الحلقه ال٢٧
وكان جوري اللي كانت بتبص لأثره بصدمه وقالت: بيحبها... هو اصلا باين عليك... دي غبيه ازاي مش ملاحظه ده... وجريت وراه وندهت عليه سمع اسمه لف وقال: اي ياجوري مالك؟
جوري: احمم كنت عاوزه اتكلم معاك شويه
ادهم: اسف والله يا جوري انا تعبان مش قادر
جوري: شويه بس..
اتنهد وقال: ماشي...
مشي وراها وقعدوا على صخره
ادهم: في اي
جوري: كنت عاوزه اقولك انك اكلك حلو اوي بجد
ادهم في نفسه: هو ده اللي عاوزه تقوله.... وقال: شكرا يا جوري بألف هنا
جوري: بجد يا بخت اللي هتتجوزك
ادهم ببرود: ماشي
عند تيا...
كانت قاعده زهقانه قامت تروح عند رائف عشان تتكلم مع ادهم
تيا: ادهم فين يا روفا
رائف: راح خيمته ليه عوزاه ليه
تيا: اصل زهقانه وهو اللي بيضيع زهقي وبحب الكلام معاه
رائف: بتحبي!!! بت انتي مالك
تيا: مالي...
رائف: يعني بحب وبعز وبدمن اييي مالك
تيا: ماليش ياعم رائف ما انت عارف اني بعز ادهم وعارف كده...
رائف: ماشي يختي... قومي يلاا
قامت ولسه هتطلع قال بخبث: مش هتلاقيه فالخيمه هتلاقيه مع جوري
تيا بنبره غيره: مع مين... جوري ليه بقى وهو معاها ليه ويتكلم معاها ليه اصلا
رائف ببسمه خبث: مش عارف اول ماشافها اترسمت ملامح كده عمري ماشوفتها من ادهم واول ماقالتله تعالى نتكلم شويه كأنه مصدق
تيا بحده: والله... ماشي.... وطلعت وهي حاسه انها بتولع
ابتسم رائف وقال: كدا انا اتأكدت انها بتحبه...
عند ادهم وجوري...
جوري: هو انت اتعلمت الطبخ من مين
ادهم: عادي موهبه عندي من ونا صغير
جوري: انت بتتكلم ببرود كدا ليه اعتبرني تيا
ادهم: انا مبتكلمش ببرود انا بتكلم عادي... ومالك شاغله بالك ب تيا ليه
جوري بدلع: اصل يعني بشوفك ديما معاها وبتتكلموا وواخد راحتك فالكلام معاها فبقولك اتكلم معايا عادي كأني هي
ادهم: اها ماشي
جوري: انت وتيا مرتبطين
ادهم: لاء صحاب بس
جوري: حسيت كدا بردو وخصوصا ونا شيفاها قريبه جدا من خالد وبتتكلم معاها وتهزر فقولت انتم لو مرتبطين انت مش هتسبها تعمل كده
سكت وفكر هو فعلا شايفها بتتكلم مع خالد كأنهم صحاب وهو كان واخد الموضوع عادي وبدأت تتكلم عن موضوع الجواز والارتباط من بعد ما اتعرفت عليه... بدأت تلعبله في دماغه والشيطان يوسوسله بأفكار وموضيع.... وجوري ابتسمت بنصر وشر لما شافته بيفكر فاللي قالته... وبعدين بصتله وبدأت تتغزل فيه
كانت واقفه بعيد عنهم شويه وهي شايفه نظرات جوري ليه وانها بتبصله بعشق حست انها عاوزه تجيبها من شعرها وتبعدها عنه.... قربت منهم وقالت: اي ده ادهم وجوري
ادهم: اي يا توتا انتي صاحيه انا قولت انك نايمه
تيا: اه صاحيه.... اممم انت لو كنت عاوز تتكلم انا كنت موجوده علفكره وانت عارفني مبتأخرش عليك وانت عارف
ادهم: عارف يسطا.... وقام وقال: انتي اي اللي مصحيكي صح
