حب طفولتي(شغل جنان×جنان)

الحلقه ال٣٣

الحلقه ال٣٣
مكملتش كلامها بسبب اللي حصل اتلم رجاله مقنعين حولين الڤيلا وقفت تاليا ورا تيا كانت هتضربهم لكن وقعت من أثر حقنه مخدر اللي ضربه مقنع عليها وقفت بخوف وصرخت وقرب منها المقنع...
كانت بترجع ورا وهو بيقرب
واحد من الحراس قال: اجبها انا يا باشا
المقنع: اللي هيقرب والله العظيم ما هسيبه
عيطت وقالت؛ لاء بص متأذنش تيا... طب خدني انا وسيبها... طب متدنيش حقنه انا بخاف منها اوي...
ابتسم من تحت القناع وقال: مش هديكي حقنه خالص والله لاني عارف انك بتخافي منهم... ورش في وشها مخدر وأغمى عليها
عند ادهم وعلى...
سمعوا صوت الصويت جريوا عليهم وراحوا عندهم لقوا تيا على الارض جري ادهم عليها وحاول يصحيها لكنها كانت متخدره...
علي: بنتي فين تاليا...
شال ادهم تيا وقال: في كاميرات صح
علي: اه..
ادهم: هنعرف ايه اللي حصل تعالى...
صحيت تيا وقالت؛ تاليا.. تاليا فين
علي: اهدي يا بنتي هنلاقيها...
اتفتح الكاميرات وادهم قال: اخدوها...
تيا: يعني ايه مش فاهمه..
ادهم: مش ملاحظه انه مأذهاش زيك..
تيا؛ مش فاهمه
ادهم: يعني رش في وشها مش زيك اداكي حقنه...
علي: الواد ده عارف حجات كتير عن تاليا...
ادهم: هحاول اتتبع تليفونها...
عند تاليا...
في الطريق...
كانت نايمه وهو ساند راسها على صدره وبيطبطب عليها بصله السواق والشخص اللي جمبه لاحظهم وقال بخشونه: عينك انت وهو وركز في السواقه...
فتحت عنيها ببطأ ومسكت في صدره وقالت بتعب؛ اه يا دماغي انا فين
المجهول؛ في حضني...
بعدت وقالت؛ انت مين... وبصتلهم: انتو مين عيطت وقالت: لو هتاخدوا اعضائي انا لحمي مر ومش هيعجكم خدوا البت تيا بتاكل حلويات كتير فأكيد هتبقى طعمها حلو... ولا أقولكم الواد ادهم دمو خفيف
المجهول: وادهم عجبك بقى على كده
أستغربت وقالت؛ انت مالك يا أخ انا بكلم عمو السواق... ضحكوا وهي قالت؛ انتو عوزين ايه
المجهول: ركزي معايا انا...
تاليا؛ عمو المقنع انت انا خايفه منك ومش هتكلم معاك... ضحكوا عليها والمجهول قال: طب أسكتي شويه... بصتله وقالت؛ انت طيب ليه
رفع حاجبه وقال: طيب
تاليا: ايوة المفروض تضربني او تعذبني او تحط قماشه على عيني عشان معرفش الطريق وافتن عليكم...
ضحك الراجل اللي بيسوق واللي جمبه...
المقنع: بصي يا تاليا لو سكتي مش هعملك حاجه... سكتت وهو قال: قوليلي بقى تيا اختك في مهمه عاوز معلومات عنها... فضلت ساكته وهو زعق وقال: ما تنطقي انا خلقي ضيق...
تاليا بخوف من نبرته: مش انت يا عمو المقنع قولتلي اسكتي ومتتكلميش ولو سكت انت مش هتعملي حاجه... انفجروا في الضحك ما عدا هو اللي قال وهو بيجز على سنانه: هو انتي بتاخدي الكلام بالمعنى الحرفي
تاليا: ما انا خوفت تإذيني
طبطب عليها وقال: انا لا يمكن أذيكي... زقت ايده وقالت بحده: لاء بص مش عشان شخطت فيا كام شخطه فاكرني هخاف منك لاء ده انا تاليا علي... إبتسم وقال: أحبك وانت شرس يا ملبس..
