فصلية 💔😔

البارت السابع عشر

واجوي عمامهم وابن عمهم وعمه لمن دخل كال اليوم اجيت واريد منكم اريد اطلب ايد سراوي لابني سعد واكيد ابن عمها اولى بيها من الغريب ومنا وبينا

سيف :. أنت هسة يله اتذكرتنا اجيت وينكم بوفاة أبوية  وينكم لمن سارة اتمرضت وينكم لمن فلس احمر ما عدنا ابيتنا لو لمن عدكم مصلحة اتذكرتونا وهاي مال اولى من الغريب انطيها الغريب ولا انطيها الكم نكعها واشرب ميها

عمة:. مو زين اجينا وطلبناها منكم مطلقة منو الي ايكلبهه وياخذها  وهاي مال عدكم ظروف ترى كلنا عدنا ظروف مو بس انتوا

فهد :. اكلك عمي اشو انت ما تعرف تحجي مع احترامي الك تعال كلي شلون صارت مطلقة مو من وراكم ومن ورا ابن اخوك الأرعن وثانيا الف واحد يتمناها والبيت يتعذركم

عمهم:. يعني هيج صار الحجي

سيف :. اهدء فهد مو هيج الحجي

فهد:. لا هيج ونص هم

هنا علي كلش صار نار من ورا كلام عمها بس كال اخوانها لازم يحجون ميصير اني احجي ويا لو علية الزمة هوا وابنه اكطعهم واطردهم

وانتبه عمة أثناء العركة وجود علي بالبيت

عمهم:. انتوا شلون ادخلون هذا للبيت انتوا ورا ابوكم كمتوا اطلعون وادخلون براحتكم الله يرحمك يا خوية صار البيت هيته بدونك كاموا يلعبون لعب وراك

فهد:. هيووو انت لا اتصيح وهذا اله اسم اسمة علي و تاج  راسك وراس عشيرتك هوا الي وكف ويانا بوكت الي انتوا اتخليتوا عنا بفاتحة اهلي منو موجود علي بفرحنا موجود   موجود علي بمرضنا موجود  وانت هسة جاي اتكول علي هذا
اطلع لا وحق علي بن ابي طالب اسحل ابنك هنا واخلي للعالم مضحكة  وحق الحق العب بيكم لعب اتعرفون من فهد ايخلي شي باله الا يهجم بيتكم فوك روسكم واختي خط احمر طلعها من بالكم منتشرف ننطيتها الكم واحد بلا شخصية ولا شهادة ولا احترام جاي بكل ثقة ايريد جوهرتنا اطلعوا يله براااااااا

عمهم:. اتفضلون الغريب علية خير أن شاء الله راح اعرف شلون اطلع حقي منكم يا ولد كرار

فهد:. يله برااا يله ايهدد هوا

هنا فعلا العم وابنه طلعوا خارج البيت

سارة :. اجة عمي واستغربنا واخواني كالوا ادخلوا جوا ولا تطلعن فعلا دخلنا بالبيت وراها تقريبا ب١٠ دقائق سمعت الصياح وباسمي هم ضل بالي  كلش ورا شوية زاد أكثر وصوت فهد على اكثر وطرد عمي وابنه خارج البيت

دخلوا الولد بالهول

سيف :. زهراء جيبي مي  بارد فدوة

زهراء :. تامر هسة اجيبه راحت جابت مي واجتي

سيف:. اهدء فهد حبيبي لا تضوج نفسك خلي يولون ايحلمون ايشوفون اضفرها اصلا ومنو همة ننطيهم سارة ايحلمون اصلا بيها