الحلقه ال٤
وكان امجد اللي قال: اي تيتي بقيتي قاسيه اوي اي مش انا امجد حبيبك
تيا: حبيب مين يا حيلتها انت مصدق نفسك
امجد: ومصدقش نفسي ليه مش كنتي بتحبيني
تيا: انا مكنتش بحبك وحتى لو كنت بحبك انت قولتها بنفسك كنت بحبك...
امجد: لحقتي تنسيني.... هو ادهم خلاكي تنسيني بالسرعه دي
اتصدمت من الرساله وعملت بلوك
وبعتت المحادثه ل فهد وهو قال انه هيتصرف....
جه في بالها ادهم لما قال انه خايف عليها ولما وقعت وهو لحقها ابتسمت وفاقت لنفسها وقال: مش هوهم نفسي تاني... وقالت كل حاجه غلط
عند ادهم...
كان قاعد وسرحان وبيفكر فيها وقلبه بيدق جامد وحط ايده على قلبه وقال: اهدى اهدى... مالك في اي... يوم ما قلبي يدق يدق ل ديه... الله يسامحك يا ام عيون زي القهوة...
وكتب في كراسه وكتب... لم اكن احب القهوة حتى عشقت عيناها ويخربيت عيناها..... دخل عليه ابوه وقال: عملت اي انهارده
ادهم: الحمد لله.. الماده سهله السنه دي لكن العلوم بردو صعبه
فهد: طول عمرك بتحب الرياضه وده اللي مخليني حاطط امل فيك تطلع مهندس
ادهم بمرح: ومش اي مهندس... مهندس تكنولوجيا واكبر هكر فيكي يا بلد.... ههههههه
فهد: عقبال العلوم
سرح فيها وقال بتوهان: يخربيت عيون العلوم....
استغرب فهد ولكنه ادعى انه مسمعهوش....
وطلع وسابه وهو قال:انا هقوم اعمل كيكه من اختراعي الشخصي ...
وقف فالمطبخ وحط الادوات والطلبات اللي عيعوزها وقال وهو بيخلط الدقيق مع البيض: اعزائي المشاهدين عاوزكم تخلطوا كويس الدقيق مع البيض والكاكاو... عشان متعملش كتل فالفرن وتبقى حته مستويه وحته نيه.... وقعد يشرح زي الاهبل للخيال حطها فالفرن وقال: هنحطها ٢٠دقيقه واول ما تطلع هوريكو شكلها وقال: يلهوي لو رقيه شافت المطبخ كدا هتعلقني مكان النجفه.... قعد ينضف وبعد وقت.. طلع الكيكه وحطها في طبق وقعد يزينها وقال: وبكدا اعزائي المشاهدين تكون خلصت حلقتنا في تعلم الكيكه بالشوكلاته واستنونا في حلقه جديده من مطبخ ادهم والسلام عليكم ورحمه الله وبركاته
رقيه: اي يا ابن الهبله... محسسني انك مخترع الكيكه ده انت جايبها من عالنت
ادهم: في اي يماما اي الاحباط ده ليه ديما بتحبطوني وبتحطموا امالي في اني ابقى طباخ شاطر
رقيه: يخسارة تربيك في عيالك يا رقيه مخلفه طباخ فاشل والتاني ظابط فاشل
دخل جاسر اخوه وشهق وحط ايده على صدره زي الستات: انا ظابط فاشل
رقيه: اه ومتخلف كمان
قعد عالكرسي وقال: اغرفلي يا واد يا ادهم... ريحة الكيكه قالبه العماره ونا طالع عالسلم وشميت الريحه قولت اخويا الجامد بيعمل اختراع جديد... اداله طبق وهو بدأ ياكل ببرود ومد ايده وقال: تخدي حته دي حتى طعمها حلو... جامظه تسلم ايدك ياواد يا ادهم... ليك مستقبل حلو
هنا بقى حست رقيه انها هتتشل وقالت: يخيبتك في عيالك يا رقيه وطلعت وسبتهم وقال جاسر وهو بياكل: مالها دي...
ادهم: هي بجد عجبتك
جاسر: انت صدقت نفسك ولا اي دي حتى مستويه بزياده
اتصدم ادهم وقال: دشملت خواطري الهي يدشمل خواطرك.... وقعدوا ياكلوا مع بعض.....
تاني يوم....
كان واقف فهد وبيلعب ضغط قربت منه وقالت: ازيك يا كابتن
فهد: اهلا بالعسل...
تيا: عملت اي فالموضوع اللي قلتلك عليه
فهد: كله تمام وكل حاجه هتخلص بسرعه
تيا: لاء مخابرات فعلا.... الهي يارب يزودك دبابيرك
ضحك فهد وقال: انا عقيد يا بت يعني عديت الدبابير
تيا: ماشاء الله.... انا مش مسمحه نفسي كل حاجه كانت غلط فحياتي
فهد: الناس فكره ان مفهوم الغلط انه غلط بالعكس اذا كان الغلط فرصه نتعلم منه الصح ازاي يبقى غلط.... مفيش حد بيتعلم ببلاش... لازم نقع عشان نطلع... وزي مقال ربنا في كتابه الكريم "وعسى ان تكرهوا شيئا وهو خير لكم وعسى ان تحبوا شيئا وهو شرا لكم والله يعلم وانتم لا تعلمون"....
تيا: رغم ايماني الشديد بأن الحجات اللي بتروح مكنتش الخير لينا ويقيني التام بأن مفيش حاجه حقيقيه بتنتهي... الا اني مبقدرش امنع نفسي من التساؤل؛ ليه ديما الحجات اللي بنعوزها هي مبتعوزناش....
فهد: عشان بنديها اهتمام زياده عن اللزوم بنثق فيها زياده عن اللزوم بنبقى طيبين على نيتنا.... اوعى تزعل انك طيب لاء ربنا بيحب الطيب وبيحبب في خلقه وبيبنله اد اي الناس دي بتكره عن طريق موقف
تيا: عندك حق يا فهودي....
فهد: فهودك!! رقيه لو سمعتك هتقتلك...
تيا بضحك: تعرف لو مكنتش متجوز كنت اتجوزتك...
قعدوا يضحكوا وهو طلع كيكه من شنطته وقال: عمايل ايد ابني اتفضلي عملت حسابك في حته
قعدت عالأرض وقعدوا ياكلوا مع بعض وهو قال: اعملي حسابك ان كل قطمه هتكليها هتلعبي بيها رياضه عشان جسمك ميتخنش
تيا: على فكره انا اتخنقت حتى الاكل الحلو مانعني منه اخري جبنه قريش وخياره وتمن رغيف عيش ايه ده
فهد: اذا كان عجبك بقى... علفكره انا بعمل معاهم كده فالبيت وادهم وجاسر مبيطقوش نفسهم
قعدت تضحك وبعد ما خلصوا... قامت وبدأت تتمرن.....
عند امجد...
كان مروح من درسه وبيكلم حد فالتليفون وقال: اي يحبيبتي... انزلي يلا...
انجيل: حاضر...
نزلت وقعدوا يخرجوا مع بعض وهما مش عارفين انهم بيعصوا ربهم قعدوا وقت طويل مع بعض لحد بليل....
كانوا مشين وهي قالت: انا اتأخرت اوي ماما عارفه ان الدرس خلص من نص ساعه اقولها اي دلوقتي...
امجد: قوللها انك اتأخرتي شويه عشان المستر طول....
حركت دماغها ب ماشي....
فضلوا يمشوا لحد ما........
يتبع......
أنت تقرأ
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
