فصلية 💔😔

بارت الخامس عشر

علي:. الف الحمد لله والشكر على سلامتها حسيت هم وانزاح

سيف:. حبيبي علاوي معزوم أن شاء الله الباجر على الغداء لوجه الله ورسوله والائمه الاطهار سلامه سراوي والوالدة هم معزومة

علي:. حبيبي سيوفي أن شاء الله واصل بس والله بعده ممكمل حجي

سيف:. بدون اعذار تجي يعني تجي

علي:. والله دوام سيوفي انت اعرف بعد بدوامي وشغلي

سيف:. أخذ إجازة لو تستقال شسوي سوي تجي يعني هو تجي يله الله وياك

علي:. ولك ولا ينكدرلك😂
يله أن شاء الله الباجر يمكم بس اجيب الوالدة واجي

سيف:. كل الهلا بيكم حبيبي اكلك علاوي جيب وياك اصدقائك هم فدوة لطولك لان مسوي ثواب واني تعرف لا عمام لا خوال انت من اهل البيت وعزيمتي عزيمتك  هم خل تتباهى كدام العالم عدنا معارف زحمة الاستقبال فارغ هم جيران راح يجون يمنا عيب يلكوا بس اني وفهد وانت

علي:. حبيبي ولا يهمك ما يكون خاطرك الا طيب لا تشيل هم هاي اولا ثانيا انت اخوية والله لا تحجي هيج اكيد أن شاء الله راح اعزمهم كأنما العزيمة آلية ولعائلتي خوش حبيبي

سيف :.ما تقصر والله علاوي ما اعرف شلون اجازيك على هاي وكفتك وياية

علي :. لا يا خوية ما بيناتنا وبيت  العامر أن شاء الله هسة اكلهم مع السلامة  والحمد لله والشكر على سلامتها مرة ثانية

سيف :. الله يسلمك حبيبي علاوي ربي يحفظك أن شاء الله ممنون منك

علي:. ضلعي تدلل

كتلهم لاصدقائي معزومين بيتنا على الغداء الباجر

أما سيف طلعت سارة

دكتورة سما :. بس ممنوع أي حركة والمغذيات لازم تكون ملتزمة بيهم وتغذية مهمة جدا ولازم راحة تامة مو زين عليها الحركة السريعة

عمل عدة فحوصات لمراقبة الحالة الصحية للمريض،  فحص الدم، وفحص مستويات السكر في الدم، وفحص وظائف الكبد للتأكد من عدم وجود أي عدوى أو اضطراب في الجهاز العصبي المركزي.

سيف:. تدللين دكتورة

فهد :.هلا يابة خفنا عليج ام لسان ولج لعبتي بحالنا لعب انتي شخليتي بينا هههههه يله اهم شي كمتيلنا بالسلامة

سارة:. صوت خافت وتعبان الله يسلمك اريد ارجع للبيت تعبانه هنا

فهد :. تدللين شوية ونرجع للبيت

سارة :. أن شاء الله

دكتورة سما :. كملت الفحوصات عفوا استاذ سيف

سيف :. نعم دكتورة

دكتورة سما:. الف الحمد لله والشكر على سلامتها الفحوصات كلها نضيفة تكدر هسة اتسويلها ورقة خروج وتطلع