تيا: زهقانه اوي
ادهم: تعالي نتكلم وهضيعلك الزهق ده خاااالص
ابتسمت وجوري بصتلهم وهي شايفه انه نسى انه كان بيتكلم معاها واول ماشاف تيا قام واتكلم معاها ومفكرش انها موجوده
جوري بدلع:طب عن اذنكم انا بقى هسيبكم تتكلموا براحتكم... هنبقى نكمل كلامنا يا دومي.... ومشيت
تيا بتريقه وقلدت طريقتها: دوميي...هنبقى نكمل كلامنا يا دومي عيله ملزقه كتها القرف
ضحك على شكلها وقال: كأنك انقذتيني منها ده انا عاوز اقوم من بدري بس مش عاوز اكسفها
تيا: اممم تكسفها... ماشي.. علفكره البت مزه وحلوة هتحسن النسل بردو
ادهم: يعععع
ضحكت وقالت:ماشي ياعم
قعدوا يتكلموا وبعد وقت قاموا الاتنين وكل واحد راح على خيمته
تيا بغيره: دومييي.... كتك القرف انا بس اللي بدلعه ده صحبي انا... وعلبه الدومتي بتاعتي....
ضحكت ليلى وقالت: مالك يابت عماله تاكلي في نفسك كده ليه مضايقه ليه
تيا: البت المسهوكه اللي اسمها جوري عماله تدلع على ادهم وقال اي بتقوله يا دومي
ليلى: وفيها اي عادي
تيا بغضب: نعممم هو اي اللي عادي لاء طبعا مش عادي هي متهزرش معاه ولا تتكلم معاه ولا تقرب منه اصلا هو ميكلمش غيري...
ليلى: طب اهدي اهدي... اي مالك بتغيري عليه
تيا: لاء طبعا اغير اي انا مبغرش عليه.. بس يعني انا قولتله اني هنقيله عروسه تناسبه لكن دي متناسبهوش خالص...
ليلى: لاء انتي غيرانه...
تيا: لاء مش غيرانه
ليلى: عالعموم انتي حره وسبيه مش يمكن بيحبها
سمعت الكلمه دي وحست بوجع في قلبها وقالت في نفسها: معقول حبها بالسرعه دي... هيحبها وبعدين يخطبها وبعدين يتجوزها طب وانا... انا اي
فاقت من سرحانه وقالت: تصبحي على خير عشان لواحظ اللي مستنيانا بكره... ضحكت ليلى والاتنين فردوا جسمهم.... مكنتش عارفه تنام من التفكير فيه والتفكير انه يمكن يحبها قعدت تفكر لحد ماغلبها النوم....
تاني يوم...
كانوا واقفين كلهم وتيا وادهم بيبصوا لغادة اللي عماله تبص لرائف بنظرات كده وهو قاعد
تيا: اقطع دراعي من هنا ان كانت البومه دي عنيها على رائف
ادهم: لاء انتي متقطعين دراعك انتي اقطعي راسك كلها لان ده اكيد من ساعت ماجت وهي عماله تتسهوك وتدلع عليه
تيا: لو نسمه عرفت مش هتسيبهم...
ادهم: طب اي مش هنطفشها
سقفت وقالت: طبعا يا ادهومه.... ولا اقولك يا دومي ولا منها حلوه
ادهم: من مين..
تيا: ولا تاخد في بالك... يلاا
ادهم في نفسه: ملها دي
راحوا عند رائف وغاده وتيا قالت: سبحان الله اول مره اشوف بومه عالصبح...
غاده: تقصدي اي يا بنت انتي
تيا: اللي على راسه بطحه يحسس عليها
بصلها رائف انها تسكت وهي سكتت
غاده: انتي عاوز اي انتي وهو... روحوا جمب زمايلكم مش انتو في استراحه
ادهم: جينا نقعد مع رائف شوين بس لقينا انك قاعده وحبينا نرخم الصراحه
ضحك رائف وقال: اقعدوا يامصايب اقعدوا....