إستغربت ولثواني بصت في عيونه اللي لونها إسود وجزء من شعره اللي نازل على وشه وقرب من عنيه إبتسمت فهي عارفه صاحب العيون السواد دي..
وقفوا عند مبنى قديم..
بعد وقت...
دخلها اوضه وكان هيطلع وقفه صوتها وهي بتقول؛ أحمد...
لفلها وقال: أحمد مين..
إبتسمت وقالت؛ متحاولش تضحك عليا أنا عرفتك...
قفل الباب وقال: وعرفتيني إزاي...
تاليا؛ من تسريحه شعرك وعيونك السودا اللي أول ما جت عيني في عينك الصبح وإحنا في المعرض شوفتهم وانهم اد ايه حلوين... ابتسم من تحت القناع وهي قربت خطوة وحطت اديها على القناع وقالت: ممكن...
احمد: طبعاً...
شالت القناع وأول ما شالته كانت على وشه إبتسامه إبتسمت ليه... بصوا لبعض شويه وهي اتنهدت وقالت؛ انت بتعمل كدا ليه
احمد: حكايه طويله اوي يا تاليا طويله اوي..
تاليا: انا هسمعك... بصلها وقال: طيب... ونده على شخص وقال: كوبايه شاي وانتي...
تاليا؛ شاي... بصلها شويه وقال؛ طب اطلع.. طلع الشخص وهو بصلها وقال: بس انتي مبتحبيش الشاي...
تاليا؛ ده انت مركز وعارف عني حجات اهه..
احمد: انا اعرفك عنك كل حاجه... اعرف انك بتخافي من الضلمه لحد دلوقتي... اعرف انك لسه بتلعبي بالعرايس والمكعبات... اعرف انك مبتخبيش تلبسي كعب عشان صوباعك الأخير اكبر من اللي قبله...
بصتله بصدمه فمحدش يعرف عنها الحجات دي...
ضمت رجلها وقالت؛ هاه يا أحمد احكي..
أحمد: اولا كدا انا مسميش أحمد
تاليا بصدمه: حتى ديه كدب..
احمد: ما اختك كدابه وبتقولي انها اسمها آيه..
سكتت وهو قال: اسمي داغر...
تاليا؛ الله اسمك حلو اوي...
ابتسم وقال؛ شكرا يا ستي.. جه الراجل وحط الشاي ومشي...
بصت للشاي بإشمئزاز وهو لا حظها وقال: جربيه انتي جربتيه..
تاليا: انت هتقول زي ماما لما بقولها مبحبش السمك وهي بردو بتجيبه واقولها مش هاكل تقولي انتي دقتيه جربتيه... ضحك وقال: الله يرحمك يما... بصتله انه يحكي وهو قال: انا اعرفك من زمان يا تيا من ساعت ما كنتي بتروحي النادي وترسمي فيه لفتي إنتباهي قلبك طيب وحنين ولما بتروحي الملجأ وبتلعبي مع العيال هناك انا مش قادر مشلكيش من بالي انتي علطول في بالي وقلبي كل ما بشوفك بحس اني بنهزم وبقول لنفسي " ازاي واحد زيي اعتاد الإنتصار وإذا به يراكي ويرى عيناك يقع منهزما "؟؟!!
تاليا: يعني انت... قاطعها وقال: بحبك انا بحبك يا تاليا وانتي بتاعتي انا.. انتي من ممتلكاتي وانا جدا اناني ومتملك لحاجتي...واي واحد بيحاول يقرب منك بقضي عليه...
حاولت تمنع إبتسامتها فهي لا تنكر انها تفكر فيه من اول مره تلاقت أعينهم...
داغر: تعرفي انا عمري ما تخيلت اني هحبك وسط مشاكلي واللي بعمله
تاليا: مشاكل ايه؟؟
داغر؛ يعني ركزتي في ديه وسبتي بحبك...
