حب طفولتي(شغل جنان×جنان)

الحلقه ال٢٣

الحلقه ال٢٣
رائف: هنكمل المعسكر في الصحراء
هما بقى هنا تنحوا متكلموش وبصوا لبعض وقع ادهم عالأرض وحس انه هيتشل...
خالد: ليه ياباشا ليه هو احنا قادرين هنا عشان نقدر فالصحرا والحر والتعب والفرهده
رائف: عشان توصل لحاجه لازم تتعب...
ادهم وهو عالارض: مش على حسابنا ياحبيبي
رائف: اها... عشان خفة دم اهلك انت وهو مش هيبقى في اكل فالصحرا وانتو اللي هدوروا على اكل وتطبخوه...
تيا: شكرا ياعم ادهم
ادهم: على اي ياختي.. كله على دماغنا فالاخر...
ابتسملهم رائف وقال: حضروا الشنط عشان هنتحرك
راحوا على الاوض وتيا فضلت مع رائف
تيا: انت مكنتش بدربنا كده يعني
رائف: كل مرحله ليها تدريبها
تيا: انا تعبت اوي
رائف ببرود: معلش...
بعد وقت...
كان واقف ادهم وتيا بيتخانقوا
تيا وهي بتزقه: اوعي يا ادهم
ادهم: اوعي انتي
تيا: انا اللي هقعد جمب الشباك
ادهم: انسيي انا اللي بقعد جمب الشباك
كانوا واقفين بيبصلهم بصدمه على هبلهم...
جيسي في نفسها: هو ده الكريزما المغرور المتكبر
كان خالد بيضحك وقال: اي يا مجانين في ناس عاقلين يعملوا اللي بتعملوه ده.... وبعدين يا ادهم قاعدها جمب الشباك ياعم مش هيحصل حاجه يعني...
تيا: قوله ياخلوده اصل ده غبي مبيفهمش....
مسكها من دماغها وقال: انا غبي يابنت علي الخواف
تيا: انا ابويا خواف يا ابن فهد اللي عاملي فيها اللهو الخفي
ضربته في بطنه وجريت عالعربيه ولسه هتركب كتفها وقال: والله ماانتي راكبه... انا حلفت يرضيكي اصوم تلت ايام
تيا: فدايا يحبيبي حد قالك احلف
ادهم: لاء
تيا: سيبني يا ادهم سبني وانا هوريك هعمل فيك اي
رائف: في اي... اي الوقفه دي و... سكت لما شاف المجانين دول بيتخنقوا على مين اللي هيقعد جمب الشباك...
رائف بغضب وصراخ: بااااااسسس... اي ياكبار ياعقلين... اي تصرفات الاطفال دي...
وقفوا وبصوا لبعض بقرف وادهم قال: يرضيك ياعم رائف تيا عاوزه تقعد جمب الشباك وانا لاء
بصلهم بصدمه وقال: شباك اه...
تيا: يرضيك ياعمو ادهم يتف عليا
رائف بغضب: لا يحبيبتي مايرضنيش انا اللي هتف عليكي دلوقتي...
ادهم: طب انا عاوز اقعد جمب الشباك
تيا: وانا كمان...
هنا بقى حس انه هيجيله جلطه من المجانين دول
رائف: اعمل فيكم اي.. اقتلكم ويقولوا قتل عيال صحابه ولا اولع فيكم... شكل استقالتي هتبقى على اديكم.. حط ايده على قلبه وغمض عينه
ادهم: اي يارائف انت اتشليت ولا اي
تيا: شكله كده
قعد يفتح ويقفل في عنيه اكتر من مره وقال: شكل الحزام وحشكم مش كده
تيا: حزام.. يالهوي... حزام اي لاء يا روفا خلاص احنا اسفين
رائف: فاكره الحزام بتاع اعدادي لسه بشوكه... طلع يجري وراهم وهما بيجروا وهما بيضحكوا
تيا: هو انت مبتتعبش ياعم
ادهم: عنده صحه
كان كله بيضحك عليهم حتى رائف اللي قال وهو بيجري: انتو مجانين والله مجانين... انتو بتقروا عليا يا جذم...
