ذات ليله

part 11

ليت الذي خلق العيون السودا
خلق القلوب الخافقات حديدا
لولا نواعسها ولولا سحرها
ما ودَمالك قلبه لو صيدا
__________________

بارت 11
ذات ليلة
للكاتبة: -سيلا
رمضان كريم

__________________

:-شبيج تاليين ماتحجين؟
:-ها… يي

:-علي ابو الحسنن احجي؟
:-بقيت اطك باصابعي …صرت افكر بيني وببين نفسي …خاف اكله ويعصب عليه لو يعيط بيه وينفعل الف سالفه جتي بالي …و.و.و.و...... الخ …حاولت اغير الموضوع  …شسمه احسك صرت متحبني مثل قبل

:-بابتسامه…اموت عليج تحجين صدك
:-لا ارادي دمعت عيوني لان تذكرت الموقف …ابتسمت بوجهه

:-تاليني شبيج يروحي
:-مابيه شي بس فرحت لا هيج كلتلي…باوعت باامي مركزه بيه وبتصرفاتي …دنكت باوعت بالاكل
فاطمه:-ههههههههههههههه الكبر لفج
تالين:-بقيت بس العب بالاكل …ومالي نفس اكل شي
ايمان:-يمه ماتودين لجيرانه من الاكل شو خير من لله
تال:-اني؟

:-يي روحن انتي وفطيمه
:-باوعت بفاطمه ابتسمت …صار
اثار:-مو تتأخرن
فاطمه:-ششسالفه وين رايحين
:-حتئ لو
:-خوش

:- طلعنه اني وفاطمه عليهم …ههههههههه راح اشوووفه
:-هاي الفرحه كلها ل ليث
:-اخخ اموت عليه
:-يروحي

:-دكينه الباب مدة اقل من دقيقه سمعنه صوت احد اجانه …
زمرد:-كاعدين كلحنه نتغدا بين سالفه وضحكه سمعت صوت الباب يندك …
ام سيف:-منو الاجانه هسه؟
ليث:-ابقوا اني افتحه

زمرد:-لا اكعد كمل غدداك اني كايمه …طلعت فتحت الباب طلعن بوجهي تالين وفاطمه ابتسمت …ولجنن هلااا

فاطمه:-يعمررري وبيج
تال:-هههههههه مشتاقتلجج
زمرد:-ولجن اني اكثر فوووتن فوتن
تال:-ها لا نريد نرجع بس هذا اكل امي دزته الكم
:-فوووتي ولجج شويه وارجعي مشتاقتلج صار فتره مشايفتجن
:-من صارت صدك توترت …لا زمررد اريد ارجع
:-والحُسين ازعل وياجن ادخلن يلا شويه وارجعن يلا
فاطمه:-خزرته…ادخلينه شويه ونرجع
:-حسيت بمغص بطني انطيت الصحن لزمرد  …تمام …مشيت وياها ولازمه بيد فاطمه احس دكات كلبي صارت الف دخلنه لكينه اهلهم كلهم

فاطمه و تال:-السلام عليكم
الكل: -عليكم السلام
ابو سيف:-هلا ياعمي ميت هلا نورتن
فاطمه :-بابتسامه …بوجودك
تال:- بوجودك عمو …

ام سيف:-هلا يروحي شلونجن شخبارجن
:-الحمدلله زينين
:-باوعت ع ليث ساكت ولا كأن موجودين واكو وحده بصفه كاعده بنيه شابه وحلوه …يحجون بيناتهم ويشاقون سوه ضلت عيوني متشكله بيهم ونسيت روحي وين اني

فاطمه:-انتبهت ع تالين صافنه ب ليث جتي عيوني بزمرد منتبها عليها  كرصتها من ايدها حتا تنتبه …باوعتلي وعيونها مثل الدموع بيهن