كملت قرايتي وتهنيت من الليسي وغانبدا الجامعة ولكن بسباب القصف الجوي لي تعرضنا ليه مؤخرا رابت الجامعة والمصنع ديال الواليييد الاحوال ديال البلاد غادا وكتخسر بزاف ودابا الحرب بدات دابا شي عامين ومزال مبغات تحبس، وحتى المستوى الماادي قلال بزاف دكشي علاش القراية كتهمني بزااف بزااف بزااف وشي حاجة كثر من الحلم بالنسبة ليا .
مزال عاقلين على الصندوق لي صنعت مع خولة قبل ثلاث سنوات، مشيت كتبت جملة جديدة ولحتها فيه :
"اريد ان اصبح رجل اعمال كبيررر! "
حيت كيبان ليا الامور ديال الإدارة والشركات كيجيو معايا
جاتني فرصة زوينة هبطات عليا من السما...
هي خاصني نمشي نكمل الجامعة خارج البلاد والصراحة هادي فرصة مستحيل نضيعها... وخاصني ندوز امتحان ديال القبول يعني الى تقبلت غادي نمشي . الامتحان قريب مبقى ليه والو عندي بعد غدا
ناااري بعد غدا قريب ....
مستقبلي ومصيري وحياتي في هذاك الامتحان....
دابا كنقرا المواد لي باقين مراجعتهمش وكنراجع كولشي كنستعد دعيو معايا بالتوفيق ، اما دابا راه مزال معندي لا مستقبل لاوالو.
فيهاد الثلاث سنوات لي فاتو لاحظت ان طولي وحجمي تزادو وليت مگدر وقدي قد السخط
وليت طول من الوالييد وكنحشم ايلا وقفت حداه حيت فتو بزاف
اما خولة الصغيورة ديالي متبدلاتش مزال قصيورة وكيووت ومزال كتشري وكتطلب مزال مدللة ولي بغاتها كيف قلت ليكم تحضر.
والمضاربة مع مريم موقفاتش مزال كيتعاندو على اقل الحوايج
مزال مهووس بيها بحال شحال هذا.... لا دابا وليت مهووس اكثر....
وصلت لباب المدرسة، وشفتهم جايين كيتجاراو لباب الطوموبيل
وشووفووو شنو غايوقع..
كيتسابقو بزوج على الباب ديال الطوموبيل القدامي
ووصلات وحدة قبل من لاخرا
بداو كيضاربو وكيتخاصمو
وكيسولووو فيا :"وليييييد انا جيت قبل منها "
"لااا اولييييد... انا لي قبل منها "
"وليييد قول ليها تبعد منييييييي"
"انا لي وصلت اللولا خليها تركب ورااااك اوليييد "
"سكككتوووناااا "" هنيوووونا شوية "
كل نهار كتعاود نفس القصة، خاصني ندير ليهم النوبة
"واخا.... شكون كانت جالسة حدايا داك النهار؟ "
جاوبااات مريم : " أناااا "
"اذن ليوم غاتجلس حدايا خولة... ومرة اخرى تجلسي نوبتك امريم "
ولالة خولة جلسات حدايا بكل افتخار وفرحة.... ناري شحال غانتوحش هاد البعلوووكات
"وليييد تعلمنا درس صعيب في الماط خاصك تخدم معايا التمارين"
"وحتى انا بغيتك تعاوني في فهم القواعد "
"واخااا امريم"
"ولكن اوووليد انا لي سولتك اللولا "
وجاوبات مريم :
"انا الدرس ديالي صعيب كثر من ديالها، خاصك تخدم معايا انا اللولا "
"لا انا اللولا "
"لا درسي انا لي صعيب انا اللولا "
"لا انا اللولا "
"انا اللولا "
"انا "
"انا "
وناااااااااري على هاد الجووووجات
لا لا ! مغاديش نتوحشهم لا !
كنت مولف نحفض معاهم ونفهمهم ونقريهم هوما بزوج فاش كملت المدرسة.
