أنت لي ❤🇲🇦 (في طور الكتابة )

part 3

كانو ثلاثة الحوايج لي مبرزطيني وشاغلين بالي
متيحاناتي، خولة الصغيورة، والمشاكيل ديال البلاد تقدر تنوض شي حرب في اي لصديق لحظة
ليوم لاربعا وممشيتش للمدرسة حيت الواليدددة مريضة بزاف ليوم وبغيت نبقا حداها لاتحتاج شي حاجة ، وهي لاباس شوية متخافوش.
كنت جالس في بيتي فوق البيرو ديال الخشب ديالي وحاط كتوباتي ودفاتري كولشي مرون ومليوح
دوزت بزاف ديال السوايع في الحفاضة والقراية ودوش ثلاثة الحوايج مزال مخرجو من بالي.
القراية شي حاجة في السيطرة ديالي وقادر عليها وانا راه قرااي تبارك الله عليا....
اما الاحوال والمشاكيل ديال البلاد ماشي بيديا....
وخولة الصغيووورة ديالي ... راه قادر عليها وبين يديا ولكن الامور بيني وبينها مقادرش نسيطر عليها .
" ااه ااااااااخولة "
بعد الحوايج بكثرة مكتفكر فيهم كتولي تخايلهم قدااام عينيك
كنت ساهي كنفكر حتى سمعت الدقان في الباب وقبل حتى مانوض نحل ولا نشوف شكون دخلات كتجري عندي
"ولييييددددددد...... ووووليييييييييييد"
نققزات دغيا لعندي بحال الطيارة للبيرو فين كاين انا وبدات كتهضر بالزربة وكتشير بيديها لدوك الكتوبة لي هازة.....
"ولليييييد.... علماتنا الاستاذة كيفاش نصاوبووو صندوق ديال الامنيات
يلاه يلاه اجي عاوني نصاوبووو واحد يقدني لگاااااع أمنياتي"
مفهمت والو، يلاه كانت في بالي وكنتفكرها كتلعب مع يونس
شفت فيها وضحكت وانا كنتعجب!
"تسناي الصغيورة ديالي تسناااي.. بلاتي.. بلاتي.. امتى جيتي من المدرسة؟ "
جاوباتني وهي شادة يديا باغا تنوضني من بلاصتي :"يلاه جيت غير دابا "
"ويلاااه اوليييددددد... واشوف الطريقة في هاد الصفحة ووصاوب ليا صندوق كبيرررر"
هزيت الدفتر وبديت كنشووف داك العجب... هو واحد الدرس كيعلم كيفاش تصاوب صندوق من الوراق و الصغيورة الكتيكيتة ديالي جات كتجري عندي بحال الصارووووخ باش نصاوب ليها واحد
شفت فيها وضحكت.... انا كنعرفها مزيان ماغاديش تهنا ولا تخليني حتى نقاد ليها واحد.
"صافي واخا ألاالة... غادي نقلب في كتوباتي على شي ورقة صحيحة لي تصلاح باش نقادو بيها "
من بعد نص ساعة، كنا مقابلين مع واحد الصنيديق زوين فيه الملصقات بالالوان، فيه فتحة لفوق باش ندخلو فيها الأمنيات
خولة فرحات وناضت كتنقز هزاتو ومشات خرجات
"فين غادا "
"عند يووونس غادي نوريه الصندوق "
خرجااات....
الوقت لي دوزناه كنضحكو وكنقادو وكنصاوبو ونلصقو ونلونو سالا
الحمماااق هذا لي كيخليني نفكر بلي خولة ديالي بوحدي.. واقيلة بدا يهرب ليا العقل
بقيت كنتسناها باش ترجع، ولكن مرجعاتش واقيلة تلهات مع يوونس ونساتني . ونسات ماقالت ليا حتى شكرا ... ولا سداات الباب
ماشي مهم! غادي نخرج هاد الافكار من بالي ونديها غير فكتوباااتي وقرايتي وحتى الاحوال السياسية ديال البلاد.
بعد ساعة رجعات خولة وكان الصندوق مزال في يديها وكانت هازة معاها قلم قربات مني وقالت ليا :

