسي مع نسمه لما كنا ولاد عم وحبتها وربتها على ايدي وانا اكبر منها ب عشر سنين قطع تفكيره لما قالت: طب سلام انا عشان الحق اروح
ادهم: ماتستني نروح مع بعض
رائف في نفسه: يا حنين وكمل وهو بيوجه كلامه ليها: استني يا بنتي هوصلك انتي وادهم عشان فهد مش موجود...
تيا: تمام... ودخلت تغير هدومها....
رائف: في حاجه اسمها غض البصر لو تسمع عنها...
ادهم: مش فاهم
رائف: عينك متجيش في عنيها تاني فاهم وتلم نظراتك بدل ما افركشلك الموضوع ده
ادهم: حاضر...
بعد وقت..
كانت فالبيت وعماله تاكل فالكيكه بشراهه وبتفكر فيه وضحكت على طريقته وقالت: يا مجنون يا ابن المجنونه ههههه
تاني يوم...
كانت قاعده هي وعيلتها وهو وعيلته قدامها وكانوا بيهزروا ويضحكوا
ادهم: بعد اذنك يا عم علي لو ينفع اخد رقم تيا اتعامل معاها عادي كزمايل وحضرتك تبقى عارف عشان لو في حاجه عوزتها منها تبعتهالي والعكس
بص علي لبنته اللي لقاها مركزه في كوبايه العصير بتعتها وحطه الهاند فري ومش معاهم اصلا...
فهد: انا شايف انها مش فكره وحشه
جاسر في نفسه: انا مش فاهم حاجه وماله الواد ده محترم كده ليه
علي: زماله بس بلاش كلام خارج
ادهم: لاء متقلقش مفيش كده
وبص ليها وشال السماعه وقال: تيا... ادي رقمك ل ادهم
تيا بإستغراب: ليه؟؟
قالها فهد وهي استغربت بس قالت: اشطا تمام.. ادته رقمها وفهد قال: بما ان احنا بدأنا نتجمع كلنا مع بعض اي رأيكوا نتجمع في ڤيلتي كل خميس وجمعه ايام اجازتنا نقضي يومين مع بعض
وافقوا عالفكره
فهد: بما ان شبابنا الاتنين تالته اعدادي وسنه مهمه فأنا عامل انا وعلي جايزة للي هيجيب مجموع حلو
تيا: فكره حلوة اوي
علي: احنا مش هنقارن مابينكم بس عاوزين اسمكم يطلع السنه دي اهم حاجه توفيق ربنا الصلاه ثم الصلاه ثم الصلاه.... قرب من ربنا وادعي ديما انه يوفقك ويجعلك الصعب سهل وبتيجي ديما فترة اسمها فقدان الشغف طبعا ده مرتبط بالحاله النفسيه فبلاش تسيبوا نفسكم في الحاله دي كتير هتحولوا تمنعوا نفسكم عن التليفون تعملوا جدول وترتبوا فيه موادكم ابدأوا بالصعب الاول عشان طاقتكم كلها تبقى عليه تحفظوا على صلاة الفجر وتعملوا ورد يومي تقروا صفحتين تلاته كده مش هتخسروا حاجه بعد كل فترة تاخد راحه نص ساعه ربع ساعه كده..... فرحونا.. انتو قدها... انتو لو قعدتوا قعدة رجاله هتلموا المنهج في اسبوع وانتو تقدروا تعملوا كده
بصت تيا وادهم لبعض وابتسموا وقالوا في نفس واحد: احنا قدها ونقدر
فهد: متنسوش ان الترم التاني هيبقى رمضان والعيد
ادهم: هو لسه في ترم تاني... لاء مش هقدر
ضحكوا عليه وهو ابتسم
عدى شهر وكانوا الاتنين مسكنها جد جدا وكل خميس وجمعه كانوا بيقدوا كلهم يومين مع بعض وكانوا الاتنين بيقعدوا مع بعض ويذاكروا بالنهار ويقعدوا معاهم بليل ويصحوا الفجر يصلوا ويقعدوا يذاكروا مع بعض كان الشهر ده بالنسبه لادهم احلى شهر لانه قرب منها ولقاها انها مرحه جدا وهي لقته نفس الكلام.....
في يوم...
كانت قاعده فالدرس وهو لسه مجاش لقت رساله منه انه هيتأخر شويه..... وفجأة لقت......
يتبع....
أنت تقرأ
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