بعد وقت...
كان قاعد رائف جمب السواق وادهم وراه وهي وراه
ادهم: ميه ميه كدا ياعم رائف انا جمب الشباك وهي جمب الشباك احنا كدا فل الفل
رائف: اسكت يا جذمه بدل ما اخرسك... حط ايده على بقه يمنع الضحك وهي بتضحك ورا
خالد بهمس: انت اي يامجنون اللي عملته دي
ادهم: عادي احنا علطول كده
خالد: لاء انا مش فاهم حاجه انت بتتكلم مع رائف كدا ازاي وتيا بتتعاملوا ولا كأنكم تعرفوا بعض من 10سنين
اتنهد وقال: هبقى اقولك لما نروح الجحيم اللي رائف باشا مودينا ليه
بعد وقت...
امر رائف السواق يوقف العربيه نزل رائف وكلهم كانوا فالعربيه... لف بضهره ورا لقاها نايمه... بصلها وبدأ يصحيها.. ادهم: بت ياتيا يابت
تيا بنوم: عاوز اي
ادهم: هاتي فونك
تيا: لاء
ادهم: انتي حره
لف ومره واحده صرخ بصوت عالي وقال: تياااااااااااا
اتخضت وقالت:في اي مين اللي مات
ضحك ادهم وكل اللي فالعربيه على جنانهم
تيا بغضب: انت عبيط ياض صح
ادهم: لاء مجنون
تيا: حرام عليك انا مصدقت نمت
ادهم: انتي ازاي تنامي وانتي مع ناس غريبه ولوحدك تؤتؤ ياخسارة تربيه التلاته
تيا: ما انت موجود اهه هنام وانا مطمنه... وكمان رائف موجود
دق قلبه بعنف وفرح انها شيفاه امانها مهما كانوا صحاب هي مطمنه وهي جمبه... اداها ضهره وابتسم وخالد لاحظه وابتسم
ادهم: هاتي فونك
تيا: فونك فين
ادهم: فصل شحن هاتي فونك بقى
تيا: هدهولك بس سبني انام...
ادهم: ماشي...
ادته الفون ورجعت تكمل نومها وهو مسك فونها وقعد يقرا في الشات بتاعهم من اول ما اتعرفوا لحد اخر رساله اتكلموا فيها...
بعد وقت...
رجع رائف وهو ماسك شنط فيها اكل اداهلهم وبصلها رائف لقاها نايمه فتح باب العربيه ونيملها الكرسه ورجع قعد مكانه وقال: يلا اتحرك...
كانوا كلهم مستغربين من طريقة رائف معاهم وطريقتهم مع بعض....
بعد ساعات...
وصلوا للمعسكر اللي فالصحرا
نزلوا كلهم ماعدا تيا اللي كانت نايمه في سابع نومه
رائف: تيا... اصحي... يابت اصحي بقى
تيا بنوم: سبيني انام ياماما
رائف: ياكبد امك... قومي يابت
قامت ونفخت بضيق وقالت: تبا ليك ولأمثالك تبا لأحلام البسطاء والعقل الباطن في اي يارائف
ابتسم رائف وقال: يلا يختي وصلنا...
تيا: مينفعش عمو يلف لفه كمان
رائف بغضب: قومي يابنت علي
قامت تجري ووقفت جمب ادهم اللي كان بيضحك عليها....
بعد وقت...
خالد: احنا هنام فين وهناكل فين بقى
رائف: هتنامو فالخيم وهتاكلوا من عمل اديكو
تيا: طب الحمدلله مش هناكل الاكل بتاع المعسكر ده تاني....