"ولييييد.... كتب ليا ( صندوق الاماني ) على الصندوق "
خديت القلم وكتبت لي بغات ورجعتو ليها بلاما نضحك ولا نشوف فيها
"واش صاافي؟؟؟ "
رجعتت عينيا لكتوباتي لي حدايا وكنتسناها باش تخرج تمشي
حيت خاصها تعرف بلي راه ماشكراتنيش!
"ولييييد"
هزيت فيها عينيا ولقيتها حشمانة ومزنگة حنيكاتها حمرين
باينة فيها عاقت بلي راه مشكرتنيش
هضرت معاها بالنفخة وقلت ليها : "شنوووو ثاني "
"واخا تعطيني ورقة صغيرة"
بان ليا هي اصلن ماطايحاش في بالها فكرة انها تشكرني!
قطعت من مذكرتي ورقة صغيرة بيضا وعطيتها ليها
خداتها وقالت ليا : "شكرا " و مشات
كيسحابلي غاتخرج ولكن مخرجاتش مشات لفراشي وجلسات حطات الصندوق والقلم وبدات كتكب . رجعت عينيا بزز لكتوباتي ولكن بقا بالي معاها
"وليييد"
مرة اخرى عيطات ليا وتكلمت ليها
"نعااام"
"كيفاش نكتب كلمة( عندما )"
بديت كنقلب على اللوحة الصغيرة لي خديت باش نعلم لخولة الصغيورة الكلمات لقيتها محطوطة فوق الكوافوز وكنت يلاه نايض باش نجيبها حتى سبقاتني خولة وعطاتها ليا وكتبت ليها فيها ( عندما )
شافت في اللوحة ورجعات عينيها للصندوق كتكتب ، داز شوية الوقت و عيطات عليا ثاني :"وليييد"
"نعاام الصغيورة ديالي "
"كيفاش نكتب كلمة( أكبر )" كتبت ليها في اللوحة ووريتها ليها وشافتها
داز شوية الوقت تاني وعاووودات عيطات ليا :"وليييد"
ضحكاتني حيت الطريقة كيفاش كتنطق سميتي كتخليني نبتاسم بلاما نحس
"كيفاش نكتب كلمة( سوف ) "
كتبت ليها ووريتها ليها، مؤخرا الصغيورة ديالي كتعلم الكلمات وكتعلم تكتب،
مكتعرفش بزاف كتعرف في شوية، بقيت جالس كنتفرج فيها وكنشوف فيها
شحال كيوت وبريئة وعفوية.... ااه شحال كتبان صغيورة.
هزات راسها ولقاتني كنشوف فيها، سولاتني....
"كيفاش نكتب كلمة( أتزوج )"
فقت من السهوة لي كنت فيها ، سرات معايا واستوعبت ديك الكلمة الغريبة صدمااتني الصراحة وبقيت كنشوف فيها مصدوم
واش قالت "غااانتزوج؟؟؟ "
"أتزوج "
مابانتش ليكم بلي هادي كلمة كبيرة... كبيرة بزاااف عليها
سولتها باش نتأكد...
"شنووو اخولة؟؟ "
جاوباتني ببراءة:" كيفاش نكتب كلمة ( أتزوج)"
انا مصدوم ومتفاجئ ... كتسنى فيا نكتب ليها الكلمة في اللوحة
هزيت اللوحة وانا ساهي كنفكر فديك الكلمة الكبيرة( أتزوج )كتبتها ليها وحطيت اللوحة كنتسناها تقول ليا الكلمة الجاية...
تسنيت..... وتسنيت.. ولكن ماقالت والو
شفتها كطوي الورقة ولاحتها في صندوق الأماني
( عندددما أكبر سوف أتزوج....؟؟؟(......) )
الاسم لي ورا غادي نتزوج هو اسم شي واحد كتعرفووو خولة بحال سميات واليدينا صحابهاااا...... بحاااال ولييد، يونس ولا اي راجل اخر!
"خولة الصغيورة.. شنو كديري؟؟ "
دابا جاية عندي وهازة في يديها الصندوق
"ولييد.... كتب امنيتك"
"شنو الصغيورة ديالي؟؟ "
"كتب امنيتك ولوحها هنا باش مني نكبروو نفتحو الصندوق انا وياك ونشوفو واش تحقت شي وحدة فيهم هادي هي اللعبة "
شي حاجة سخيفة باش ندير شي حوايج بحال هاكا ، ولكن على قبل بنتي ندير ما اكثر. خديت ورقة كتبت امنيتي ولحتها في الصندوق
وخولة سادة عينيها زعمة مكتشوفش شنو كتبت.
اشمن امنية غانكووون كتبت في نظرهم.... امممم مغانقولش ليكم
مني كملات طلبات مني نخزن ليها الصندوق باش مايتوضرش ليها ولات تقلبو ليها مريم !
"ولييد متحلش الصندوق"
"متخافيش... كنواعدك"
ضحكات خولة ومشات حدا الباب ناوية تخرج وقالت ليا :"غانمشي نقولها ليوووونس "
فاش مشات مكرهتش نحل الصندوق من وراها ولكن من الاحسن منخلفش بوعدي ليها ( عندما اكبر سوف اتزوج..... )
شكوون اخولة؟
شكووووووون ؟
شكوووووووووووووون ؟

