ذات ليله

بارت الاول

لا اليأس ثوبي
ولا الاحزان تگسرنني جرحي عنيدٌ بلسعَ النار يلتئمُ..
اشرب دموعك واجعل مرهاا عسلا
___________________________________
بارت اول
ايمان: -علي شلون بينه اليوم
علي:-وسم شبيج
ايمان: -يعني هم حاله هاي ماتطلع تشتغل؟ هسه غدا النه ماكو لشوكت تضل هيج فهمني؟
علي:-ترئ خلك ماعندي اكوم اخبزج خبز العباس
ايمان: -هيه هاي كدرت ابووي ع امي
علي: -ولج وتاليييي
تال: -كاعده واسمع بابا وماما يتعاركون روتين يومي لازم كل يوم يتعاركون …حجيت ودمعه بعيوني ماما جوعانه

ايمان: -اباوع بيها بكسرة بحيث اكل معندي الها …بعد امج ياماما هسه اسويلج عضيت شفتي بقهر بس شسويلها
تال:-جعت حيل بطني صارت تأذيني صار من البارحه مماكله
ايمان: -هسه ياروحي هسه يلا روحي شوفي اثار وين وتعالي ليه لمن تجين تلكين الاكل موجود

تال:-تمام كمت عنهم طفله عمري 7سنوات بداخلي كل شي اشوفه اريده بس ماكدر عليه كلشي اشتهي من اكل وملابس ماكدر عليه …توصل بيه ايام اكعد ابجي لوحدي بدون احد ليشوفني من اشوف البنات الي وياي بالمدرسه ابجي بكل قوتي ليش اني مو مثلهن من يجي الشتا اخاف من البرد الي يأذيلي جسمي بحيث معندي ملابس البسهن للشتا كلهن صيفي وهن كلهن تشيرتين وصدريه من الاول ابتدائي …تجي ايام من احصل الربع دينار من امي فرحتي متنوصف حتئ اروح اشتري بي كدام البنات عصير لو جبس وجانت فرحه عندي مو طبيعيه …المهم عفت كلشي رحت ادور ع اثار +اخوي الاكبر مني ب5سنوات

تال: -اثاااار …صرت ادور عليه لكيته كاعد بالباب مال البييت …اثاررر ماما تصيحك
اثار: -ها تاليني
تال:-ليش كاعد هنا
اثار: -ضايج
تال: -يا قابل هنا تكعد
اثار: -خاب مليت من امي وابوي بس يتناكرون
تال: -فورا دمووع تجمعت بعيني سحبي لحضنه باسني براسي
اثار: -وحق العباس الا ماخلي شي يمسج ولا شي يضرج واني اخوج وراح احققلج كلشي تريدينه بس خلي اكبر الا اصيرلج كلشي واعوضج عن كلشي معشتي بطفولتج هاي الشي الانحرمت منه راح اعوضج عنه والله وثم والله واني اخوج وعند كلمتي

تال: -اثار احبك هواي
اثار: -اني اكثر وعلي …يلا كومينه يمهم
تال: -وكك…حط ايده بيدي ويشاقيني دخلنه للبيت رحنه يم امي لكيناها تسوي اكل
اثار: -شنو هذا يمه؟
ايمان:-ها يروحي
اثار:-شنو هذا؟
ايمان :-تلبكت شكول …هههه امك نادره سوت اكل كلش طيب
اثار: -ابتسمت بوجها ماريد اكسر خاطرها اباوع بالاكل خبز حاطته بالماي مفورته وعليه بهارات …لججج تتتتالني باعي امج شمسويتلنه اكككل

تال: -هههههههههه شنو؟
اثار:-هاي امج طلعت شيف مدري شسم الاكل التسوي بس كلش طيب
تال: -هههههههع
اثار:-يمه بسرعه صبيلنه ترا ميت من جوع اني
ايمان: -صار يحبيبي
اثار:-يلا تاليني تعععاي وياي خلي ماما تكمل
تال:-وككك
اثار:-اباوع ع امي الفرحه نرسمت ع وجها واني الفرحه نغمرت بداخلي اباوع ع اختي لان ضحكت متتت من الفرح طلعنه من المطبخ لاكانه ابوي …سكتت عنه كعدت اني وتال