رائف: اقولك عالمفجأة
بصوله بإهتمام وهو قال بنبرة شماته: هدوروا على اكل وتطبخوه بنفسك
غير ادهم صوته لصوت بنت وقال: يرضيك ياروفا.... يرضيك اهون عليك.. وحط ايده على بطنه وقال: طب وابنك اللي في بطني هأكله اي ده هياكل أمعائي كلها... ومش هيتبقى مني حاجه
ضحكوا على كلامه حتى رائف
رائف بضحك: يخربيت فقرك... اسكت هنتفهم غلط
حط ايده على وسطه وقال بتمثيل الحزن: كده كده ياابو زمبيل بعد ما اخدت اللي عاوزه ترميني كده هونت.... اهيء اهيء
قعدوا يضحكوا اكتر وخالد قال: الصاحب الفرفوش رزق ياخواتي...
ضحكوا وهي حطت اديها على بطنها وقالت: على فكره بقى انا جعانه.... بصلها بحب وقرب من العربيه وطلع شنطه فيها اكل وقال: خدي اطفحي بالهنه والشفه... اخدتهم منه وقالت: انتو جبتوهم امتى
رائف: الاستاذه كانت في غيبوبه ومصحيتش لما جبنا الاكل... وكتر خير ادهم سابلك اكل...
فتحت السندوتش وبدأت تاكله
ادهم: طب مفيش شكر حتى... ده انا كنت جعان ومرضتش اقرب من اكلك ولا افتحه عشان تاكلي
تيا والاكل في بقها: الاكل جميل اوي
بصلها بحسرة وقال في نفسه: حتى شكرا مش عاوزه تقولها رضيت بقضائك يارب....
حط رائف ايده على كتفه وقال: انت ادبست يحبيبي
ادهم: مدبس من واحنا صغيرين يارائف
بليل بعد ساعات من التمارين وعمل الخيم والتعب كانت قاعده بعيد عن المعسكر جمب رائف
تيا: المكان حلو اوي بليل
رائف: فعلا
تيا: عاوزه اسألك سؤال كده
رائف: قولي
تيا: هو الاكل اللي انا اكلته ده كان بتاع ادهم اصل فضل يبصلي وانا بكله واتكسفت اكمله
بصلها شويه وقال: اه هو اكل جزء وعانلك الباقي
تيا: هو مكلش حاجه ده الاكل بحاله
رائف في نفسه: عشان بيحبك ياغبيه وكمل كلامه ليها: عشان عارف انك بتحبي الاكل ده
تيا: هو اضايق مش كده
رائف: كان المفروض تشكريه
تيا: المفروض بس انا كنت جعانه ومركزتش... قامت وقفت وقالت: انا هقوم اشكره وناكل مع بعض انا لسه معايا الاكل.... واتحركت ومشيت...
بص عليها وهي ماشيه وقال: ده باين ان المشاعر متبادله.... شكل الايام الجايه هتبقى عنب...
عند ادهم...
كان قاعد على صخره وماسك عصايه وبيلعب فالتراب.... حس بإيد على كتفه... لفلها وبصلها وهي قالت: قاعد لوحدك ليه
ادهم: عادي بفكر...
تيا: في اي... قول قول سرك في بير
ادهم: من امتى وانا بخبي عليكي حاجه انتي عارفه انك بير اسراري ومصايبي
ابتسمت وقالت: شكرا يادوما
ادهم: على اي
تيا: على الاكل... معلش بقى ركزت فالاكل ونسيت اشكر الجبنه الدومتي بتاعتي
ادهم ببسمه: جبنه دومتي... انتي مبتعرفيش تقولي كلام حلو خالص..
تيا: مالها الجبنه الدومتي وحشه
ادهم: اي حاجه منك حلوة
ابتسمت وقالت: طب انا جعانه
ادهم: تحبي اصطادلك حاجه
بصتله بإستغراب وقالت: هتصطاد اي
ادهم: تعابين
تيا: تعابين!!!!... انت متخلف صح
ادهم: لاء... جاسر قالي قبل كده انه لما كان فالمعسكر كانوا بياكلوا تعابين
تيا: وده ازاي بقى
ادهم: بصي بياخدوا الجلد بتاعه ويشووه وبعدين ياكلوه
هنا بقى هي حست انها هتجيب كل اللي في بطنها وقالت: الله يقرفك ويقرف اهلك يابعيد
ادهم: ليه بس ده حتى طعمه حلو
شهقت بصدمه وقالت: طعمه!؟؟انت اكلته
ادهم: كان طعمه حلو
تيا في نفسها: هو من الزواحف ولا اي... ولا كائن فضائي ايوة... هو كائن فضائي انا شكه فيه اصلا
ادهم: سرحتي في اي
تيا: ولا حاجه... انا كنت جيبه معايا الاكل اللي انت ادتهولي الصبح
ادهم: ومكلتيش ليه
تيا: ما انت عارف اني مباكلش حاجه من غيرك... انا اكلت بس لقمتين الصبح كده عشان افوق...