تجهلت جملته وهو اتنهد وقرب من ودنها وهمس: انا زعيم مافيا يا ملبس..
شهقت وقالت: هو انت اللي تيا عاوزه تقبض عليه...
داغر بتأثر: شوفتي ان اختك مفتريه... ضحكت عليه واول ما ضحكت ظهرت سبعين ألف إبتسامه على وجهه لرؤيتها تضحك...
تاليا بنبره ضحك: تيا مش مفتريه ولا حاجه تيا بتأدي دورها الوطني وده شغلها..
داغر: ما هي حاولت تضحك عليا بس متعرفش اني عاشق لأختها وعارف عنكم كل حاجه... سكتت وفركت اديها بتوتر وهو إبتسم وقال: انا هرجعك بيتك بس لما نتكلم شويه
تاليا: يعني هترجعني البيت...
داغر: اه.. مكنش في فرصه تانيه اتكلم معاكي بيها وانتي مدتنيش فرصه لحل تاني فكان لازم اعمل كدا...
تاليا: مش انت بتقول بتحبني..
داغر: ايوة
تاليا: لو بتحبني بجد اتغير وسيب الحرام اللي انت فيه...
داغر: مش هقدر يا تاليا انا لو سبو الشغل ده هتأذي وأذيه كبيره يعلم ربنا إني مش فارقه معايا إني أتأذي بس هما هيأذوني فيكي إنتي لإنهم عرفو إنك تخصيني أول قانون في المافيا عندنا أن محدش يحب لأن اللي بيحب بيتأذي ولما بينسحب من المجال ده بيأذوه في الشخص اللي بيحبه وقلبي مخترش غير طريقك يا تاليا....
تاليا: هتقدر يا داغر صدقني هتقدر...
داغر: حتى لو إتغيرت فيدته إيه ما انتي مش بتحبيني...
تاليا: مش لازم تتغير عشاني اتغير عشان نفسك وحتى بعد كدا عشان غيري...
داغر: انتي بس اللي في قلبي يا تاليا.. بصلها بحب وقال: في يسار صدري بيت صغير لن يسكنه غيرك
إبتسمت وقالت: خلاص لو عاوزني أحبك فعلا إتغير
داغر: مع انه صعب بس هعمل كده...
تاليا: بقولك ايه واحنا داخلين هنا كان في راجل بيزعقلك...
داغر بسخريه: اه ده للأسف ابويا...
تاليا: وللأسف ليه...
داغر: لإني مبحبهوش...
تاليا: مفيش حد بيكره ابوه ومفيش أب بيكره إبنه...
داغرد: لاء فيه لو واحد زي أبويا يبقى فيه...
تاليا: طيب يا داغر...
داغر بمشاكسه: هو انا اسمي حلو أوي كده...
إبتسمت بخجل وهو بص لكوبايه الشاي بتاعتها اللي خلصتها إبتسم وقال: هطلع وشويه وجايلك...
تاليا: ماشي...
طلع داغر وقابله راجل ملامحه مليانه غل وكره....
صبري بغضب: انت ايه اللي انت عملته ده..
داغر ببرود: انا حر
صبري بسخريه؛ اوعى تكون حبتها يا واد
داغر؛ ميخصكش..
صبري بسخريه: يبقى حبتها هي حلوة فعلا... انت هتودينا كلنا في داهيه عشان الزفته دي... انقض عليه وقال بصوت مرعب: لو قولت كلمه واحده تاني عليها انا ساكت بس عشان انت ابويا صدقني هنسى انك ابويا وهقطعلك لسانك وانت عارفني اني اقدر اعملها صح ولا لاء...
صبري بخنق من ايده اللي قابضه على رقبته: سبني... سبني..
سابه وقال: والله العظيم لو حد عرف بموضوع تاليا ده اقسم بالله هقتلك... سابه ودخل عند تاليا وقال: يلا...
بعد وقت...
