အိပ်မက်ဆိုးတွေကြောင့်ပဲလားမသိ ဆော့ဝူဟျွန်း အိပ်ယာနိုးလာထဲက ရင်ထဲမှာ တင်းကျပ်ကျပ်နဲ့ ဝမ်းနည်းနေသလိုပင်
" မောနီး Omma "
ဆိုပြီး အမေဖြစ်သူကို ဖက်ပြီး ခဏလောက်ချွဲနေလိုက်သေးသည်
" လူပျိုပေါက်ပဲဖြစ်နေပြီ ခုထိချွဲနေတုန်း ကလေးဆိုးလေး"
ဆိုပြီး Omma ကသူ့ခေါင်းကို ဖွဖွလေးပွတ်ပေးလာမှ စိတ်ညစ်ညူးနေရာမှ အနည်းငယ် ကြည်လင်လာသလိုပင်
" Omma သားဒီနေ့ မနက်စာမစားတော့ဘူး ကျောင်းစတက်တဲ့ရက်ဆိုတော့ စောစောသွားချင်လို့ "
"ကျောင်းသားသစ်လေးက ရင်ခုန်နေတာလား သားကြိုက်တဲ့ပေါင်မုန့်ဝယ်ပေးထားတယ် အဲ့ဒါလေးတော့ ယူသွားဦးလေ "
ဝူဟျွန်း "ဟုတ်" တခွန်းဆိုကာ မေမေလက်ထဲထည့်ပေးတဲ့ပေါင်မုန့်နဲ့နွားနို့ဘူးကိုယူပြီး လွယ်အိတ်ကောက်လွယ်ကာ ကျောင်းကို ထွက်လာခဲ့လိုက်တော့သည် ။
~~~
အထက်တန်း ဒုတိယနှစ် တန်းခွဲ A
ဆူညံနေတဲ့အခန်းရှေ့မှာ ဝူဟျွန်းရပ်နေတုန်း စာသင်ခန်းထဲက ဆရာမက သူ့ကိုမိတ်ဆက်ဖို့ အခန်းထဲ ဝင်လာဖို့ပြောတဲ့အသံကို သူကြားလိုက်ရတယ်
" မင်္ဂလာပါ ကျွန်တော့နာမည် ဆော့ဝူဟျွန်းပါ တွေ့ရတာဝမ်းသာပါတယ် "
" ဘယ်သူ့ဘေးမှာ နေရာလွတ်သေးလဲ "
ပြတင်းပေါက်ဘေးနားက ခုံက မျက်မှန်နဲ့ကောင်လေးက လက်ထောင်ပြပြီး
" သူကျွန်တော့ဘေးက ထိုင်ခုံမှာထိုင်လို့ရတယ် ဆရာမ"
" ဟုတ်ပြီ အဲ့ဒါဆို ဝူဟျွန်းက ထယ်ရယ်ဘေးနားက နေရာမှာ ထိုင်လိုက်နော် "
" ဟုတ်ကဲ့ ဆရာမ" ဆိုပြီး သူသွားထိုင်လိုက်တော့ ထိုကောင်လေးက ပြုံးပြပြီး အရင်မိတ်ဆက်လာတယ်
"မင်းနာမည် ဆော့ဝူဟျွန်းလား ငါခုနက နာမည်သေချာမကြားလိုက်လို့ ငါ့နံမည် ဂင်ထယ်ရယ် "
"ဟုတ်တယ် ဆော့ဝူဟျွန်း ဒါနဲ့အခုဘာစသင်မှာလဲ "
မျက်မှန်နဲ့ဆိုတော့ စာကြမ်းပိုးပုံစံနှင့် ထယ်ရယ်က စာတော်မည့်ပုံစံပင် ပြုံးလိုက်ရင် ပေါ်လာသည့် ပါးချိုင့်လေးတွေနှင့် အတော်လေးလဲ ချစ်စရာကောင်းပြီး သဘောကောင်းသည့် ထိုင်ခုံဖော်ကြောင့် ဝူဟျွန်းကျောင်းအသစ်ကို သဘောကျမိသည် ။
YOU ARE READING
Again
Fantasyရွေးချယ်ခွင့်နောက်တကြိမ်ရှိမယ်ဆိုရင်တောင် သူဟျောင်းကို ထပ်ချစ်ဖို့ ကြိုးစားချင်သေးတယ်