بصلها بحب شديد وقال: طب هاتي يلا ناكل
حطوا الاكل وبدأوا ياكلوا
بعد وقت...
ادهم: متعرفيش كنت جعان ازاي
تيا: انا سمعت انكم عملتم اكل
ادهم: اه عملوا ارانب بس انا مبحبهاش
تيا: ولا انا بتأرف منها
اتنهد وقال: عارف
تيا: هنفذ انهارده
ادهم: ايوة طبعا... ده انا مستني اللحظه دي بفارغ الصبر...
تيا: وانا اوي اخيرا هنتقم...
ادهم: ربنا يخلينا ونفرس الكل اكتر واكتر
رفعوا اديهم للدعاء وقالوا في نفس واحد: آمييين
بص عالارض وقال: متتحركيش
تيا: ليه
ادهم: اسمعي بس
هي اتوترت وخافت ومره واحده لقته ماسك تعبان كان تحت رجليها...
شهقت وبعدت لورا وقالت: انت مش خايف منه
ادهم: ده عامل زي السحليه
تيا: انت معفن اوي سيبه..
مسك ادهم رقبة التعبان وكسرها وقال: هيبقى عشا حلو اوي انا لسه جعان
تيا: جعان اي انت مكفكش اللي اكلته
ادهم: هاكله واحلي بيكي
طلعت تجري ووقفت في نص المعسكر وقالت بصوت عالي: يا اهل المعسكر... ياهووو... ادهم طلع كائن فضائي... يا من الزواحف مش عارفه
رائف: في اي
تيا: ادهم اتحول لكائن من الزواحف
خالد: مش فاهم
تيا: احنا كنا قاعدين عادي لقيته مره واحده مسك تعبان وكسر رقبته وقال اي هياكله
رائف: بجد... هروح الحقه يعمل حسابي معاه
بصتله بصدمه وقالت بتهته: ان.. انت كم.. كمان كائ.. ن فضائي
رائف: اه...
طلعت تجري عالخيمه وقالت: انتو لا يمكن تكونوا اهلي اللي حبيتهم وعشت معاهم
ضحكوا عليها وجه ادهم وقال: مش عارف ملها دي
خالد: انت بجد بتاكل تعابين
ادهم:اه...
رائف: لازم تتعودوا تلاقوا حاجه بديله تكلوها
احمد: ده انا لو هموت من الجوع عمري ما اكله
رائف: اطبخه وتعالى ناكله
الشباب في صوت واحد: نيجي معاكم...
رائف: اوي اوي.. تعالوا
راحوا الشباب..
وهي قعدت فالخيمه ضمه رجليها وعماله تقول: شكله كائن فضائي ايوة هو كائن فضائي انا ازاي مخدتش بالي...
لقت بنت جميلة بتقرب منها وقالت: انتي كويسه
تيا ببسمه: اه يا ليلى... ليه
ليلى: شكلك خايفه
تيا: اصل المتخلف ادهم طلع بياكل تعابين
شهقت وقالت: ازاي
قعدت تحكيلها وقعدت تضحك وقالت: والله دمه خفيف... كنت عاوزه اسالك سؤال لو مش هيضايقك
تيا: اتفضلي
ليلى: احمم هو انتي وادهم مرتبطين
تيا: لاء ليه
ليلى: اصل علاقتكم باينه اوي
تيا: بصي انا اعرف ادهم من وانا في تالته اعدادي هو جدع وطيب وفرفوش وحنين اتعودت عليه واهلي واهله صحاب
ليلى: اها...
