الحلقه ال٣١
وفجأة كان في عربيه كبيره نقل ظهرت قدامها حاولت توقفها لكن معرفتش..
كان واقف ادهم ومش عارف يعمل ايه حبيبته هتروح في ثواني زود سرعته وحاول يوصلها وفجأة اتقلبت المكنه ب تيا... والعربيه عدت من جمبها لأنها تفادتها...
كان المكنه فوقيها وهي تحتيها
تيا بصراخ ووجع: اه يا رجلي... اه يا شبابي اللي هيروح في الأرض بسبب سي ادهم انا ايه بس اللي خلاني اسمع كلام الجذمه ده
ادهم: وبتشتمي في وشي كمان..
تيا: انا لو اطول اكسرك كنت عملتها..
شال المكنه وسندها تقوم..
تيا: مش عاوزه منك مساعده...
بعد مسافه صغيره عنها عشان تعدل نفسها حاولت تمشي لكنها مقدرتش قعدت عالأرض وقالت؛ المهمه يا ابن الجذمه هعمل ايه في ام المهمه اللي علينا بأم رجلي دي..
ادهم: حطي شويه كمادات والمرهم بتاعي هجبهولك
تيا: هو المرهم بتاعك ده خارق يعني ما هو زي اي دوا واي مرهم..
ادهم: لاء صدقيني ده كويس انا لما برجع من الجيم وحته في جسمي وجعاني بحطه ومبحسش بالوجع من بعديها...
تيا: تمام ماشي وكملت بعصبيه: وانت هتفضل واقف كده كتير تعالى اسندني انا مش قادره اقوم...
ضحك على منظرها وقرب منها وسندها
في الطريق...
تيا: الله يسامحك يا ابن رقيه... ادعي عليك بإيه يا ابن رقيه... حسبي الله ونعم الوكيل فيك يا ابن رقيه..
ادهم بغضب مصطنع: بتحسبني عليا وفي وشي..
تيا: اه يا ابن رقيه...
ضحك وقال: شايفك حاشره رقيه في كل حاجه..
مردتش عليه وهو قال: المعلومات انا جبتها...
تيا: جبتها ازاي
ادهم: المهم... هو بيبقى موجود في الأهرامات والمناطق السياحيه وبكره هيكون عند الأهرامات..
تيا: تمام ابعت لخالد وليلى وقولهم وهنبدأ نتحرك...
ادهم: قولتلهم عموما...
تيا: يعني عرفوا قبلي..
ضحك وقال: انا جايب المعلومات مع خالد يا مجنونه وهو اكيد قال ل ليلى..
تيا: اها تمام ماشي..
ادهم: اثناء مرقبتنا وكدا هنبقى في شقه ام خالد اللي قريب من الأماكن السياحيه دي..
تيا: تمام ماشي...
في المستشفى...
تيا: اه منك يا ادهم الكلب ملحقتنيش يعني
ادهم: متتخرسي بقى ايه ما بتزهقيش مبتعديش دقيقه من غير ما تشتميني
تيا: تستاهل ما انت معندكش دم...
ادهم: هنتحرك بكره فاهمه هعدي عليكي عارفه لو اتأخرتي وراحت عليكي نومه هعلقك يا تيا..
تيا؛ حاضر...
تاني يوم...
كانت واقفه تيا وقدامها تحف على شكل اهرامات وابو الهول وتحف مصريه من الأثار الفرعونيه
تيا بصوت عالي: يلا يا سياح يلا هنطور السياحه في مصر التحف في مصر حاجه تانيه والسر في الحرامي القديم...
كان بيضحك ادهم عليها وكلمها من السماعه: بس يا هبله هتبوظي المهمه..
تيا: ياعم واقفه من سعتها ونفوخي ولع من الشمس الجو كان سقعه من يومين جاي على يوم المهمه يعني والشمس تضرب في نفوخي
ضحك ادهم هو خالد
خالد: معلش يا تيا وكمل برومانسيه وهو بيكلم ليلى: لولتي عامله ايه انتي كويسه لو مش قادره تقفي تبيعي او تراقبي اجي مكانك.. جبتلك يقتين عشان عارف انك بتحبيه
تيا: يقتين امي كفايه تلزيق كفايه تلزييق
ضحك ادهم وهي قالت: اي يا روح امك اتلم بقى وكمل وهي بتكلم ادهم: شايف يا اخ سيد
ادهم: شايف يا اخ ابراهيم يا بختهم..
كانت بتتكلم قاطعها واحد من السياح اللي قال بلغه اجنبيه: كام سعره
تيا: الواحد ب خمسه دولار
ادهم في السماعه: اه يا حراميه ده الواحد بدولار بس
تيا: اسكت انت
دفع السايح الفلوس ومشي...
تيا؛ خمسه دولار يا ادهم بقيت غنيه
ضحك وهي قالت: الشغلانه دي حلوة اوي كل يوم جمعه نيجي هنا نبيع شويه ونكسب دولارات ونحولهم مصري عشان الدولار غالي فهنعمل مبلغ حلو اوي فهجيب كام طقم كدا عشان معنديش
انفجروا في الضحك وهي استغربت...
شافت الراجل اللي بيراقبوه بيقرب نحيتها...
كان راجل قريب من سن اختها...
الراجل واسمه احمد: انتي اللي عملاهم يا قمر
تيا؛ اه انا يا باشا
بص لرجالته وشاورلهم انهم يبعدوا وقال وهو بيطلع الكارت بتاعه؛ ده الكارت بتاعي في شغل عاوزك فيه
تيا بدلع لأنها فهمت من نظراته انه مش سهل وقال بدلع:طب خد رقمي شكل الشغل مريح هيبقى ممتع هو بيريح ولا...
