فتاة من طبقة الفقيرة ذات الالفيين تعيش وتحاول العيش مع اصعب مواقف الحياة تتأقلم مع مشاكل ومفاجئات وحلاوة الحياة ومع مرور الوقت تمر عليها ذات ليله تغير لها مجرئ حياتها بأكمله
+حقيقيه
شهد: - صباح الخير تال: - صباح النور شهد :- شبيج وجهج اصفر يكول ليمونه تال: - بارتباك… لا مبيه شي شهد: - احجي خاب شبيج تال: - طلعتلي جذبه غير السوك… اريد اخذ خاله وياي للمستشفئ شهد: - بخوف …ليشش شبيج؟ تال: - الشهريه صار فتره مجايتني واريد اروح لان اخاف اذا تتأخر
شهد: - دروحي شوفيها حتئ اذا ماروح للدوام واروح وياج اخلي يوسف لو مصطفئ ياخذونه
تال: - لا خاله تروح وياي روحي يروحي لدوامج ساعه 8 ونص شهد: - متأكده؟ تال: - ييي روحي هسه تلكين يوسف منتضرج شهد: - تمام حبيبي اذا هاي راسليني وكوليلي تال: - هزيت راسي ب يي من راحت ضربت كصتي … امممداج ماكو غير المستشفئ شهل الثوووول خل اكول للسوك وترهم متسـأل شهد … دكيت الباب ودخلت
ام يوسف: - تعاي يمه تال: - خاله ام يوسف: - گلب خالتج تال: - اريد اروح ام يوسف: - وين؟
تال: - شسمه اريد اشتري محتاجه كم شغله تكدرين تاخذيني؟ ام يوسف: - دللي يمته تردين هسه لو شوكت تال: - ابتسمت ع كلامها … لا مو هسه للعصر ام يوسف: - هايهيه تال: - طلعت من الغرفه والفرحه ع وجهي شعور بداخلي مملي بس فرح مرتاحه بداخلي اشتياق اله بس من حشوفه بعد كم ساعه احس كله حينتهي هذا عذابي اله بقيت انتضر وكاعده ع جمر مر وقت راسلته … انتضرته يرد مرد عليه مر وقت منا للساعه 3 اتصل عليه كمزت من شفت الاتصال