____________________>3_________________<3_____________

في هاد الوقت تافقو وليدينا باش نمشيو نخرجو لواحد البارك دياب اللعاب
على قبل مريم بقاااات كتحكر ، اما انا مبغيتش نمشي حيت مبقيتش صغير ومبقاش قدي كيلعب، غير الواليدة بقالت كتقوليا خرج خرج خرج تبدل الجو وترتاح من القراية.... وقفات خولة حدا واحد اللعبة كتخلع وقالت باغا تجربها ، حتى واحد مابغاها تطلع في داك القطار السريع ولكن كيفما قلت ليكم ايلا بغات شي حاجة مكتهنا حتى كتاخدو.
تنهض وتنفخ عليها الواليد بلي خاصها تسمع لهضرتو ومتعاودش معاه لكلام
بدات كتمشى معانا وراسها في الارض وعينيها فيهم الدموع !
وفاش كتبدا تبكي خولة كتحول من ___خولة _____لخلعة____
انا منقدرش نشوفها هاكا . .. حتى حاجة مكتزعزعني من غير خولة
"صافي اخولة غادي نركب معاك باش تشوفي شحال كيخلع وخطير ولكن لأول ومرة ولأخر مرة "
واليديا مبغاوش ولكن قلت ليهم :"غادي نشدها مزيان.... متخافوش "
مبغاوش حيت انا كل مرة كندير خاطرها ومددلها بزااف
واش بنيتة يتيمة مكتستاهلش نعوضوها واخا غير واحد في المئة والمهم متسوقتش لواليديا ومشيت معاها للقطار
ركبنا بزوج ومكانتش خايفة كانت غاطير بالفرحة ، وفاش سالات اللعبة وخرجنا تخيلوووو معامن تلاقيت؟؟؟
عدنان البرهوووش!
"اووووه، وليييييد كتغيب المدرسة باش تلعب مع الدراري الصغااار،
مزيان .... والله مزيان ههه"
متسوقتش ليه وجريت خولة ومشينا ولكن مبغاش يبعدمني بدا عاوتاني كيطلق ليا الكلام الباسل ديالو وصافي تضاربنا تاني
تدخلو شي ناس باش يفكونا ومنهم الوااليد...
عدنان بسباب الكروشية لي عطيتو داز ليه الدم من نيفو... وقال ليا :
"غااادي ندمك اوليييد غادي ندمك غير تسنى"
اما خولة كانت اول مرة غاتشوفني هاكاك كانت خايفة بزااف عمرها شافتني مضارب مع شي واحد كانت مخلوعة ولاصقة في الوااليدة
فاش رجعنا للدار شبعني الواليد هضرة مزيااان وقال ليا :
"كان كيسحابليا صافي وليتي راجل بعقلك "
و هاد الجملة الصراحة ضراتني كثر من كروشيات وضربات عدنان، طلع ليا الدم
دخلت لبيتي معصب وطوعت كاع الكتوبة لي كانو فوق البيرو ديالي
معرفتش علاش ليوم طالع ليا الدم ومعصب بلا قياس .... ماشي غير اليوم معصب هاد الايام كاملة يمكن بسباب الامتحانات لي جايين
داز شوية الوقت حتى كنسمع الدقان في الباب.... كانت خولة
"وليييييد"
غير نطقات سميتي قاطعتها وغوت عليها :
"رجعععععععي لبيتك اخوووولة دابااااااااااااااا"
مسمعاتش مني وعاودت غوت عليها اه اه رفعت صوتي عليها :
"قلللللللللت ليييييييييييييييك سيرررررررررررري....واش مكتسمعيييييييش"
خولة الصغيورة سدات الباب مخلوعة ومشات ، كانت اول مرة انغوت عليها وندمت الصراحة
هزيت الصندوق ديال الوراق وبقيت كنقطع فيه وخسرتووو كامل ، ولحتو في الجنب
كنت بغيت اي حاجة نبرد فيها عصبيتي وغدايدي حيت عارف السبت الجاي غادي يطلقوها عليا صحاب عدنان في المدرسة وغانسمع شلاااا هضرة من عندهم وهادشي كامل بسبابك اخولة.... على قبل كندير بزاف ديال الحوايج البليدة والسخيفة لي معندها حتى معنى! وشي حوايج اخرين لي داخلين فيهم المستقبل والحياة والمصير.....
وغااادي تشوووفووو هادشي.....

فليلساتي ❤🐥نتلاقاووو المرة الجاية مع البارت الرابع ❤ غاتدخل سنة جديدة 2024 كنتمى تدخل عليكم بالصحة والسلامة وطولتالعمرر💞 تصبحون على واقع اجمل ❤