شي حاجة وقعات كثيرة ومواقف كثيرة وشحال من حاجة ولكن انا ختاصرت ليكم وصافي ..
فاش وصلت حدا الباب وجبدت الساروت باش نحل الباب بدات عاوتاني المضاربة والمنافسة
"عطيني انا غانحل الباب "
"لااا اوليييد... عطيني انا نحلووو"
"متبقايش تقلديني"
"نتي لي متبقايش تقلديني"
وبدات المضاربة تاني
دخلت وسطهم وغوت عليهم :"انا لي غانحل الباب والى سمعتكم كتخاصمو عاوتاني غادي نحل ليكم راسكم ونجبد اش فيه "
زعمة انا رفعت عليهم صوتي وغوت وتنفخت عليهم باش يخافو وخولة بدااات غير كضحك
تلفت فيها وقلت ليها : " وعلاش كضحكي؟؟ "
"ماغاتلقى والو في راس مريم " (😂باسلة هاد خولة )
جاوباتها مريم : "ونتي لي راسك مافيه والو، لا لا عرفتي شنو غايلقى وليييد؟؟؟ "
خولة : "شنو؟؟ "
"البطاطا المقلية لي كتموتي عليها "
خولة بدات كضحك وقالت ليها : "ونتي عرفتي شنو غايلقى ؟؟ "
مريم : "شنوووو"
"اللوبيا لي كليتي البارح "
بقا كيعضرو على الماكلة لي كتعجبهم حتى وقفتهم وقلت ليهم انا في غانحل راسي وغانخرجكم منو بجووجات
وحليت الباب ومشات مريم كتجري ولكن خولة تسناتني حتى سديتو
"وليييد"
تلفت فيها وانا كنتسناها تقول شي حاجة تافهة عااااوتاااني
"شنووو مالكي؟؟ "
"مبغيتش نخرج من بااالك وراااسك "
تفاجات وقلت ليها : "شنوو"
"وليييد مبغيتش نخرج من راااسك"
قلت ليها و "علاش؟؟ "
والشيطانة قالت ليا : " حيت كنشوف الناس من فوق راسك حيت انت طويل بزااف "
شفت فيها وابتسمت ومديت يديا وهزيتها عندي فوق كتافي
ووقلت ليها : " هاكاااا؟؟؟ "
وعجبتها وبدات كضحك فرحانة
واش عاقلين شحال عزيز عليها نهزها... اه مزال كتبغيني نهزها
دخلت هازها للدار ومشينا للكوزينة جلستها فوق الكرسي وكانت الوالليييدة كتوجد الماكلة
"خولة يلاه سيري صلي وجلسي فوق الطبلة باش ناكلو"
وجوباتها وهي كتشوف في الوليييدة: "بطاطا مقلية "
"ااه ! وجدتها على قبلك "
وناضت كطير بالفرحة
باش نقوليكم... راه خولة كتمووت على البطاطا المقلية
هضرات معايا الواليدة وقالت ليا : " مابقاتش اوليييد صغيرة "
ضغطت على الهضرة وقلت ليها : " كبرات غير شوية "
"مبقاتش صغيرة باش تهزها على كتافك "
اممم إااااذن هي مكيعجبهاش الحال باش كنهز خولة هاكاك
"ولكن.. هي غير بنيتة صغيورة خفيفة.. وكيعجبها الحال فاش كنهزها "
"وليد راه عندها تسعة سنين"
وفاش سمعت هاد الكلمة تفكرت شريط حياتنا من اول نهار جات فيه صغيورة .
ااااه عليك يا البكاية ! ( المخلوقة البكاية )....
واااالياااااام
شكون كان كيتيق بلي انا ربيت خولة في حجري ووكلتها ولعبتها وسرحت ليها شعرها وتهليت فيهاااا ، شكون جرب شكون أب وأم لبنت صغيورة ويلاه مراهق مزال عشرين عام معندو واااالذكرياااات!