تيا: انتي ليه مش لابسه حجاب
ليلى: مش مستعدة البسه
اتنهدت وقالت: انتي عارفه انك من ساعت مابلغتي وانتي بتتحسبي على كل شعرايه وعلى كل خطوة بتمشيها بشعرك وعلى كل شخص بيشوف شعرك
ليلى: بجدد انا مكنتش اعرف... بس انا شكلي بشعري مش وحش صح
تيا: لاء طبعا انتي قمر بس بالحجاب هتبقي احلا... بصي يقلبي هو فرض عليكي كده كده من ساعت مابلغتي عاوزه تبقي بشعرك يبقى في بيتك مع محارمك.... ومع جوزك ان شاءلله.... هاتي فيديوهات من على النت واسمعي عن الحجاب واسمعي شيوخ هاتي كتب عن الحجاب واقري عنها صدقيني هتحسي براحه لما تلبسيه هتحسي انك اميرة مستورة بحجابك... انا مثلا بعد الشر لو فكرت اخلعه هحس اني مش مستورة واني في حاجه غلطت
بصتلها وقعدت تفكر وقالت: اوعدك اني هفكر
عند الشباب...
كانوا كلهم قاعدين حولين النار
رائف: انا متقل عليكم عشان عارف مصلحتكم
احمد: عارفين ياباشا بس بالراحه علينا شويه
رائف: انا محسبتكش لحد دلوقتي على اللي عملته اول يوم مع البنات...
احمد: علفكره انا مردتش اضرب تيا...
ضحك ادهم بسخريه وقال: عشان معرفتش تضربها
ابتسم رائف واحمد قال: الصراحه اديها تقيله
ادهم: طب انا اعمل اي بقى ده انا مطحون ضرب بقالي سنين... ضحكوا كلهم...
بعد وقت...
قام رائف وقال: كله على خيمته عشان هنبدأ شغل بكره.... قاموا كلهم عالخيم...
اول مادخل ادهم الخيمه خالد قال: بص بقى انت هتفهمني علاقتك اي برائف والمزه تيا
ادهم بحده: ماتلم نفسك يروح امك اي مزه دي...
خالد: خلاص ياعم متتحمقش اوي كده... هاه قولي بقى.. انا هسمعك...
اتنهد وقال: بص انا وتيا نعرف بعض من واحنا في تالته اعدادي يعني كده فهتلاقينا متعودين على بعض شويه...
خالد: اه اخدت بالي...
ادهم: رائف صاحب عيلتنا وابوها وابويا صحاب مش اكتر... بس كده
خالد بغمزه: طب اي
ادهم: اي
خالد: ايييي مفيش فيلنجس...
ضحك وقال: اتكلم عدل ياض
ادهم: خلاص ياعم...
ادهم: لاء مفيش مشاعر
خالد: ياض ده انت باين عليك واقع اصلا
ادهم: مين اللي قال
خالد: عين العاشق فضحاه...
ابتسم ومردش وهو قال: يبقى بتحبها..
ادهم: اتخمد يلا...
ضحك خالد وفرد جسمه وقال: تيتييي حبيبت ادهم...
رمى المخده عليه وهو ضحك....
سند راسه ورا ضهره وقال في نفسه: كله اخد باله اني بحبها الا هي....
على الفجر....
كان قاعد لقاها بتتصل رد وقال: جاهزه ياتيتي
تيا بصوت واطي: جاهزه يادومااا
اتحركوا زي الحراميه وهما بيتسحبوا...
تيا بصوت واطي: ده احنا هنتعلق....
ادهم: بس يا بومه...
راحوا خيمه رائف وادهم قرب من مخده رائف وهي ادته صاروخ من الالعاب الناريه بتاعت رمضان بصوا لبعض بشر وهو ولعها وحطها تحت مخده رائف وطلعوا يقفوا بره الخيمه عشان يشوفوا رأكشن رائف....
عند رائف كان نايم في سابع نومه كأنه يعيني منمش قبل كده ومره واحده....
يتبع....