في الڤيلا كانوا قلقانين
رقيه: اهدي يا فوفا والله هنلاقيها
فريده.بعياط: اهدى ازاي وبنتي إتخطفت في بيت ظباط ده قلبه ميت انه ياخدها من بيتها وهو عارف ان فيه ظباط...
ادهم: العربيه كانت متتبعين أثرها مش لقينها...
فريده بخوف؛ يعني ايه يعني بنتي راحت مني كدا خلاص...
خبط الباب واتفتح وكانت صدمتهم لما كانت تاليا...
تاليا: اي يا جماعه بتبصولي كدا ليه..
حضنتها فريده وتيا...
تيا؛ انتي هربتي ازاي...
تاليا: مهربنش هو اللي جبني..
تيا: هو مين
تاليا: معرفش كان لابس ماسك... بصتلها نظره طويله وتاليا قالت: عن اذنكم انا عاوزه ارتاح...
فهد بهمس لتيا: اطلعي وشوفي في ايه
تيا: هعمل كدا
عند تاليا...
قفلت الباب وسندت ضهرها على الباب وابتسمت بفرحه وأفتكرت اللي حصل...
فلاش باك...
في الطريق...
داغر: مالك
تاليا: بفكر
داغر: في اي
تاليا: اني لما اروح هقولهم اي
داغر: انتي حره عاوزه تقوللهم عليا او مش عاوزه انتي حره انا مش هجبرك على حاجه ده قرارك... وقف بالعربيه قريب من الڤيلا وهي نزلت  وكانت هتمشي قال؛ بحبك يا تاليا...
باك...
ابتسمت وقالت؛ اللي انا عملته صح... اتفتح الباب ودخلت تيا وقالت:ايه يا تاليا يا حبيبتي انتي كويسه
تاليا: اه يا تيا كويسه
تيا: حسيتك مش عارفه تتكلمي قدامهم قوليلي مين اللي خطفك وعمل حاجه فيكي قوليلي...
تاليا؛ زي ما قولتلكم تحت مشفتهوش بسبب الماسك
تيا؛ متأكده
تاليا: اه
تيا: يعني مكنش احمد
تاليا بتوتر: لاء واحمد يعمل كده ليه اصلا وبعدين انتي كذبتي عليه ليه وقولتي انك اسمك ايه...
تيا: هحكيلك...
قعدوا وتيا قالت: احمد من اكبر زعماء المافيا الأجانب كمل مسيرته بعد ابوه وبقى من اكبر زعماء المافيا المعروف في بلاد بره ومطلوب القبض عليه بره وجه مصر ومكلف بسرقه تمثال بتاع تاريخنا ولأنه زير نساء سهل جدا اضحك عليه واوقعه في المصيده ونقبض عليع وبكدا اكون اديت واجبي الوطني وحميت البلد من أمثاله...
تاليا: مش يمكن اللي بيعمله ده غصب عنه
تيا: مفيش حاجه غصب عن حد احنا بطبيعتنا بنقدر نفرق بين كل حاجه وعندنا عقل يوجهنا... سكتت وقالت: طيب
تيا: المهم لو شوفتيه تاني او حاول يقرب منك قوليلي..
تاليا: تمام... طلعت وتاليا قالت في نفسها: اكيد هيتغير انا واثقه ان كل اللي بيحصله ده وراه حاجه...
في مكان تاني...
في مكان ضلمه مفهوش اي مكان يدخل منه الضوء كان قاعد شخص مقنع وباين عليه الغضب اتفتح الباب ودخل شخص من رجالته انحنى وقال: داوود بيه فعلا زي ما انت قولت..
ضحك بشر وقال: خليك مراقبهم واوعى يبعدوا عن عينك والا هيبقى فيها موتك... طلع الؤاجل وضحك بشر وقال: والله عال ان الزفت ده يشوف نور في حياته ده انا هخلي حياته سودا عليه شال القناع وكان...
يتبع...
رايكم يهمني يا حبايبي ❤❤