حب طفولتي(شغل جنان×جنان)

الحلقه ال١٩

الحلقه ال١٩
وفجأة وقع العصير على اللاب بتاع رائف
تيا بخوف: ياحلولي ده انا هتعلق مكان النجفه... يلهوي يلهوي يخربيتك يا تيا
حاولت تفتح اللاب مرداش يفتح
تيا: ياصلاة الزين ده اتحرق...
مسكت مناديل ومسحت مكان العصير وقالت: يارب ماياخد باله
وطلعت لقت الشباب التلاته بيشربوا قهوة... جريت على علي وحضنته وقالت: حبيبي دائما
ابتسملها وقال: حبيبت ابوكي
فهد: يعني هو حبيبك وانا اي
تيا: هو حبيبي اما انت حياتي
ابتسموا عليها وفهد قال: اي يا رائف متعلق قول اي حاجه خليها تقولك انت معزتها عندك اي
رائف: همسه هتعلقني
ضحكوا وهي قربت منه لما شافت همسه بتقرب...
تيا بدلع: رئوفه ده بقى معزته كبيرة اوي اوي اوي
همسه بغضب: ابعدي عن بابي
تيا: انسي ده حبي
صرخت همسه بجنون وبصت لأدهم اللي مراقب بصمت وقالت: قولها تبعد بدل ما اقولها على...
قاطعها لما حط ايده على فمها وقال بهمس: لو قولتلها يا همسه مش هسمي عليكي وهقتلك عروستك زوزه فاهمه
حركت دماغها بحاضر ورائف قال: ابعد ايدك عن بنتي...
بعد عنها وهمسه بصتله انه يقول لتيا..
ادهم: معلش يا تيا ابعدي عن رائف عشان همسه زعلانه
تيا: لاء
ادهم: ابوس ضوافرك يا شيخه هتفضح دلوقتي ابعدي
بصتله بعدم فهم لكنها ضحكت على طريقته وبعدت عن رائف...
همسه: لو قربتي من بابي تاني هزعل منك
تيا: وانا مقدرش على زعلك يا جميل
ابتسمت وقربت من ادهم وهمستله: تيا هتبقى مامي طيبه اوي انا بحبها انا موافقه عالجوازه.... ضحك ادهم ورائف كان غيران على بنته وقال بحده: تعالي ياست همسه جمبي
قربت منه وهو قال بهمس: انتي ماسكه اي عالواد ده
همسه بهمس: ده سر ومش هينفع اقول
رائف: على فكرة انا عارف السر
همسه: مش هتضحك عليا ومش هقولك..
رائف: ماشي يا همستي... بس انا بجد عارف...
بعد وقت...
كان ادهم ماسك طبق فيه كيكه وبيأكل همسه اللي أمرته بكده
ادهم في نفسه: حسبي الله ونعم الوكيل فيكي ياهمسه يابت رائف
كانت تيا قاعده بتبصله ومبتسمه على شكله
فهد: عملتو اي فالإمتحان
تيا: الحمد لله كان حلو
ادهم: الحمدلله
فهد: مش مرتاح ليك
ادهم: ليه بس ياجدع
تيا: على فكره احنا رجعنا الامتحان والاجابات كانت حلوه
فهد: الحمدلله
كانت قاعده بتفتكر شكله قبل مايخدوا الورق
فلاش باك...
كانت قاعده قدامه خبطها في ضهرها وهي لفتله...
ادهم: حسبي الله ونعم الوكيل
تيا: ادعي يا ادهم انه يبقى حلو
ادهم وهو رافع ايده عشان يدعي وقال بصوت عالي: الله اكبر كبيرا دخلت الامتحان بلا تحضيرا السؤال الاول كان عسيرا... اما السؤال التاني لم اجد له تفسيرا... السؤال الثالث كاد عقلي ان يطيرا اللهم قرب ورقة زميلي مني وابعد المراقبين عني آميين واجعلني انقل بتأني آميين...