قعدوا ومبطلتش غادة تبص ليهم بقرف
غاده في نفسها: كل ما اقعد مع الراجل الاقيهم نطينلي كده
تيا: اخبار نسمه وهمسه اي رائف مكلمتهمش
رائف: نسمه حبيبتي والله وحشتني ولا القردة همسه وحشتني اوي حبيبت بابا
غاده: اي ده هو انت متجوز وعندك بنت
تيا: اه قبل ماتفكري تنقي عريس ابقي بصي في ايده الاول شوفي في دبله ولا لاء واتأكدي هو مرتبط الاول عشان ميبقاش شكلك وحش...
اتحرجت وقامت وادهم وتيا ضحكوا اوي
رائف: حلوة منكم دي...
تيا: اومال اسيبها تقرب من صحبي حبيبي
ادهم: وانا اي
تيا: قدري ومصيبتي الابدية
ضحكوا وقرب خالد وقال: تيا عاوزك في كلمتين
تيا: اشطا... قامت مع خالد وادهم كان بيبصلهم وهو مش طايق نفسه
تيا: اي ياخالد
خالد: كنت عاوز اقولك اني معجب بالبت ليلى
تيا: اممم ماشي قولها
خالد: اقولها اي بقى ما انا مش شايف منها اي قبول وبحسها بتتهرب مني ومش عاوزه تتكلم معايا
تيا: اممم عاوزني اعمل اي
خالد: اعرفيلي هي مرتبطه ولا لاء او بتحب ولالاء عشان لو هي مرتبطه وبتحب هبعد عادي لكن لو مش كده اقرب منها ولو في نصيب يعني انتي فاهمه...
تيا: بص ده اعجاب مش كده
خالد: اه
تيا: انا مش هقولك عنها حاجه غير لما تتأكد من مشاعرك تجاهه ولماتيجي وتقول بحبها هقولك هي مرتبطه ولا لاء
ابتسم خالد وقال: اشطا يا صحبي...محدش يعرف باللي قولته حتى ادهم... انا لما اتأكد من مشاعري هقوله..
تيا: لاء طبعا متقلقش مش هقول لأدهم
خالد: كدابه
ضحكت وهو ضحك ومش ملاحظين بالبركان اللي بيغلي...
مسك رائف اديه وقال: اهدى
شد ايده وراح عندهم وقال بحده: اجيب اتنين لمون عشان الوقفه الرومانسيه تكمل
خالد: في اي يا ادهم براحه
ادهم: انت تسكت خالص....
كانت هتتكلم مسك اديها وشدها وراه
تيا: سيبني يا ادهم سبني... انت ساحب جاموسه
مردش عليها وكانت دماغه شغاله تفكير بكلام جوري عضت ايده لحد مانزلت دم وهو صرخ بألم ومسك ايده وقال: اه يا بنت ال.....
تيا: انت مش ساحب جاموسه وراك
ادهم بحده: كان عاوز منك اي وكنتو بتضحكوا ليه
تيا: ما انت لو تصبر هقولك بليل
ادهم: مفيش حاجه اسمها بليل... دلوقتي
بصت للمعسكر والشباب والبنات اللي اتلموا حواليهم
تيا: خلاص يا ادهم هقولك بعدين مش هينفع
ادهم بزعيق: لاء هتقولي وهتقولي دلوقتي
بصتلهم وطلعت تجري وادهم جري وراها وقال: متهربيش وتعالي هنا وبطلي جري
قعدت تجري لكنه سبقها كالعادة ووقف قدامها وقال: انتي بتهربي ليه هو قالك اي
تيا وهي بتنهج: طب... اهدى.. وسيبني استريح... وهحكيلك بس... متقولش... لحد
قعدوا عالأرض وفضل باصصلها وهي قالت: خالد معجب ب ليلى وكان بيقولي
ادهم: ومقاليش ليه وانا صاحبه
تيا: قالي هتأكد من مشاعري تجها وهقوله
ادهم: اممم وكنتو بتضحكوا ليه
تيا: عشان قالي اني كدابه واني مقدرش اخبي عليك حاجه....
