ذات ليله

مشهد

القصه حقيقيه
الاسماء مستعاره ماعدا ليث وتال اسمائهم الحقيقيه
مشهد اول
بقيت صافنه ومحتاره شلون ومن وين جتي هاي الفلوس شوكت ويمته احنه نتعشئ منتغدئ شلون ومن وين هاي الفلوس …صارت صفنه تاخذني وترجعني محتاره …اكص ايدي اذا ممسوي سوايه ومحصل هيج فلوس

___________________________________
مشهد اخر
:-تتزوجينه وغصصبن عليججج
:-حطيت ايدي ع راسي حجيت بصوت عالي …ماااازوج ماااازوج
:-لججج تكسرين كلمممتي فهميني
:-تقرب بأتجاهي بهدوء ويحجي بغضب اشر براسه ورفع حاجبه بمعنئ شنو …
:-عليك العبااس بطل عني بطل جوز مني وللله مللتتني وللله لعبتوا روحي بعد ماكككدر اتحملكم فهمننني شذنبي اني شذنبيي وللله حرام ونبي حرام عليكم …مسمع مني تقرب مني جرني من شعري نبت اصابعه كلهن بشعري حطيت ايدي ع ايده …عووووفني

:-تقبلين وغصببببن عليج
:-اباوع ع امي جتي تتوسل بي حتئ يعوفني صار يزداد مينقص …عوووووفني الللله يخلصني منك ومن شرررك عووووفني
:- احركج والله احركججج فاهمه
:-مو فاهمه ولا اريد افتهم عووووفني …دفرني بطني احس متتت من الالم عتني من ايدي ويجر بيه باتجاه المطبخ اباوع ع امي تصرخ وتبجي وهو مو مهتم وصلني يم الطباخ باوعت بي بصدمه وتعجب؟
:-معقوله تكدر هيج تسوي؟
:-تقبلين بي وتزوجينه لو احركج قسماً
:-لحضه حسيت كلشي مات شتسوي سوي
:-اه هيج؟
:-شمرني بالكاع شعل الطباخ حط عليه السجينه …للحضه عيوني نملت بالدموع والخوف احتلني گلبي صار يدك بكل قوته صرت ارجف وروحي رايحه …اباوع بي مبتسم بمكر …
___________________________________

مشهد اخررر
صرت بس افتر اريد بس اشوفه بقيت العب باصصابعي اروح ولا لا ...اروح ...لا
ييي اروح بس اشوفه وارجع! ....لا لا عيب اثكلي يعرف ابوج اتأدبي ...اهووووو هسه شلون ...صارت سالفه تاخذني وترجعني اخر شي قنعت نفسسي ادخل عدلت شعري وعدلت الهاينك والجاكيت ...صرت امشي واباوع ليورئ دخلت للمكتب مالتته اباع شكد مرتب ابتسمت جان الموبايل بيدي بلحضتها دخلت ع السناب صرت اصور واسوي حركات وكذا مر تقريبا ربع ساعه محسسيت لمن سمعت صوته وراي ...احس متتت بدمي كزيت ع اسناني كل قوتي ...خرب روحج  ...رجع صار يحجي دنكت راسي محجيت شي بقيت بس اكل بروحي من الخجل والفشله البيها اني  واسمع دكات گلبي ...تنهدت بهدوء حاولت وي نفسي ما اتوتر اجاني صوته خشن وكلش حلو

: -شكو هنا؟
: -رفعت راسي باوعت بوجهه بقيت صافنه بي مثل الثوله! رجع كرر كلامه صحيت ع نفسي

:-شبيج؟
: -ها لا مبيه شي
:-لعد شكو داخله هنا
:-عدلت شعري ليورئ شسمه هو جيت ع موضوع
:-وهو؟
:- صرت اتلعثم بالكلام هو؟…بعدي ممكمله كلامي تقدم لكدامي
:-حرت ماعرف شسوي …حجيت ع سريع
الماده الشرحته مفهمتها كلش فجيتك ع سؤال بس واروح…عطره ملئ المكان بحيث ع كد مطيب حتئ حسيت براحه من شميته …بقئ ساكت محجه اي شي بس يباوع بيه توترت اكثرر واكثر بسببه …لحجيت بداخلي ليش دخلت ليش جيت ليش ماتوب
:-كثرانه الكحا.....
:-نصدمت من السمعته منه مثل الشي ضربني ع راسي …عقدت حواجبي بمعنئ شنو؟ ....شقصدك شنو؟

:-شبيج؟
:-شهل الكلام
:-اقصدد ……………

___________________________________
:-شبيج فهمينييي كولي احجي
:-مابيه روح عني
:-بس فهميني شبيج
:-صرت ابجي اكثر واكثر بحركة گلب اول مره ابجي هيج كل ماابجي بزياده احس روحي تريد تطلع وياي …

:-خبلتيني ولج فهميني رحمة للعباس بطلي بواجي ولج بويه احجي
:-عله نبرة صوته عليه كمت ابجي بزياده …حجيت واني حاطه ايدي ع راسي …عليك الامام الحسين عوفني ببحالي

:-ماعوفج والله احجي فهميني اروح فدوه لعيونج بس احجي شصار البواجي هاي عليمن كوليلي فهميني
:-....... بعد ماكدر هاهيه كافي وصلت حدها
:-شنو عيوني انتي شنو الوصل حده؟
:-كلشي كلششي…رفعت راسي وعيوني موتتني من الالم البيهن من كد مبجيت صفنت بعيونه بيها دموع قليله وكاعد حاط رجل بالكاع ورجل ساندها لصدره …رفع ايده مسح دموعي صارت دموعي تنزل اكثر اريد بس احضنه بكل قوتي بس ماكدر اريد بس احضنه وابجي بس مو بيدي ماكدر ………
:-يلا احجيلي
:-فكرت بيني وبين نفسي …قررت احجيله كلشيي ……
___________________________________
مجرد احداث كتبت
انستا