في بيتي كنت كنتفرح لي ألبوم التصاور لي فيه كاع العائلة ، اه بصح خولة كبرات الصراحة دغيا داز الوقت وانا غاندخل الجامعة وغانساافر.....
حبست حتال هنا.... مقدرتش نزيد نفكر فشي حاجة اخرى
كيفاش غانقدر نبعد على خولة وعائلتي وبلادي كيفاش غانقدر نصبر غانكون بوحدي..... الغربة والوحدة ؟كيفاش غايطلع عليا الصباح بلاما نشرب اتاي ديال الواليدة، وكيفاش غاتغرب الشمس بلاما نقرا الاخبار للواليد، كيفاش عينيا غايتسدو بلاما نقول لخوتي تصبحو على خير ؟؟
كيفاش قلبي غايضرب بلاما نهز الصغيورة ديالي خولة ونحس بيها قريبة
لصدري؟؟
بعد غدا غاندوز الامتحان والى نجحت غادوز سيمانة ولا جوج و غانخرج من البلاد و أفكار كيطيحو في بالي كيخليوني نتخلع ونخاف
واش انا قادر... واش غانقدر على الغربة؟؟ وخاصني نقدر بزز مني حيت الاحوال ديال البلاد كتدهور والشهادة ديال الجامعة مهمة بزااف
المرشحون لهاد الامتحان قلال بزااف... وكانت فرصة ذهبية نقيد سميتي في الائحة ، وانا تايق في راسي وعارف راسي غانجح ان شاء الله
قلبت الألبوم كامل وحرت معرفتش اشمن تصويرة غانديها معايا
وطاحت عينييا على وحدة مجموعين فيها كاملين وخولة الصغيورة معنقة رجليا ، اه هي لي غانديها
وخديت معايا وحدة اخرى لخولة كانت كتلون في دفتر التلوين ديالها
درتها في الشانطا ديالي
في العشية، مشيت مع خويا يونس باش نشريو شي حوايج ، وقفنا في محل ديال الشاطات وفاش كنا واقفين جاو عندنا شي دراري ومعاهم كان عدنان
عدنان نجح واخا ممسوقش لشي قراية وكنضن بلي باه لي لاباس عليه وعندو نفوذ ومعارف و قدر يوجد ليه بلاصة في الجامعة وبالطبع بطريقة غير قانونية
فاش شافني عدنان جا عندي وبدا كيضحك وقال ليا :"بان ليا سي وليييد ناوي يسافر الدراري هههه "
واش باك لقى ليك شي كريسي مهيب هههه ؟؟ ولا ترياب الجامعة حطمك مسيكين هههه؟؟ شافو فيا وبداو كيضحكوو كاملين..
عطيتهم بضهري ومتسوقتش ليهم
ولا يهمك متديرش في بالك اصحبي دابا نقول للواليد يضبر ليك على بلاصة في الجامعة .. ولا شنو بالك تخدم عندنا... المصنع ديالنا متحرقش بحال ديالكم
يونس مصبرش وقال ليه : "ايوا صافي هدشي لي بقا غير السبع يخدم عند الحمار "
وقال عدنان : " زم فمك اداك الثور، شكون قاليك هضر، خاصك تحشم على داك الوجه لي عندك مشوه "
وتلفت لصحابو وقال : " هربووو هربو... الدجال الأعور "
سب وعاير حتى سالا وتلاحيت عليه هو وصحابو بالكروشيات والضرابي ندخل ليهم برجلي وبيدي
حسيت بحالي مكرهتش نجبد عينه من بلاصتهم ونحيد ليه جلدو على لحمو
وحتى خويا يونس برد قلبو
وتدخل بنادم والناس تجمعو وسالا النهار مع البوليس
اول مرة نسمع في ديك الليلة يونس كيبكي
أنت تقرأ
أنت لي ❤🇲🇦 (في طور الكتابة )
Romanceالرواية في الأصل بالفصحى ولكن قلت الى تكتبات بالدارجة غاتجي احسن ❤🇲🇦كنتمنى تعجبكم ❤🐥