احمد ببسمه خبث: لاء بيريح جدا جدا جدا
كان ادهم بيولع من طريقة احمد وقال: ما يتلم بروح امه ده
ابتسمت تيا لما سمعته وقالت؛ تمام يا باشا...
مشي احمد وهي ابتسمت وقالت: كدا السخيف ده هيكلمني وهيطلب يقابلني
ادهم بغيره؛ وانتي بقى يا روح امك هتقابليه صح...
تيا؛ ده شغل يا ادهم
مردش وخالد ابتسم على ادهم وقال: تعالي يا تيا على شقه امي انتي وليلى مستنينكم...
اتحركوا وراحوا على الشقه...
اول ما دخلت بصتلها ام خالد وقالت؛ مين فيكم عروسه ابني
كانت هترد ليلى ام خالد قالت؛ اكيد ام عيون خضرا الجميله الشقرا دي صح..
ليلى ببسمه: اه يا طنط
ام خالد: مش خساره القمر ده يبقى في الشرطه
تنحت تيا وقالت؛ ايه ده؟؟
ام خالد: لمؤخذه يا حبيبتي مخدتش بالي....
مالت تيا على خالد وقالت؛ امكم باين عليها مش سهله وصفرا
خالد؛ اتلمي يا تيا عشان مسفخكيش كف...
تيا بحده مرعبه: طب لو راجل اعملها...
بلع ريقه واتحرك نحية امه وليلى...
كان ادهم واقف مضايق وهي قالت؛ اخ سيد مسلمتش يعني
ادهم: عاوزه ايه
تيا؛ ايه يا عم قافش ليه
ادهم: ولا قافش ولا حاجه ملكيش دعوة
تيا؛ طب قوم ياض اعملي بسبوسه نفسي فيها
مسكها من هدومها وقال: انتي مش ناويه تتلمي يابت
تيا: سبني يا ادهم عيب كده
ضحك وسبها...
شهقت ام خالد وقالت؛ ينهركم اسود انتم داخلين بالجذم
ليلى: وفيها ايه يا طنط..
ام خالد: وفيها اي يا طنط اقلعي الجذمه منك ليها وتعالى امسحي الأرض لسه مسحين
تيا؛ اي يا خالد انتم جايين تهزقونا
ادهم: دي لسه مخلياني مسحين الشقه كلها
تيا: على جثتي اني امسح حاجه
بعد وقت..
كانت تيا وليلى عالأرض بيمسحوا الأرض
ليلى: منوره يا تيا
تيا: بنور حماتك الصفرا يا اختي
ليلى: شكلي كده اتسرعت
تيا: اتسرعتي اي انتي استعجلتي واتسرعتي وكل حاجه ليها علاقه بالسرعه يا حبيبتي ده انتي هتشوفي ايام سودا
بلعت ريقها وقالت: ربنا يطمنك...
بعد وقت...
ليلى: من اللي عرفته انه بيبقى موجود هناك كل يوم في نفس المعاد اللي كان موجود فيه انهارده
كانت تيا هتتكلم قاطعها تليفونها اللي رن
تيا: مين ده
ليلى: ده الرقم بتاع المهمات اللي بنطلعها ردي
ردت وكانت فاتحه الأسبيكر
تيا: ايوة
احمد: ازيك يا قمر
تيا: ايوة مين
احمد:انا احمد اللي اديتك الكارت الصبح
تيا: اه اهلا اهلا ازيك يا احمد
احمد: اسمك ايه يا قمر انتي
تيا: ايه.. اسمي ايه
احمد: طب انا عاوز اقابلك يا ايوش
تيا بدلع: تمام يا حماده اقصد يا احمد
احمد بضحك: وماله حماده... انهارده بليل الساعه تمانيه في العنوان اللي هبعتهولك ده
تيا: تمام يا حماده..
ضرب برجله الكرسي وهي لاحظته وخالد همسله وقاله؛ اهدى يا عم اهدى...
قفلت تيا وقالت؛ اممم البس ايه بقى..
ليلى: الصراحه الواد مز
خالد؛ نعم يا روح امك
تيا: ايه ياعم انت الواد مز فعلا وحاسه انه متورط في الحكايه دي
ادهم: طب خلي احساسك ينفعك وقام...
تيا؛ ماله ده..
قامت وراه وقالت؛ في ايه يا ادهم
اادهم: مفيش
تيا؛ طب يا عم ما تزعلش نفسك انا كنت بهزر
بصلها وقال: يعني هو مش حلو زي ما قولتي
تيا؛ مين ده... ده قفاه اطول من شارع ابو قير
انفجر في الضحك وهي قالت؛ ايوة كده اضحك خلي الدنيا تضحكلك
ابتسم وقال: هتروحي بس هتبقي تحت عنيا فاهمه...
تيا: ماشي.. انا جعانه
ضربها في راسها بخفه وقال: ادخلي يا اخرت صبرري...
بعد ساعات...
كانت قاعده تيا وقدامها احمد اللي بيبصلها بنظره غريبه وقال: قولتيلي بقى انك بتشتغلي في النحت
تيا: اه
كان هيتكلم لكن قاطعه صوت تيا عرفاه كويس....
يتبع...
_________________
السلام عليكم.. 🌺💗
اسفه عالتأخير ان شاءلله هحاول انزل باقي الحلقات في اسرع وقت
كل سنه وانتم طيبين 🌜💗🌺
اتمنى تعجبكم وعاوزه رأيكم فيها وفي الروايات التانيه💗🌺
أنت تقرأ
حب طفولتي(شغل جنان×جنان)
Romantikتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