سكت وبصلها وقال: انتي بقالك فترة قريبه من خالد فقولت هو قالك انه معجب بيكي ولا حاجه كنت هباركلك وهفرحلك
تيا: انت كدا كنت هتفرحلي ده انت كنت هتدفني
ادهم: اومال تتجوزي وتسبيني
تيا: لاء هتجوز بس هنتعامل مع بعض عادي مش هسيبك...
اضايق وبص لأيده اللي بتنذف...
ادهم في نفسه: مطلعتش جاموسه طلعت فاار... وفار بلدي...
لحظت ايده وقالت: هو انا اللي عملت كدا
ادهم: اه يختي عجبك كدا... ده انا اتشوهت خلاص
ضحكت وقالت: معلش هات ايدك
ادهم: تؤتؤ عيب
تيا: هات يعم ايدك اربطهالك
ادهم: لاء انتي بتتلككي عشان تمسكي ايدي وبعدين تقربي مني وبعدين تاخدي شرفي وتجبيلي العار.... انفجرت فالضحك وقالت: وربنا انت مجنون
ضحك ومد ايده وهي طلعت منديل من جبها ولفتله الجرح......
عدى شهور وجه اخر يوم في المعسكر...
كانوا واقفين كلهم وادوا التحية العسكريه لما اللواء وصل...
اللواء: بكدا تكون خلصت فترة اختبارتكم وهتاخدوا الاجازه عارف انكم تعبتوا بس معلش اللي يدخل المجال ده بردو مش بالسهل من بعد الاجازه هتيجوا عشان تعملوا اختبار اخير وبعديها هتتكرموا وتبدأوا حياتكم في مجال الشرطه...
قعدوا يسقفوا وينطوا من السعاده
رائف: روحوا لموا حاجتكم عشان نروح....
مشيوا كلهم....
عند خالد وادهم...
خالد: انت هتفضل قافش مني كدا
ادهم: قافش ازاي ما انا بتعامل معاك عادي اهه
خالد: لاء انت مش بتتعامل عادي انت مش طايقني
ادهم بغضب: اه مش طايقك لما تقرب من تيا وتهزر معاها وانت عارف اني بحبها...
خالد: تيا؟؟ انا مالي ياعم بتيا انا بحب ليلى بقالي فترة ولما قولت لتيا قالتلي اتأكد من مشاعرك وانا هقول هي بتحب ولا لاء...
ادهم: اممم ماشي..
خالد: خلاص ياعم ادهم... لو مكلمتنيش هقول لتيا انك بتحبها وبتموت فيها كمان
مردش وخالد طلع بره الخيمه وصرخ وقال: ياتيااااا ادهم بي..... قاطعه لما حط ايده فمه وقال: اسكت الله يخربيتك خلاص ماشي هكلمك
ضحك وقال: خلاص ماشي يابتاع تيا....
بعد ساعات....
كانوا فالطريق ورائف سايق...
تيا: يعني احنا كدا خلصنا مده التدريب
رائف: لاء طبعا بس خلصتوا مده كبيرة منها ونجحتوا في كل اختباراتي اللي مش بالساهل حد يعدي منها
تيا: يعني هننزل شغل من امتى
رائف: بعد الاجازه هيبعتولكم ورق تنزلوا فين اول مهمه ولو لقوكم كفاءة هيشغلوكم معانا...
ابتسموا الاتنين وبدأوا يفكروا فالمهمات والمستقبل اللي ميعرفوش ايه في المستقبل ده مستنيهم من مفاجآت وجنانهم....
يتبع.....
أنت تقرأ
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
