فصلية 💔😔

البارث الثاني

كرار ابو سيف: وصلت للمستشفى لكيت كريم كاعد سالت علي بس رضوض وخابرت ولدي اجوني للمستشفى

ابو كريم: ولك والله انت تعبتني كريم شتريد مني أتريد انجلط واموت وترتاح

كرار ابو سيف:اسم الله عليك ابو كريم

ابو كريم: يا خوية تعبني والله ما يجوز من سوالف
هسة الولد إذا  صار بي شي وين انطي وجهي ما تكلي

كرار ابو سيف : كول يا الله أن شاء الله ماكو شي

ابو كريم:يا الله صبرك يا ربي ويعديها على خيرها هاي المصيبة الي وكعت على راسي
اجوي عمام الولد للمستشفى وأخوة

السلام عليكم

الكل:وعليكم السلام

ابو حسين : اني والد الولد الي ابنكم دعم ابني
وهذوله عمامة

ابو كريم وابو سيف وفهد وسيف :اهلا وسهلا بيك حجي اتشرفنا بيك

ابو كريم:والله ابني ما متعمد حجي

اهل الولد :احنا هنا ما جاين نطلب شي منكم جاين بس انريد ابنا يطلع بخير وسلامة احنا ناس أصحاب عوائل ما نريد نخرب مستقبل عائله بسبب تهور ابنهم

ابو كريم وكرار ابو سيف : ونعم منكم ومن اصلكم على راسنا 

بعد مرور أسبوع من الحادث......
كريم طلع من المستشفى وايضا الولد (حسين) الي اندعم طلع من المستشفى

ابو حسين:نصيحة خلي ابنك ينتبه ولا تنطي سيارة مرة ثانية

ابو كريم: أن شاء الله حجي اني اسف على الي صار

ابو حسين: أن شاء الله اتمنى متكرر اودعناكم احنا
طريقنا بعيد (طبعا همة من البصرة)

ابو كريم وابو سيف: الله وياكم أن شاء الله طريق السلامة

ابو حسين: رحم الله والديكم مع السلامة

ابو كريم وكرار: الله وياكم

هنا رجعوا كريم للبيت

ابو كريم: انت لا فالح بالدراسة ولا فالح بالشغل كلشي ماكو بس ايجيبلي مشاكل شوف ولد عمك سيف وفهد شلون واصلين بالدراسة وشغل الا انت شنو ناقصك متصير مثلهم

ام كريم : ابو كريم على كيفك ويا الولد تعبان اليوم طلع من المستشفى

ابو كريم: انتي ضلي دافعين عنه والله اذا ما يجيبلي مصيبة اكبر منها خل ايفيدج هذا الحجي بعد
ابو كريم: انت اسمعني موبايل  ينسحب منك التلفون طلعة منا لشهر ماكو  والسيارة بعد تحلم تأخذها
وطلع من البيت