ذات ليله

part 24

اكَتِب بَيّت وامِسحَ
بَيّت هِجمِت
بَيوّت ومِا طَلعتّ
البَگلبّي
وهِجمِت الدِنيْا كُلهَا
ومِا عَرّفتَ
انِساّك وّلا اعَرُفّ
اعَيّش
وأنِتَ مِوّ گرُبَي
وادِافعَلك واقِاتِلَ
واحَمِل
الطَلِقاّت
واعَرُفّ بَالنِهايَة هَايّ
مِو حَرّبَي .

________
ذات ليلة
للكاتبة سيلا
بارت 24

__________

بهاي الفتره بقيت كاعده بالغرفه معندي لا موبايل ولا اي شي دخلت خاله تبتسم وتدلع بيه

ام يوسف: - يمه تلوون
تال: - بااصغاء … ها خاله
ام يوسف: - بعد خالتج يايمه هاج شوفي هذا يعجبج
تال: - استغربت باوعت عليها بيدها موبايل … شنو هذا؟
ام يوسف: - موبايل الج
تال: - يااا لا خاله
ام يوسف: - مثل امج يروحي اني اخذي
تال :- انحرجت منها … بقيت اعض بشفتي …مديت ايدي اخذته ابتسمت بوجها

ام يوسف: - بالعافيه يايمه
تال: - الله يعافيج حبيبتي … عافتني وطلعت بقيت اباوع بالموبايل شفت بي سيم كارت … سويت بي حساب انستا وبقيت ابحث ع ليث شفت حسابه كبرت صورته بقيت اباوع بصورته واتأمل بي … مشتاقتلك هواي … صعب ارتاح وانت مو يمي صعب اكدر اكمل بدونك اني مو بس احبك اموت عليك ليث … انت ساكن روحي … ماكدر انساك شبيدييي شلون انساااك؟ حرگني الشووووك كلبي محترك عليك … من يوم العفتك احس كلشيي انتهئ … تنهدت شمرت الموبايل وطلعت ليبرا

: شفت البنات ملتمات ويحجن بيناتهن ويضحكن بس شافني سكتن باوعت عليهن خليت ورجعت للغرفه اجت وراي امهم

:- ليش رجعتي
:- احسن
:- صدك تحجي تعالي اطلعي
:- لا هنا احسن
:- كومي ولج
:- صارت تلح عليه جبرتني اطلع وياها طلعت كعدتني يمهم … بقيت ساكته وبس صافنه حجت وحده بيناتهن
باوعت عليها
:- شسمج؟
:- تالين
:- حلو اسمج
:- انتِ الاحلئ.
:- واني ريتا
تال: - اسمج حلو
ريتا: - هههه كلها تكول بس اني مااحبه
تال: - لا بالعكس حلو
ريتا :- مدري بعد
تال: - بقيت ساكته البنات بقن ساكتات محجن شي بس نضراتهن هيج مجامله الي  … شويه ودخل هذا اخوهن الحقنه

يوسف: - صباح الخير
الكل: - صبباح النور
تال: - بقيت ساكته محجيت
يوسف: - ست تراا البيت مليان زلم حطيلج شي ع راسج
تال: - باوعت بي عقدت حواجبي …خليت ودخلت ليجوه
:شوكتتت اخلصصص شوكت افتكك مو حتئئئ ** نششششك

مكان اخر
________
فاطمة: - ارجف وخايفه ع وضع تال عمر واثار طلعوا يدورون واني اتكلب بالبيت بس دموعي تشرح موقفي اعض بااصابعي والخوف محتلني …حطيت ايدي ع رجلي لان احس حيلي مات … ويننج يروحي وين رحتي ليش هيجج تسوين ليششش… اعتتتذر والله اذا صار بيج شي اموت … سمعت صوت الجرس طلعت بلهفتي فتحت الباب دخلوا اثنينهم عمر وااثار ووجوهم مكلوبه كلاب … هااااااا لكيتوها … محد رد عليه اثار حاط ايده بشعره وعمر متخوصر وبس يصفنون