فصلية 💔😔

البارت الثاني عشر

علي :. دكوا علية المستشفى ضليت مصدوم من الي سمعته منهم كالولي البقية بحياتك  ضيت مصدوم ما اعرف شنو اسوي شلون اكلهم على مصيبتهم الثانية شلون الولد بامهم مكطعين روحهم هسة إذا اكلهم راح ينتهون والله
سارة صاير عدها انهيار عصبي اختها فد نوب وعمامها ممهتمين ضليت مسطور سطر

كالولي الدكتور
قال تعالى بسم الله الرحمن الرحيم:.
وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ﴾
صدق الله العلي العظيم

ابوهم اتوفى هنا جانت اقوى صدمة بعد صدمة امهم الله يرحمها روحين ماتت خلال اسبوع واحد اعز روحين عند الإنسان ماتوا
رحت للمستشفى واستلمت الجثة وخابرت الولد كتلهم على الخبر وكالوا لزهراء بس سارة ما كتلهه ابد عن والدها وكذلك الولد ما كلولهه

امي ضلت يمها ونقلتهه لغرفة ثانية علمود ما تشوف جنازة ابوها بس هيهات دخلت عليهم والجنازة موجودة بالاستقبال

الملا نعت عن الاب 💔😥
نذكرهم امن ايحل الغروب

ومن كثر الونين ارواحنه اتذوب

عالطيبين دوم اتحن الگلوب

چفونه وسافرو وبعيده الدروب

عزيزين وعلينه اكلف بعدهم

ذكرى اويانه ضلت بس صورهم

يلچمونه الگلب كل ماذكرهم

بعد هيهات مايلتم شملهم
عزيزين وعلينه اكلف بعدهم

ذكرى اويانه ضلت بس صورهم

يلچمونه الگلب كل ماذكرهم

بعد هيهات مايلتم شملهم

علي سند سارة وسيف سند زهراء لأن حتى أمة انهارت وياهم

بس اني ساندها سارة بس صافنه ولا نزلت دمعة منها ابد ولا عاطت مثل امها هنا عرفت سارة دخلت بصدمة تحركها اريد ولا ترمش اصلا ولا تتحرك رأسا شلتها وديتها لغرفة وحدها

سارة اتسمعيني سارة فدوة لا تسوين هيج ادري صعبة عليج والله بس احجي ابجي صرخي طلعي حركة كلبج حتلوا اذيني اضربيني اهم شي تحجين اهم شي تتحركين فدوة ابنيتي باباتي احجي وياية

ولا كأنما احجي شي وياها نفس الحاله بعدها اخير شي ضربتها راشدي حسيت خدها نار من ورا ضربتي بس صفت بوجهي ولا نطقت حجيت وياها غسلت وجهها بس بالاخير سدت أذنها من الصريخ مال النسوان والملايا تنعي على الاب هية سمعت عن الاب ضلت صافنه بوجهي وترجف