ذات ليله

part 8

بَعيوني
أريدك تجي
لو بَس حلم عَابر
انطيني نسمّة هوىٰ
و براحتك سافر
لو گلبي ، لو خاطري
ما أعرف شكاسر
_____________

بارت 8
ذات ليلة
الكاتبه:-سيلا

____________

:-هاي الماعرف بيوم وليله هذا غسل عقلها غسل من رغم هي متتقبل احد نزلت يم عمتي وادعي علمود تقبل تخلينه نروح وياها …ياربي عليك تخليها توافق …رحت والف فكره تجي بالي تنهدت كعدت يمها …عمه

ايمان:-ها يروحي
فاطمه :-عمه ادري بالسويتي بس قسيتي ع تالين وعيطتي عليها

ايمان:-اسكتي يمه اسكتي اريد اعلمها اسكتي
فاطمه:-شسوت ياحبيبتي
ايمان:-اخخ ولج يمه فشلتنه كدام المره تكول ابونه ميت جا ولج ابوج ميت لابخه وجهج ولابسه اززززرگ

فاطمه:-ضربت رجلها بحركه وعضت اصبعها …تقربت يمها لزمت ايدها …عمه انتي تدرين بتالين وشنو علاقتها بابوها بعد ليش تضوجين منها؟

ايمان:-يمه حتئ لو حتئ لوووو هذا ابوها مهما يكون مالازم تحجي هيج ولج اكول مسافر اكول عنده شغل اكول اي شي الا تسوي ميت ولج يمه الاب سند سند مهما يسوي يبقئ ابوها مهما تشوف منه هي البت بدون ابوها تنهاب يفاطمه كوليليي؟!!!

فاطمه:-عيونها تجدح وضايجه حيل حاولت اهديها …ياعمه شجاج شعليج بهاي المخبله هسه عرفتي تالين اصلا من يومها تجفص ومتسوي بس الي بعقلها

ايمان:-اكسر راسها ولله تدللت من عندي هواي جانت تكسر خاطري بس هسه لا صار تريده بيت ومدرسه وملابس واكل وكلشي تريده اثار مايخلي بنفسها ابني واعرفه

فاطمه:-لخاطري يكلبي لتضوجين منها

تال:-كاعده بالغرفه وافتر ابد مثبتت بمكاني الفضول العندي مو طبيعي اريد اعرف شصار بين امي وفاطمه متحملت نزلت ليجوه لكيتهن ييسولفن باوعت باامي خازرتني …

ايمان:-ولججج ولجج انتي الكرطة اني اعلمج ولج وعلي متانيه اخوج يرجع

تال:-بضوجه…ترا كلتله من طلعت وكال زين السويتي بعد شبيج محتركه روحج

ايمان: -والعباس راح تجلطوني والعباس ماراح تخلون عقل براسييي ولكم يمه ابوكم شجاكم

تال: -عضيت شفتي كعدت كدامها احجي والكلام يجرح بلعومي…ههه ابونه هستوج عرفتي ابويي وين ابوي فهميني وينه هم شفت منه رد فعل حلو فهميني كوليلي هم يوم اجاني وكلي ها بابا شنو محتاجه باللجذب يمه كولي هم كلي اني ابوج بضهرج وسندج انطيني فهميني كوليلي يلاا …يوم شافني مريضه و اجاني وكلي بابا الحمدلله ع سلامه يوم اخذني لدكتور يوم اهتم بيه يوم اجه لاعبني يوم ضحكني يوم اهتم بيه بضوجتي بحزني بدمعتي شنو شفت منه غير الضرب والاهاين والدموع وبس يريد يبيع بيه كل اليجي يعرضني النه مثل السلعه يلا احجي … شنوووو كل هذا وتريدين مني اسمي ابو يابببه وحق كل حرف بالقران وحق للله ماباوع بوجه يايمه لو احس اسمع بخبر موته هسه لو احسه يبجي دم ودمع كدام عيني ويتوسل ماسامحه ع ضيمم شفته منه …رفعت اردان ملابسي شوفتها الحرگ…هاااج شوووفي الاثررر شوووفي الجويه شوووفي تريدين مني ماكول ميت …بنسبه الي ول اثار ميت واذا تحجين بي لو تجيبين طاريه ثقي بعلي ماااباوع بيج لو مو امي لان الاذيه الشفناها منه مو سهله وماتخطئ اني بحياتي 3 اشخاص فقطط انتي واثار وفاطمه رابع الكم ماكو