ذات ليله

بارت الثاني

:-سيلا

- أتظنُّ أنّنِي دُون وصالِكَ ميّت؟
خَاب ظنّكَ وَ الحَياةُ حيَاة !

………………………………

تال: -مر كم يوم …كاعده لوحدي بس الضوجه محتلتني ماعرف اسوي شي بدونه …بقيت كاعده وافكر بسوالفنه وشقه وضحك …فجأه دمعه نزلت مني مسحتها ع سريع ماحب ابجي

ايمان :-تعاي امي
تال:-كمت لامي …عدلت شعري مسحت دموعي من خدي رحت يمها لكيتها لافه الحجاب ع راسها وبس الدموع ناشفه ع خدودها …ماما

ايمان:-ها حبيبتي
تال:-لتبجين عليج الله
ايمان:-مابيه شي يروحي
تال:-خلي نتحمل هو فتره ويرجع لتبجين عفيه ماكدر اشوفج هيج

ايمان:-يي. ياعيوني
تال:-سلكتلي …بقيت ساكته بستها بخدها عفتها وطلعت ليبرئ كعدت اكو مرجوحه بيتنه صعدت عليها حطيت راسي ع ايدي وصافنه بشنو ماعرف الاعرفه صافنه …شويه ودخل ابوي وياه وليد ابن عمي انذل خلق لله …

وليد: -سلام عليكم
تال: -وعليكم …ماحبه ابد ولا احب اعمامي ماطيق احد من اقاربي ماعدا بت عمي فاطمه

وليد: -شلونج ام التوت
تال: -بقيت ساكته لبسته مهتميت من رغم اصغيره بس ماخذه حذري منه لان ماحبه …

علي: -ايمممان
ايمان: -كاعده واتحسر ع فراگ ابني الي …سمعت صوت علي كمت عليه…ها
علي:-شمسويه اكل جوعان
ايمان: -حجيت بيني وبين نفسي …هو شعندي واسويلك سم بقيت اباوع بي خزرني…ماعدنه شي اليوم خلص المسواك

وليد:-عمه اجيبلكم وياي مسواك خاف عمي مايكدر
ايمان: -لا يكلبي مشكور

تال: -باوعت بزاوية الباب اكو مبردات وطباخ وبلوك بقيت صافنه بيهن فكرت بيني وبين نفسي اشرت عليهن بيدي وصرت أشر باصبعي  …من تكبرين تال حتشترين بيت حتشترينن سياره الج وتتعلمين تسوقين حتتحقين احلامج واحلام امج حااشتري لامي ملابسسس هواي واخذها ونزور ونسافر الله ونعيش بعيدين عن بابا وجشع مالته …ابتسمت فزيت من ضحكتي بخوفه ورهبه

وليد :-ههههههههه وين صافنه
:-حسيت بايده ع وجهي لعبت نفسي منه …هاييي شبيككك
وليد: -كز ع اسنانه …لتتتصيحين
:-كمت من المرجوحه دخلت ليجوه واني كلي حقد اكرهه دخلت ضايجه للغرفه لاكتني امي
ايمان: -شبيج ولج ليش كالبه خلقتج
:-مبيه شي هيج
:-تااال

:-يمه مبييه شي بس ع اخوي مشتاقتله بس هيج …حجيت بضوجه وع سريع باوعتلي من فوك ليجوه
ايمان:-ديلاااا ادخلي وصوتج اذا عليتي اطيح حضج فاهمه

:-بقيت ساكته دخلت واني ضايجه …اريد ابجي بس ماعرف شنو اريده بضبط
مكان اخر …

اثار :-دخلت بغداد وكلي امال واحلام واثق اني راح احقق كلشي بالي وكلشي اريده …ماعرف بيها هواي ضليت اسأل من مكان لمكان اتبهذلت الا لكينه السكن الجامعي و والجامعه الاريد ادرس بيها بعيده عن السكن مالتي … وصلت السكن شعور ممزوج بين حزن وفرح بين دافع احقق احلام امي واختي واريد اكسر عين ابوي بيه واشوفه شلون راح اصير