حب طفولتي(شغل جنان×جنان)

الحلقه ال٢٨

الحلقه ال٢٨
كانوا واقفين كتير من الظباط ولابسين الزي الرسمي وبيتخرجوا من اخر سنه من كليه الشرطه وبيقولوا القسم...
قربت تيا من ادهم ووقفت جمبه ورفعت تليفونها وبدأوا يتضوروا وبيعملوا اشكال بضحك بوشهم...
بعد وقت...
تيا: مش مصدقه اني بقيت ظابط اخيرا ولبست البدله واخدت مسدس
ادهم: ولا انا الصراحه بقى انا ادهم الطباخ العالمي ابقى ظابط قالاخر
تيا: انت تطول
ادهم: اطول ونص يختي...
تيا: هيييححح انا جعانه
ادهم: لما نروح بيتك هعملك صنيه بسبوسه بالقشطه هتاكلي صوابعك وراها
تيا: اهيء اهيء هو انا مقولتلكش
ادهم: لاء مقولتيش
تيا: مش رائف وفهد وعلي سمعتهم امبارح بيقولوا اننا مش هناكل اي سكريات واي حاجه تتخن عشان نحافظ على جسمنا...
كان واقف وحاسس انه هيتشل وقال بتهتها: يع.. ني.. اي..
تيا: يعني مفيش اكلك تاني... وكملت بتأثر وحزن: ومش هاكل البسبوسه اللي بتعملهالي والكنافه والمحشي الكوسه والمحشي الورق عنب والمحشي الكرنب
ادهم: ايييي اي لستت محشي فتحت
تيا: اعمل اي ما انا بحب اكلك
ادهم: تعالي نروح ناكل في مطعم ونرفهه عن نفسنا
سقفت بفرحه وقالت: يلاا يسطا...
كانوا هيمشوا وقفهم علي وقال: ريحين فين
ادهم: هروح انا وتيا ناكل بمناسبه اننا اتخرجنا ونتفسح شويه ونروح النادي نتدرب..
علي بغيرة على بنته: اممم وانت هتفضلوا رايحين جايين كده مع بعض عادي كده..
مال عليه وهمس: لو عاوزها تبقى رسمي معنديش مانع 
اتصدم عليه وحس انه هيجيله جلطه.... وبعد عنه وقال: هستناكي فالعربيه يا تينا... ومشي...
تيا: هو قالك اي
علي: امشي يا تيا
جريت لما شافت ملامح وشه...
قرب فهد من علي وحط ايده على كتفه وقال: مالك ياعلي وشك عامل كده ليه
بصله واداله بوكس في وشه وقال: ابعد ابنك عن بنتي
اتصدم فهد وقال: في اي وبتضربني ليه وادهم عملك اي عشان كده
علي بغضب: ابنك بيحب تيا وبيقولي اخرج معاها رسمي هو عاوز ياخدها مني مش كفايه مبتتعملش غير معاه ومبتكلمش غيره وبتغضب ربنا
فهد: هي مش بتغضب ربنا لاننا عارفين انها بتكلمه ومش مخبيه حاجه...
علي: يعني بيحبها
فهد: مش عارف شوف انت...
علي: عموما هو لو اتقدم انا هرفض
فهد: لو جه وقتها...
علي: لو جه بقى
عند ادهم وتيا...
كانوا قاعدين في جنينه وهي قاعده جمبه
تيا: انت قولت اي لبابا خلاه يتعصب
ادهم: مقولتش...
تيا: لاء قولت اي
ادهم: قولتله اني بحب ولما اروح اتقدم هاخده معايا...
تيا: اي... هتتقدم...
ادهم: اه قريب
تيا: معاك صورتها
ادهم: لاء
تيا: ولا بتكلمها
ادهم: لاء بس مستني الوقت معين واكلمها
كتمت غضبها وقالت: ماشي...
بص جمبه لقى ورد كتير وشكله حلو قطف واحده واداهلها... اخدتها منه وحطتها فالشنطه وهو ابتسم
ادهم: تيجي نروح نجيب سندوتشين
تيا: ما تيجي نجيب كبده
بصلها وقال: انتي عاوزه يجيلك تسمم
تيا: لاء بس بيفكرني بأيام السنويه لما كنا بنطلع من الدرس وناكل سندوتشين كدا...
ضحك وقال: يوم ماجالنا نزله معويه
ضحكت وقالت: اه كانت اياااام
ادهم: تعالي يلاا...
قاموا يمشوا يروحوا عند عربيه الكبده لقوا ناس كتيره قاعدين حوالين طرابيزه طويله وفيها اكل كتيرر..
تيا: ده اي ده
ادهم: مش عارف تعالي نشوف...
سأل وطلعت مسابقه اكل
تيا بفرحه: الله... ادهم انا عاوزه اشارك
بصلها وقال: خلاص اكتب اسامينا هنشارك...
جريت عالكرسي وقعدت وبصت للي قاعدين بتحدي
ضحك ادهم عليها وقعد قدامها وقال: انا لو مقدرتش اكمل تستحملي كدا وكلي تمام
تيا: تمام انا موافقه انا اصلا جعانه
ادهم: ما انا معتمد على طفاستك وقوعه... ابتسمت
بعد وقت
بدأت المسابقه وبدأوا ياكلوا وهي اكلة بشراهه مستحملش ادهم وانسحب وانسحب كتير من المتسابقين ومتبقاش غير ولدين قدام تيا بصتلهم بتحدي وقعدت تاكل وادهم كان بينط ويشجعها وهما تعبوا بصت لبطبقهم وبدأت تاكل فيه....
ادهم: خلاص يا طفسه كسبتي...
ضحكت وقعدت تنط من الفرحه واخدوا الجايزه وهي قالت: اللهم صلي عالنبي
ابتسم وفجأة....
يتبع...