ضحك كل اللي فاللجنه حتى المراقب ضحك وقالوا في نفس واحد: آمييين...
ادهم: يستر عرضكم...
ضحكت تيا.. والمواقب قال: تصدق ياحدق انت الوحيد اللي هبقى مركز معاك
ادهم: بشايرك يااسر الكلب...
باك...
كانت مبتسمه وفهد اخد باله وقال: هو الموضوع يفرح اوي كده
بصت لأدهم وقالت: انتم مشفتهوش عمل اي في اللجنه... بصولها كله بإهتمام وحكت ليهم...
قعدوا يضحكوا وفهد ضربه على راسه بخفه وضحك عليه
فهد بهمس: معاك المعلومات مش كده
رائف بهمس: اه... معايا عاللاب
كانت سمعاهم وقالت في نفسها: يمصيبتك ياتيا.. ياحظك الأسود ياتيا... هيقولو عليا يارحمان يارحيم
بعد وقت...
كان قاعد رائف في المكتب وبيفكر فالمهمه اللي عليه... مسك اللاب وحاول يفتحه مرداش يفتح خبط عالمكتب وقال: في اي مش عاوز يفتح ليه... حاول اكتر من مره لكن مفيش فايده...
قام فتح الباب وقال بصراخ: نسمه... همسه... تعالو هنا...
جريوا عليه ونسمه قالت: في اي يحبيبي
رائف بغضب: مين اللي دخل المكتب انهارده..
همسه: ادهم وتيا كانوا فالمكتب انهارده
ابتسم ببسمه خبيثه وقال: طب حلو اوي....
اتصل على ادهم
ادهم: اي ياعم رائف
رائف: عاوزك بكره انت وتيا فالنادي
ادهم: حاضر... بس في حاجه
رائف بخبث: لا ولا حاجه تعالو بس عالمعاد...
قفل معاه واتصل عليها...
تيا: اي يسطا
ادهم: رائف عاوزنا بكره
تيا: مقلش ليه
ادهم: لاء
بلعت ريقها بخوف وقالت بخوف: انا عارفه هو عاوزنا ليه
ادهم: ايوة عملتي ايه بقى عشان لما طلعتي من المكتب كنتي بتجري
تيا: الصراحه انا وقعت العصير على اللاب بتاع رائف
ادهم: ياحلاوتك ياست تيا ده انتي هتتعلقي بكره
تيا: ربنا يستر
ادهم: متقلقيش خير ان شاءالله
تيا: ان شاء الله
عند رائف...
كان بيمشي ورا همسه ونسمه عشان يصالح فيهم
رائف: مكنش قصدي ازعق والله
نسمه: لاء انت زعقتلي وانا زعلت منك
مسك اديها وقبلها بحنان وقال: حقك عليا يانسمتي
بصتله همسه وقالت: صالحني يابابي
قرب منها ونزل لمستواها وباس دماغها وحب ابوي وقال: متزعليش ياهموسه... ابتسمت واتعلقت في رقبته وهو شالها بصتله نسمه وقالت: انا اللي كنت بتشال على فكره
ضحك رائف وشالها وقال: تعالو بقى ننام واخدكم في حضني....
ضحكوا كلهم في صوت واحد...
عند تيا وفريده...
فريده: عاوزه تفهميني انك مبتحبيش ادهم..
كانت لفه وشها النحيه التانيه ومش عاوزه عنيها تيجي فعين مامتها وقالت: لاء مبحبهوش بس بيضحكني وانا اتعودت عليه
فريده: طب عيني في عينك كده
تيا: ماما مبحبهوش وده اخر كلام عندي
قامت وقالت: عن اذنك... وسبتها وراحت على اوضتها...
تاني يوم...
راحوا النادي وراحوا عالصاله اللي بيتمرنوا فيها اول ما دخلوا ملقوش حد
تيا: صلي على محمد
ادهم: عليه افضل الصلاة والسلام... انا مش مرتاح للهدوء ده
تيا: ولا انا... وفجأة......
يتبع...